1 Reyes 11:13 - Biblia Dc en Mixe de Quetzaltepec

¹³ E kajtsës yam ntimy'ënä'äny ets tëkokyë ntimpyëjkëtya'aja'anyës ja kyutujkën: yë'ëjës ntukmëwë'ëmäämpy tu'uk yë jyä'äy, mëët koos njoot'aty ja mteety ets ja Jerusalén kajpn mëti'ipës kë'ëm nwin'ijxën.

Biblia Mixe de Quetzaltepec

¹³ E kajtsës yam ntimy'ënä'äny ets tëkokyë ntimpyëjkëtya'aja'anyës ja kyutujkën: yë'ëjës ntukmëwë'ëmäämpy tu'uk yë jyä'äy, mëët koos njoot'aty ja mteety ets ja Jerusalén kajpn mëti'ipës kë'ëm nwin'ijxën.

1 Reyes 11:13 ပူးပေါင်းရင်းမြစ်များ

1 Reyes 12:20

Ko ja Israel ja'ayëty tnija'awëtyë ko tëë ja Jeroboam wyimpity, ënät ojts tnikäxëtë ets t'ënëmaaytyë ets nyäwya'këxë'ëkëtëty ma ja naax kajpnën, e jëtu'unts ojts tnikajpxpätë ets yë'ë yajkutukëty ma tëkokyë ja Israel ja kajpn tnitänën ets ja Israel ja'ayëty ka'ap ojts t'ëkmëjwa'kpäjnëtë ja David ja y'u'unk y'ok, ëpëky ja Judá ja jyä'äy.

1 Reyes 11:32

Yë Salomón njaak tukmëwë'ëmäämpyës tu'kkajpn, jä'ä ko yë'ëjës nkaja'atyëkoyäämpy ja David ets ja Jerusalén kajpn, ja kajpn mëti'ipës kë'ëm nwin'ijxën ma ja maykyajpn ja Israel tnitänën.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Isaías 62:7

këtii xyajpo'kxtë ja'ayëty koonëm tkoj'o'oyëtya'atëty ja Jerusalén kajpn, ets tëkokyë naax kajpn kyuuy'ëw kyuuya'axëtëty.

Isaías 62:1

Mëët ko ntsoky njawë mijts Jerusalén kajpn, ka'ap tjëkyepy amonyë n'itëtyës; mëët ko ntsoky njawë mijts Jerusalén kajpn, ëjts ka'apës npo'kxa'any koonëm n'ixëtyës ko ënety jëtu'un tyi'kxy jyäjy tä xyiintyä'äky jyajtä'äkyën, mëët ko ënety të mmëtä'äky, ets koonëmës n'ixëty jëtu'un tyi'kxy jyäjy ja nitsokën tä jëënyä'änkën.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Salmos 132:17

Ëjts n'ëwa'atsäämpy ets ja David ja y'ënä'ämën kyutujkën jam jatëkok tsyo'onta'akëty, tëës tu'uk ja kutë'kxn nnipëjktaakë mëti'ipë kutë'kx kujajëtëpën ja nyajkutujkpës.

Salmos 132:1

Wintsën, ja'amyäts yë David, ets ijxë wi'ix tmënaxy tyajnaxyën yë ëxëëkpë tsaatsypë. Ja'amyäts ko yë'ë ojts tnikäjpxy ko tukkajpxpejty yë Dios yë xyëëw, ets ko ojts tukmëtoy ja y'aaw y'ayuk ja Dios mëti'ipë Jacob y'ëwtajtypyën.

Salmos 89:49

Wintsën, ¿maa ja mtsojkën mja'awën të nyijkxy? mijts jëtu'un m'ëna'any ko yë tsojkën ja'awën yë'ë kopkpëky, ojts xytyukwinwanë ja David ko oy winë xytyuna'any ma yë'ëjën.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

2 Reyes 21:4

ojts jap tsajptëkoty, ma ja Wintsën ja tyëjkën tyaj'oyë kanaak ja wintsë'këntyakn, mëti'ipë ja Wintsën ojts tnikäjpxyën ko jämyë ja xyëëw yaj'ëwtatëty ma Jerusalén kajpnën.

2 Reyes 19:34

Ëjts nkuwa'anäämpyës ya'atë naax kajpn, etsës nyajtso'oka'any, mëët koos n'oyjyawë ja ntuunpës David ets mëët ko ja nxëëwës mëj'äämpy nyaj'ita'any.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

1 Reyes 11:39

E yë'ëts ënät ja David ja y'u'unk y'ok, tyamës ja ntukukëpäta'any mëët ko të pyokytyuny, je'eyëp ko ka'ap xëmë jëtu'un tyim ita'any.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

1 Reyes 11:14

Ënet ojts ja Wintsën kë'ëm tyajkutuky ets ja Salomón tu'uk ja myëtsip nyipëtë'ëkëtëty: Hadad xyëëwajtyp, Edom ja'ay.

1 Reyes 12:17

Je'eyëp ko ja Israel ja'ayëty mëti'ipë jam tsënaaytyëpën ma ja Judá tnitänën ja naax, yi'iyë ojts ja Roboam tjaak ëne'emy.

2 Reyes 17:18

Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënety yajpaatën, yi'iyë jaakwë'ëmtë ja Judá ja'ay.

2 Crónicas 21:7

Yë Wintsën ka'ap t'a'ijxëy ets tyajkutëkoyëty ja David ja y'u'unk y'ok, jä'ä ko tëë ënety mëët ja käjpxytyu'unën tuny ko ka'ap nijëna'a tyajkutëkoyä'äny ja tyikts y'aats ja David, jä'ä ko tyaa t'ënëmaay ko jëtu'un y'itëty xëmë tä yë të'kxën jajënën.

1 Reyes 12:19

Jëtu'un'äämpy ja Israel ja'ayëty ojts tmëtsiptsoontë ja David ja jyä'äy, tyampaat jëtu'unyëm tyu'uye'ey.

2 Reyes 8:19

Je'eyëp ko ja Wintsën ka'ap ojts tyajkutuky ets y'atëkoyëty ja Judá ja myëj'ajtën, mëët ko ja David ënety të t'oyjyawë, mëti'ipë tyukwinwa'anëyën ko xëmë tmajts'ita'any ja myëj'ajtën y'oyajtën.