1 Reyes 11:21 - Biblia Dc en Mixe de Quetzaltepec

²¹ E ko ja Hadad tnija'awëy, ko ja David tëë ënety y'o'knë ets näjyëtu'un ja Joab, mëti'ipë nyiwintsën'ajtypyën ja tsiptuunpëtëjk, ënät ja Hadad t'ënëmaay ja yajkutujkpë: Mijts yam n'amëtoopy etsës xy'ëwatsëty yë ntu'u wä'änës n'ëknëjkxy maas yë naax nkajpnën.

Biblia Mixe de Quetzaltepec

²¹ E ko ja Hadad tnija'awëy, ko ja David tëë ënäty y'o'knë ets näjyëtu'un ja Joab, mëti'ipë nyiwintsën'ajtypyën ja tsiptuunpëtëjk, ënät ja Hadad t'ënëmaay ja yajkutujkpë: Mijts yam n'amëtoopy etsës xy'ëwatsëty yë ntu'u wä'änës n'ëknëjkxy maas yë naax nkajpnën.

1 Reyes 11:21 ပူးပေါင်းရင်းမြစ်များ

1 Reyes 2:10

Ojts ja David y'o'knë, jam nyaaxtëjkëy ma ja y'aptëjk nyaaxtëjkëtyën, ma yajtijyën David ja kyajpn.

Mateo 2:20

Pëtë'ëk, nëjkx jam Israel y'itjotm. Mëët yë mëxu'unk ets tyaak. Tëë y'o'knëtë ja ja'ayëty mëti'ipë ënety yaj'ookantëpën ja mëxu'unk.

1 Reyes 2:34

Jëtu'un'äämpy ja Benaías ojts tnitso'onë ja Joab ets tyaj'o'ky. Jam ja Joab nyaaxtëjkëy ma tyëjkën, jam të'ëts'itjotm.

2 Samuel 3:21

Ko kyääytyääy y'uktaaytyë, tä ja Abner t'ënëmaay ja David: Tyam oyës nëjkxëty, nëjkxës ja Israel ja'ayëty n'ëk'ixtë ets nwowa'anyës wä'än tuntë tu'uk ja käjpxytyu'unën mëët mijts mëj ënä'ämpë ets xypyaatëty ja mkutujktakn ma ja naax kajpn xywyinye'eyëtyën. Tä ja David ojts nyäjyëkajpxënë mëët ja Abner, jëtu'un ja Abner ojts jotkujk nyëjkxnë.

1 Samuel 9:26

Ko ojts kyootsënë tä ja Saúl nyäkyo'kënë. Komjëpom tä ja Samuel pyejty jap tëjkkëjxy ets tyujxy ja Saúl ets t'ënëmaay: Pëtë'ëk ets mnëjkxëty. Tääts nimäjtsk pyëtsëëmtë jap tëja'p, yë'ë Samuel mëët yë Saúl.

Josue 2:21

Oy jyëtu'un'atëty, jëtu'un ja to'oxytyëjk y'ëtsooy: Tä ojts tjëëkajpxnë ja ja'ayëty. Ja tsaptswit ojts jam këxtsumy tyajwë'ëmy ma tyëjk nyi'ëwa'atsëtyën mëti'ipë ënety të tukutëëynyäxyën ja ja'ayëty.

Éxodo 4:19

Jam ënety Madián tsyëënënëm ja Moisés, ko Dios y'ënëmaayë: Wimpit jap Egiptë, jä'ä ko ja ja'ayëty mëti'ipë ënety myaj'ookanëpën tëë ja y'o'ktaaynyëtë.

Génesis 45:24

Ko yë José nyäy'ëxmajtsë mëët yë myëkä'äxtëjk, ënät ojts tjaakënëëmë: Tyam miitsëty n'ënëëmëtë, ko këtii je'eyë tu'u'aay mnäy'oj mnäya'axëtëty. Ënet ojts tsyo'onëtë.

1 Reyes 11:20

Ja y'uty ja wintaj Tahpenés ojts tu'uk ja Hadad y'u'unk myääy tyajmiinë naaxwiinyëtë mëti'ipë tyijën Guenubat, yë'ë ojts Tahpenés tyajyeeky mëët tu'knax ja y'u'unk y'ëna'k jap ma ja kutujktaknën, ma ja yajkutujkpë y'ëne'emyën.

1 Reyes 11:22

E ja yajkutujkpë tyaa ja y'ëtsoowë: ¿Tii ko mwinpita'any ma ja mnaax mkajpnën? ¿Ëkë jää yaa tii mtëkoy'ajtxëtyë? Tä ja Hadad y'ëtsooy: Ka'apës yaa tii xytyëkoy'ajtxë, yi'iyës mpëjktsoopy etsës xy'ëwa'atsëty yë ntu'u wä'änës n'ëknëjkxy maas yë nnaax nkajpnën.