1 Reyes 10:21 - Biblia Dc en Mixe de Quetzaltepec

²¹ Tëkokyë ja a'ukën mëti'ipë ja yajkutujkpë yajtuumpyën aak pu'ts pujxn ënety mëët y'oytyunyëty ets aakjëtu'un ja y'apëjk y'atu'unën mëti'ipë jamën ma ja akujktëjkën mëti'ipë yajtijpën Líbano Yukjot. Ka'ap ijty ja'ay nëkooyë tyajtuntë yë poop pujxn, jä'ä ko ka'ap ënety nëkooyë tsyowëty ko ja Salomón jyuuky'äjty.

Biblia Mixe de Quetzaltepec

²¹ Tëkokyë ja a'ukën mëti'ipë ja yajkutujkpë yajtuumpyën aak pu'ts pujxn ënäty mëët y'oytyunyëty ets aakjëtu'un ja y'apëjk y'atu'unën mëti'ipë jamën ma ja akujktëjkën mëti'ipë yajtijpën Líbano Yukjot. Ka'ap ijty ja'ay nëkooyë tyajtuntë yë poop pujxn, jä'ä ko ka'ap ënäty nëkooyë tsyowëty ko ja Salomón jyuuky'äjty.

1 Reyes 10:21 ပူးပေါင်းရင်းမြစ်များ

1 Reyes 10:17

Ojts ëpëky tni'ënä'ämë tëkëëk mëko'px ja akëëytyuk mutskjatypë nän aak pu'ts pujxn, jä'ä jye'emtyëty tu'ktsim ja kujkm ets tpëjkë'ktaay ma këmoontëjkën ma mëti'ipë yajtijpën Líbano Yukjot.

1 Reyes 7:2

Ojts näjyëtu'un wiinkpë këmoontëjk tkojy, jä'ä ojts tijy, Yuk Kepyjyot, jä'ä y'ayenyëty i'px mëkoxk xajpk ets myëjwiinëty majkmäjtsk xajpk ja mäjtsk kë'ënux ets kyëjxmëty wëxtujk xajpk ja mäjtsk kë'ënux; jä'ä y'akojtukyëty taxk waats, aakyë'ë ajë kepy ets aakyë'ë kyukap'ajtyp yë ajë kepy.

1 Reyes 10:20

Majkmäjtsk ja kuxyëpëjy ojts t'oytyuntë aak tänë, tëtujkjaty yajpaatë tu'kpa'ajaty. Nijëna'a ënety jëtu'un maa kyayaj'ixynyëm ja kutujkëntëjk.

1 Reyes 10:22

Ëpëky ja yajkutujkpë tmëët'ajty ja kepy nëëwinye'epyë jam Tarsis, jam mejyjyotm, mëët ja kepy nëëwinye'epyë mëti'ipë jam Hiram tso'ontëpën. Wintëkëëk jëmëjtëty ijty tmëmintë ja pu'ts pujxn, poop pujxn, oyëtypë tsaa, patutkëty ets mikë.

Zacarías 9:3

Tirë tëë tkojy yë naax kajpn ta'tspëkpyë ets mëti'ipë këwent'aty ijtpën, tëë tnipëjkpety yë pu'ts pujxn ets poop pujxn tä ja'ay mo'onts tnijä'ppetyën.

Deuteronomio 17:17

Ka'ap mëpaat nëkooyë yë to'oxytyëjk tmëët'aty, këtiipë nyäyajkujo'opëtëty ets pu'ts pujxn poop pujxn ka'ap nëkooyë tmëët'atëty.

Ester 1:7

Aak pu'ts pujxn y'a'ukën'ajtëp, tëkatsyjyäty y'ixëty. Ja uuky mayjyajtëp jam, jëtu'un ijxtëm yajnijawë'atyën ma tu'uk yajkutujkpën, ka'ap tii y'ëmaaytyä'äky.

Job 28:1

Tää yë it naaxwiinyëtë yajpaaty ma pyëtsimyën yë poop pujxn ets ma pyëtsimyën yë pu'ts pujxn.