1 Reyes 10:24 - Biblia Dc en Mixe de Quetzaltepec

²⁴ Oy tyimmaajëty aak y'ixantëp ja Salomón ets aak myëtoow'itantëp ja y'aaw y'ayuk mëti'ipë kyäjpxy myëtyäkpyën mëët ja wijyajtën ets ixpëkyajtën mëti'ipë ja Wintsën mooyëpën.

Biblia Mixe de Quetzaltepec

²⁴ Oy tyimmaajëty aak y'ixantëp ja Salomón ets aak myëtoow'itantëp ja y'aaw y'ayuk mëti'ipë kyäjpxy myëtyäkpyën mëët ja wijyajtën ets ixpëkyajtën mëti'ipë ja Wintsën mooyëpën.

1 Reyes 10:24 ပူးပေါင်းရင်းမြစ်များ

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

1 Reyes 3:12

tyamës ntunëty tä të xy'amëtoyën: nmo'ojäämpy ja wijy'ajtën kujk'ajtën ets ja ixpëkyajtën këtiinëm jyëtu'un'atë mëti'ipë të jyuuky'atën ets mëti'ipë juuky'atantëpnëm.

Daniel 2:23

Mijts Dios, mëti'ipë Tyiosajtën yë nteety n'apës, tyam nkukajpxë nja'awëkyëtä'äky ets tyam ntukxoontä'äky, jä'ä ko mijts tëëjës xyajwijtyä'äky ets tëëjës xymyo'oy yë wijyajtën; e mijts tëëjës ënät xytyuknijawë mëti'ipë të n'amëtowtën: Tëës xytyuknijawëtë mëti'ipë ënety ja yajkutujkpë myëmääpy myëtäjpyën.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Proverbios 2:6

Dios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

Daniel 5:11

ma kutujkëntaknën tam tu'uk yë ja'ay yajpaaty mëti'ipë tu'uwinye'eyëpën yë Wintsën yë myëj'ajtën y'oyajtën. Ko ijty yë'ë ja mteety kyutujkpë'aty tääpë ja'ay ojts tyaj'ixyë wi'ix wyijyëtyën ets wi'ix y'ijxpëkyëtyën, jëtu'un yaj'ijxy tiosën. Paaty yë Nabucodonosor yajkutujkpë ojts yë'ë tpëjktä'äky ets tniwintsën'atëty yë wijyjyä'äytyëjk, najtsja'apëtëjk, ijxpëkytyëjk ets xëëwmyääpyëtëjk mëti'ipë yajpatëpën ma Babilonyë naaxwiinyëtë tnitänën,

Ezequiel 16:14

Akäjpxy ojts m'ity oymyaanaax myaakajpnëty mëët ko ënety m'oyëty mtsujëty, aak'oy ijty ja'ay mtijyë jä'ä ko ëjts ojts mijts n'oytyuny. Ëjts Wintsën, ëjts ënaanp.

1 Reyes 10:1

Ja to'oxytyëjk mëti'ipë jam Sabá yajkutujkpën ojts tmëtoy'äty ko ja Salomón mëj'äämpy ja'ay nyikäjpxyë oy tyimmaajëty, mëët ko ja Wintsën ënety jëtu'un të tuknipëjktaakë; ënät tnitso'ony ets tninëjkx jam Jerusalén ets t'ëk'ixa'any wi'ix ja Salomón wyijyëtyën, ojts tuknipëjktaakë tsipëtypë yajtë'ëwën. Ko jyäjty mëj'äämpy jyä'äjty may ja tyuunpëtëjk, ets tmëmiiny may'äämpy ja ujts mëti'ipë pa'akxu'kpën ets tsowëtyën, may näjyëtu'un tmëmiiny ja pu'ts pujxn ets ja tsaa oyëtypë. Ko jam jyä'äjty ma Salomón yajkutukyën, ojts tyajtëëwta'ay tëkokyë winë mëti'ipë ënety të tnimay të tnitajën.

2 Crónicas 1:11

Ënet ja Wintsën t'ëtsooy ja Salomón: Mëët ko mijts yë'ë të xy'amëtoy ja wijyajtën kujk'ajtën ets ja nija'awën wi'ix ja naax kajpn xytyu'uwinwowëtyën, ma të mpëjktä'äkyën m'ënä'ämëty myajkutukëty, ets ka'ap yë'ë të xy'amëtoy ja kuwit'at, kumeeny'at ets ma ja mëtsip xynyi'ënä'ämën ets y'ooktëty tyëkoytyëty ets ka'ap të xy'amëtoy mjuukyajtën yonëty jyiitsëty, tyam nmo'ojëty mëti'ipë yam të xy'amëtoyën,

2 Crónicas 1:12

tyam nmo'ojëty ja wijyajtën kujk'ajtën ets nija'awën ets nmo'ojäämpy ëpëky ja kuwit'ajtk, kumeeny'ajtk ets ja mëj'ajtën; ni'ik yam mijts winë nmo'oja'any këtiinëm jyëtu'unëty ja yajkutujkpëtëjk mëti'ipë të tyuntën ets mëti'ipë tunantëpnëm, ko mijts mpëtsëmëty.