1 Reyes 10:25 - Biblia Dc en Mixe de Quetzaltepec

²⁵ Winë jëmëjt ijty nëjkx winë tnamo'otë. Tä ja poop pujxnën pu'ts pujxnën, wit tujkxyën, nijänën, tääts mëti'ipë tyuktsiptuuntëpën yë ja'ayëty, aaynyëë ujts nëë mëti'ipë xu'kpën ets ja jëyujk ëkë kwaay.

Biblia Mixe de Quetzaltepec

²⁵ Winë jëmëjt ijty nëjkx winë tnamo'otë. Tä ja poop pujxnën pu'ts pujxnën, wit tujkxyën, nijänën, tääts mëti'ipë tyuktsiptuuntëpën yë ja'ayëty, aaynyëë ujts nëë mëti'ipë xu'kpën ets ja jëyujk ëkë kwaay.

1 Reyes 10:25 ပူးပေါင်းရင်းမြစ်များ

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Ezequiel 27:14

Yë Bet-togarmá yë'ë ijty mtukmëjuuyëp yë kwaay ets mëkjëyujk mëti'ipë myajtunëp ets mtuk'u'unyëpën.

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënety wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Isaías 36:16

këtii xymyëpëktëty. Yë yajkutujkpë, Asiria ja'ay, jëtu'un m'ënë'ëmxëtë ets mëët ja tsip xykyajpx'oyëtëty ets tu'k'utëyë je'eyë mtimnyäkyë'ëyakëtëty, jëtu'unts xyjyë'kxtëty xypyëktëty ja mkë'ëmtsatym mëti'ipë të xynyiyu'ujëtën ets ja xe'enky tsya'am xyjyë'kxtëty mëti'ipë mkamjotm myaj'itëpën ets akujk jotkujk xy'uuktëty xypyëktëty ja nëë mëti'ipë të xynyipotsëtën.

Salmos 72:15

Juuky'ajtp yë yajkutujkpë. Wä'än tyajmo'oy yë pu'ts pujxn mëti'ipë tso'onpën Sabá. Wä'än xëmë tyajninu'kxtä'äky ma Tiosën. Kënu'kxy y'itëty xëmëkyëjxm.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Job 42:11

Ënet ja myëkä'äxtëjk, ye'etyëjkpë to'oxytyëjkpë, myëjëën myëtëjk ets mëti'ipë mëët nyäwyin'ixy'ätyën ojts nyimiinta'ajëtë, tu'uk ja xëëw tyaj'apatëtyë jam ma ja Job ja tyëjkën. Ojts myëmëtya'akëtë ets wyinxoon wyin'ijtëtë ko ënety o'ktëy të jyäty të kyëpety, ko ënety ja Wintsën ja ëyo'on jotmay të tyuknikexyë, tu'ukjaty ojts tmo'otë ja wit meeny ets pu'ts pujxnkë'ëjiits.

Ester 8:14

Tä ja yajkutujkpë ojts tni'ënä'ämë ets ja tyuunpëtëjk tmëtsoontëty kwaaykyijxy ja noky ets poj'am ye'eywya'kxtaaytyë kajpn kajpn, ya'atë ënä'ämën ojts jam näjyëtu'un yajkajpxwä'kxy ma Susa kajpnën.

Ester 8:10

Ja noky, yë'ë ojts kë'ëm tim tsyä'äy ja yajkutujkpë ets ojts näjyëtu'un twinkukäätsë, kë'ëm ojts ja kyë'ëkaa jam tpëjktä'äky. Ko yajjaaytyääy ja noky, tääts ja kunoky tmëtso'ontë. Ja kunokyëty kwaaykyijxy tmëjëtijtë ja noky. Jä'ä yajtuuntë ja kwaay mëti'ipë ja yajkutujkpë jyä'ä'ajtypyën. Tääts poj'am jya'ajtaay kajpntum ja nija'awën.

Esdras 2:66

Wëxtujk mëko'px ja i'px majkmokx tu'uk ja kwaay tmëët'atë, mäjtsk mëko'px ja wëxtyikxy mëkoxk ja mëkjëyujk,

2 Crónicas 26:8

Yë Amón ja'ayëty yajktëp ijty yë kyëpäjtën jam ma Uzías yajkutukyën, Uzías akäjpxy ojts y'ity jampaat Egiptë, jä'ä ko yë'ë ojts myëjtëkë yë kyutujkën.

