1 Reyes 10:18 - Biblia Dc en Mixe de Quetzaltepec

¹⁸ Ojts tni'ënä'ämë yë y'ënyääypyäjn näjyëtu'un ma yajkutukëtyën, yë'ë ojts tyajtuntë tsowëtypë tsaa ets tuknipëjktakëy yajtuknija'axta'ajëty yë pu'ts pujxn.

Biblia Mixe de Quetzaltepec

¹⁸ Ojts tni'ënä'ämë yë y'ënyääypyäjn näjyëtu'un ma yajkutukëtyën, yë'ë ojts tyajtuntë tsowëtypë tsaa ets tuknipëjktakëy yajtuknija'axta'ajëty yë pu'ts pujxn.

1 Reyes 10:18 ပူးပေါင်းရင်းမြစ်များ

1 Reyes 10:19

Ja ënä'ämtakn tëtujk yujkwä'äky ojts tnipotsëtë ets ja jyëxk pik ojts jap tukjëkuwopëtë, ojts yajpotsy ja nyi'ënëënpäjn pë'aaytsyow mäjtskpa'ajëty, kaajën kyëxë'ëky ja potsy, aak tënaaytyëp.

1 Reyes 10:22

Ëpëky ja yajkutujkpë tmëët'ajty ja kepy nëëwinye'epyë jam Tarsis, jam mejyjyotm, mëët ja kepy nëëwinye'epyë mëti'ipë jam Hiram tso'ontëpën. Wintëkëëk jëmëjtëty ijty tmëmintë ja pu'ts pujxn, poop pujxn, oyëtypë tsaa, patutkëty ets mikë.

1 Reyes 22:39

Ja nyikäjpxy nyimëtyä'äky wi'ix ja Ahab ojts yajkutukyën, mëti'ipë tyuunën kyajpxën ets kyutujktakn mëti'ipë yë'ë kyojën mëët janty oyëtypë pajk ets ja naax kajpn mëti'ipë yaj'ëxtakën, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjkëty.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Salmos 122:5

Ma yë'ëjën jam yajpaaty ja kutujktakn ma ja tuuntëko'oy kajpxtëko'oyën yajnipaye'eyën, ets ma ja David ja kyutujktakn yajpaatyën.

Salmos 45:6

Yë m'ënä'ämën mkutujkën, mijts Dios, ijtëëp yë xëmëkyëjxm, yë'ë ja kuttujkën ma xëmë y'ityën ja mëtëypyë ja nipaye'eyën.

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

Ezequiel 27:6

ja kepy mëti'ipë myajtuka'pën ets nëëwiinkëjxy mye'ey yë'ë ja nuez kepy mëti'ipë Basán tso'onpën; yë mniwop'ajtyp yë'ë ciprés kepy jampë Chipre tsyoonyën ets yë'ë mëët të yaj'awojpmuky yë elefantë y'apajk.

Amós 6:4

Jotkujk jam mma'atë mpo'kxtë ma maapäjnëtyën mëti'ipë oytyunyën mëët yë elefantë tëts pajk ets mnäy'ënëënta'akëtë; je'eyë xyaj'ooktë yë kupixyny ets tsajpkaa ets mkaytyë mtsu'utstë;

Hebreos 1:3

Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

Hebreos 1:8

E ko ja y'U'unk tnimëtyä'äky, jëtu'un y'ënäny: Mijts Dios, xëmëkyëjxm ja mkutujkën y'ity, myajkutukëp mijts mëët ja tëyajtën.

Apocalipsis 18:12

Tää ja pu'ts pujxn, poop pujxn, tsujëtypë tsaa, perlas, oyëtypë wit, sedë wit, tsu'unk wit, tsaptswit, ajë kepy, oyëtypë juunëtypë, apëjkën atu'unën, elefantë tëts, oy kepy, tsuxkpujxn, pujxn ets marmol;

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.