1 Reyes 11:22 - Biblia Dc en Mixe de Quetzaltepec

²² E ja yajkutujkpë tyaa ja y'ëtsoowë: ¿Tii ko mwinpita'any ma ja mnaax mkajpnën? ¿Ëkë jää yaa tii mtëkoy'ajtxëtyë? Tä ja Hadad y'ëtsooy: Ka'apës yaa tii xytyëkoy'ajtxë, yi'iyës mpëjktsoopy etsës xy'ëwa'atsëty yë ntu'u wä'änës n'ëknëjkxy maas yë nnaax nkajpnën.

Biblia Mixe de Quetzaltepec

²² E ja yajkutujkpë tyaa ja y'ëtsoowë: ¿Tii ko mwinpita'any ma ja mnaax mkajpnën? ¿Ëkë jää yaa tii mtëkoy'ajtxëtyë? Tä ja Hadad y'ëtsooy: Ka'apës yaa tii xytyëkoy'ajtxë, yi'iyës mpëjktsoopy etsës xy'ëwa'atsëty yë ntu'u wä'änës n'ëknëjkxy maas yë nnaax nkajpnën.

1 Reyes 11:22 ပူးပေါင်းရင်းမြစ်များ

Lucas 22:35

Tääts ja Jesús yajtëëwëtë: Ko miits ojts nkäxtë ets ja Dios ja y'aaw y'ayuk xykyajpxwa'kxtëty, ko ja mxuumy ka'ap xywyitstëty, ni meeny apëjkën, ni mkë'ëk. ¿Tii ojts mtëkoy'ajtxëtë? Tääts y'ëtsoowtë: Ka'ap tii tyëkoy'äjty.

Marcos 14:31

E ja Pedro ni'ikyë y'ënaan'ëtë'ëtsy: Oyës ntimy'ookëty mëët mijts, nijëna'a mijts nkakuyu'utsy. Aakjëtu'un ja myë''ijxpëjkpëtëjk y'ënantë.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Salmos 37:8

Ixmats yë äkë toyë, ets ja'atyëkoy yë ëwa'an'at; këtii mjoot'anpëkëty, jä'ä ko yë joot'an ni'ikyë winë tyajma'aty.

1 Reyes 11:21

E ko ja Hadad tnija'awëy, ko ja David tëë ënety y'o'knë ets näjyëtu'un ja Joab, mëti'ipë nyiwintsën'ajtypyën ja tsiptuunpëtëjk, ënät ja Hadad t'ënëmaay ja yajkutujkpë: Mijts yam n'amëtoopy etsës xy'ëwatsëty yë ntu'u wä'änës n'ëknëjkxy maas yë naax nkajpnën.

1 Reyes 11:23

Ojts näjyëtu'un yë Wintsën tyajkutuky ets Rezón tnipëtë'ëkëty yë Salomón, yë'ë Rezón xyëëwajtyp, Eliadá myaank, jam ënety të kye'eky ma wyintsënën, yë Hadad-ézer, jampë yajkutukyën Sobá.

Proverbios 27:8

Jëtu'un tä tu'uk yë joonën mëti'ipë myëjëkämkekpyën yë pyä'än, jëtu'un ja ja'ay mëti'ipë myëjëkämkekpyën ja nyaax kyajpn ma ojts myëxu'unk'atyën.