2 Crónicas 9:24

Oynyapënëty ijty winjëmëjt tyukninëjkxyë ja näynyamo'ojë: Tä yë poop pujxnën, pu'ts pujxnën, wit tujkxy, nijän ets tujn pujxn, tsooyën, jëyujkën ets tsajpkaajën.

2 Reyes 17:4

Yë Oseas ojts tëkok tjanikäjpxytyunë yë Salmanasar, je'eyëp ko yë Salmanasar ojts ënätyë tnijawë ko yë Oseas tëë ënety jyä'äy tyuknikexyë jam So, mëti'ipë yajkutujkpën jap Egiptë; ojts näjyëtu'un tnijawë ko yë Oseas ka'ap ënety y'ëkkëpäjnë ma ja yajkutujkpën Salmanasar. Ënet ja Salmanasar ojts tyajnitukë ets Oseas yajtsumëty;

1 Reyes 18:5

Tä ja Ahab t'ënëmaay ja Abdías: Ja'am n'ëktukjëtijtëmë it naaxwiinyëtë, kooxyëp muum napatmëty yë nëë mëti'ipë y'uuktëpën yë jëyujk tsajpkaa. Jä'ä ko pën ka'ap maa nëë tsojk jëyujktuk n'ëkwë'ëmënëty.

1 Reyes 10:10

Tä tukë'ëtëjkëy ja yajkutujkpë tëkëëk mil ja taxtujk mëko'px tsim ja pu'ts pujxn, ëpëky ja ujts nëë mëti'ipë pa'akxu'kpën ets may ja tsaa oyjyätyëtypë mëti'ipë tsowëtyën. Nijëna'a ënety jëtu'un kyayaj'ixynyëm ja ujts nëë pa'akpë xyuukyën jëtu'un tä tyäjkyën ja to'oxytyëjk mëti'ipë yajkutujkpën jam Sabá ets tukë'ëtëjkëy ja Salomón.

1 Reyes 1:33

tä y'ënëmaayëtë: Yë'ë ënät mwowtëp yë wintsëntëjkëty mëti'ipë yaa yajpatëpën ma ya'atë kutujkënën ets jam yë nmaankës Salomón xyajpätëty jëyujk këjxy, ma ja jëyujkën mëti'ipës ntuk'u'unyääpyën ets jam xyajnëjkxtëty Guihón;

2 Samuel 8:10

Ënet ja myaank tkejxy jam ma ja David yajpaatyën ets tuknikejxy yë poop pujxn, pu'ts pujxn ets tsuxkpujxn ets tkajpxpo'kxa'any ets tukxoonta'aka'any ko ja David të tyajtëkoy ja Hadad-ézer, jä'ä ko yë Toi xëmë ënety myëmayëty yë Hadad-ézer.

2 Samuel 8:2

Ojts näjyëtu'un tyajkutëkoy ja Moab ja'ayëty: Ka'ap tyaj'oky ni'ëmukë, je'eyë ojts tkijpxy mëët tu'uk yë tejpxy; mëti'ipë wyinnajxypyën ja tejpxy jä'ä yaj'o'k e mëti'ipë naje'eyë patëpën ja tejpxy jä'ä juuky yajwë'ëm. Jëtu'un'äämpy ja Moab ja'ayëty ja David ka'ap yajmëta'akëtë ets ojts tyuk ënä'ämëtë nyäkyukëpätëtëty.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.

Jueces 3:15

Koonëm tmëpëjktsoowtë yë Dios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënety të tyajmuktën kyajpnjotyëty.

Génesis 36:24

Yë y'u'unk y'ëna'k yë Sibón jä'ä xyëëwajtë Aiá ets Aná. Yë Aná yë'ë ojts tëkok tpaaty ja nëëwooky jam wintë'ës'itum, ma ënety jam kyërukts këwent'atyën, mëti'ipë ja tyeety Sibón jyä'ä'ajtypyën.

Salmos 68:29

Jam këjxm tsyo'ontä'äky ma ja mtsajptëjkën jam Jerusalén, ma ja yajkutujkpëtëjk tyajmintën ja mnänyamo'ojë,

1 Reyes 5:1

Ko ja Hiram, jampë y'ëne'emyën Tirë, tnija'awëy ko jä'ä ja Salomón të tyëjkënë yajkutujkpë, ja David ja myaank ets tkutëkë ja tyeety; ënät tkejxy ja kyutënääpyë jam ma ja Salomón, jä'ä ko Hiram oy ijty mëët nyäjyawëty yë David.