1 Reyes 10:10 - Biblia Dc en Mixe de Quetzaltepec

¹⁰ Tä tukë'ëtëjkëy ja yajkutujkpë tëkëëk mil ja taxtujk mëko'px tsim ja pu'ts pujxn, ëpëky ja ujts nëë mëti'ipë pa'akxu'kpën ets may ja tsaa oyjyätyëtypë mëti'ipë tsowëtyën. Nijëna'a ënety jëtu'un kyayaj'ixynyëm ja ujts nëë pa'akpë xyuukyën jëtu'un tä tyäjkyën ja to'oxytyëjk mëti'ipë yajkutujkpën jam Sabá ets tukë'ëtëjkëy ja Salomón.

Biblia Mixe de Quetzaltepec

¹⁰ Tä tukë'ëtëjkëy ja yajkutujkpë tëkëëk mil ja taxtujk mëko'px tsim ja pu'ts pujxn, ëpëky ja ujts nëë mëti'ipë pa'akxu'kpën ets may ja tsaa oyjyätyëtypë mëti'ipë tsowëtyën. Nijëna'a ënäty jëtu'un kyayaj'ixynyëm ja ujts nëë pa'akpë xyuukyën jëtu'un tä tyäjkyën ja to'oxytyëjk mëti'ipë yajkutujkpën jam Sabá ets tukë'ëtëjkëy ja Salomón.

1 Reyes 10:10 ပူးပေါင်းရင်းမြစ်များ

Génesis 43:11

Ënet ja tyeety y'ëtsoowë: Tyam ka'apës tii winma'any nmëëtëty, tii ënät tëy mtuntëp, nikë yë'ë mënëjkxtë ma mxa'këtyën, mëti'ipë mnamo'otëpën yë ja'ay, ijxtëm mëti'ipë yaa yajmëët'ajtpën ets mëti'ipë yaa ijtp wintëëpën, ijxtëm yë onën, uuxpa'akën, pa'akxu'kpë ets mëti'ipë ja'ay nätyuku'tsëpën ets pya'akxuuky, ujts tëëmëty ets tu'uk ja ujts mëti'ipë xyëëwajtypyën almendrë.

1 Reyes 9:14

Ja Hiram jä'ä ënety ja Salomón të tuknikexy ja pu'ts pujxn tëkëëk mil ja taxtujk mëko'px ja tëkë'px mil xajpk.

Salmos 68:29

Jam këjxm tsyo'ontä'äky ma ja mtsajptëjkën jam Jerusalén, ma ja yajkutujkpëtëjk tyajmintën ja mnänyamo'ojë,

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Salmos 72:15

Juuky'ajtp yë yajkutujkpë. Wä'än tyajmo'oy yë pu'ts pujxn mëti'ipë tso'onpën Sabá. Wä'än xëmë tyajninu'kxtä'äky ma Tiosën. Kënu'kxy y'itëty xëmëkyëjxm.

Éxodo 30:34

Ënet yë Dios t'ënëmaay yë Moisés: Ijxta'a mëti'ipë pa'akxu'kpën ets tu'knax myäy'atëty: kepy'u'pky, nëë jëyujk pajk oypyë xyuuky jyokyën, poomway ets ja gálbano kepy oypyë xyuuky jyokyën,

Proverbios 20:15

Jaakni'ik tsyowpaaty mëti'ipë kajpxp mëtyakpën niwijy nikejy, këtiinëm tu'kë'ëyë pu'ts pujxn ets ja tsaa tsowëtypë naaxwiinyëtë apëtsëmpyë.

Eclesiastés 2:8

Tëë nipëjkpetyës may yë pu'ts pujxn, poop pujxn, wit meeny këtiinëm jyëtu'un'atë mëti'ipë jëyëjp të yajkutuktë. Tëës nmëët'aty yë xuxpë wojpë, ëëwpë yaxpë, kanaakës yë to'oxytyëjk të nmëët'aty ets tëëjës yë njuukyajtën yajxon ntukxony.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Apocalipsis 21:11

Janty ajajp janty atë'kxp mëët ja Dios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.