1 Reyes 10:1 - Biblia Dc en Mixe de Quetzaltepec

^1-2 Ja to'oxytyëjk mëti'ipë jam Sabá yajkutujkpën ojts tmëtoy'äty ko ja Salomón mëj'äämpy ja'ay nyikäjpxyë oy tyimmaajëty, mëët ko ja Wintsën ënety jëtu'un të tuknipëjktaakë; ënät tnitso'ony ets tninëjkx jam Jerusalén ets t'ëk'ixa'any wi'ix ja Salomón wyijyëtyën, ojts tuknipëjktaakë tsipëtypë yajtë'ëwën. Ko jyäjty mëj'äämpy jyä'äjty may ja tyuunpëtëjk, ets tmëmiiny may'äämpy ja ujts mëti'ipë pa'akxu'kpën ets tsowëtyën, may näjyëtu'un tmëmiiny ja pu'ts pujxn ets ja tsaa oyëtypë. Ko jam jyä'äjty ma Salomón yajkutukyën, ojts tyajtëëwta'ay tëkokyë winë mëti'ipë ënety të tnimay të tnitajën.

Biblia Mixe de Quetzaltepec

^1-2 Ja to'oxytyëjk mëti'ipë jam Sabá yajkutujkpën ojts tmëtoy'äty ko ja Salomón mëj'äämpy ja'ay nyikäjpxyë oy tyimmaajëty, mëët ko ja Wintsën ënäty jëtu'un të tuknipëjktaakë; ënät tnitso'ony ets tninëjkx jam Jerusalén ets t'ëk'ixa'any wi'ix ja Salomón wyijyëtyën, ojts tuknipëjktaakë tsipëtypë yajtë'ëwën. Ko jyäjty mëj'äämpy jyä'äjty may ja tyuunpëtëjk, ets tmëmiiny may'äämpy ja ujts mëti'ipë pa'akxu'kpën ets tsowëtyën, may näjyëtu'un tmëmiiny ja pu'ts pujxn ets ja tsaa oyëtypë. Ko jam jyä'äjty ma Salomón yajkutukyën, ojts tyajtëëwta'ay tëkokyë winë mëti'ipë ënäty të tnimay të tnitajën.

1 Reyes 10:1 ပူးပေါင်းရင်းမြစ်များ

Génesis 10:28

Yë'ë y'u'unk txëëwajt Obal, Abimael ets Sebá,

Génesis 10:7

Ja y'u'unk y'ëna'k ja Cus jä'ä xyëëwajtë Sebá, Havilá, Sabtá, Raamá ets Sabtecá. Ets ja y'u'unk y'ëna'këty ja Raamá je'eyë ojts nimäjtsk y'itë, mëti'ipë xyëëwajtën Sebá ets Dedán.

Génesis 25:3

Yë Jocsán jä'ä y'u'unk xyëëwajtë Sebá ets Dedán. Ja Dedán yë'ë ojts ja y'ok'u'unk y'ok'ëna'k yajtijtë Asur ja'ayëty, letusejë ja'ayëty ets leumejë ja'ayëty.

1 Reyes 10:24

Oy tyimmaajëty aak y'ixantëp ja Salomón ets aak myëtoow'itantëp ja y'aaw y'ayuk mëti'ipë kyäjpxy myëtyäkpyën mëët ja wijyajtën ets ixpëkyajtën mëti'ipë ja Wintsën mooyëpën.

1 Reyes 4:31

Ni'ik wijy ojts y'ity këtiinëm jyëtu'unëty ja ja'ayëty mëti'ipë xyëëwajtën: Etán, ja Sera ja y'u'unk y'ok; Hemán, Calcol ets Dardá, ja y'u'unk y'ëna'këty ja Mahol. Akäjpxy ojts y'ity oymyaajëty.

1 Reyes 4:34

Oymyaatsowëty ma wiinkëtypë naax kajpnën, tëkokyë ja ja'ayëty mëti'ipë nyija'awëtyën ja Salomón ja wyijy'ajtën, maajëty ojts muum tnitsoontë ets tnimiintë tmëtoow'itë ja Salomón ja kyäjpxy myëtyä'äky.

1 Reyes 5:14

yë ya'atë ja'ayëty yë'ë ojts yajkäxtë ets jam nëjkx tyuntë Líbano, këëktu'uk po'o, nimajk milëty ojts nyëjkxtë. Ya'atë ja'ayëty jä'ä ijty nëjkx jam y'itë tu'uk po'ojatyëty ets mäjtsk po'ojëty y'itë ma tyëjkëtyën. Yë Adoniram yë'ë ojts tnikopk'aty ya'atë tuunk.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Job 6:19

Yë tu'uye'epyëtëjkëty mëti'ipë jamën Temá ets Sabá, yajxon nëë tjanty'ixta'atë ma tääpë wokjotmën,

Salmos 49:4

Tyamës nikajpxa'any tëkokyë yë aaw ayuk mëti'ipë tsipëtyën, etsës nimëtya'aka'any mëti'ipës yu'utsy nmëët'ajtypyën jëtu'un tä yë kow y'ënä'änyën.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Salmos 72:15

Juuky'ajtp yë yajkutujkpë. Wä'än tyajmo'oy yë pu'ts pujxn mëti'ipë tso'onpën Sabá. Wä'än xëmë tyajninu'kxtä'äky ma Tiosën. Kënu'kxy y'itëty xëmëkyëjxm.

Isaías 60:6

Yajxon xy'ixëty nimay myintë ja jëyujk jëku'uxëty mëti'ipë tso'ontëpën Madián ets Efá; miinta'ajantëpë Sabá ja'ayëty, myëminantëp yë pu'ts pujxn ets poom, ets tmëjjawëja'antë yë myëj'ajt y'oyajtën yë Wintsën.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Ezequiel 16:14

Akäjpxy ojts m'ity oymyaanaax myaakajpnëty mëët ko ënety m'oyëty mtsujëty, aak'oy ijty ja'ay mtijyë jä'ä ko ëjts ojts mijts n'oytyuny. Ëjts Wintsën, ëjts ënaanp.

Ezequiel 38:13

Nëjkxëp myajtëyë yë Sabá ja'ayëty ets Dedán ja'ayëty ets ajuuy ato'kpë mëti'ipë jam Tarsis kukajpnajtëpën: ¿Mä'tspën të mminyë? ¿Paatykyëjxmën të xyajmuky yë mtsiptuunpëtëjk ets xyajpëtsëma'any winë ets xymyäätsa'any yë pu'ts pujxn ets poop pujxn; jëyujk tsajpkaa ets tëkokyë mëti'ipë myëët'ajtëpën?

Mateo 12:42

Näyjyëtu'un ko nëjkx ja naaxwiinyëtë ja'ay yajpaye'ey, tso'okaanp ja To'oxytyëjk yajkutujkpë jampë y'ëne'emyën ëpa'tkë'ëmtsow; jä'äkyëjxm ko jëkäm tsyo'ony ets ja Salomón tnimiiny ets tmëtoow'ita'any ja ëëwij kajpxwijën mëti'ipë wijy Salomón nyimëtyäkpyën ets mëti'ipë tyam yaa yajpatpën mëj'äämpy ni'ik këtiinëm jyëtu'unëty ja Salomón.

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Mateo 13:35

Paaty ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Marcos 4:34

E xëmë ja Jesús ja ja'ay tyaj'ijxpëky mëët ja ijxpäjtën, ok ja y'ijxpëjkpëtëjk tukmëmëtyä'äky mëti'ipë jyatijpyën.

Lucas 11:31

Ko nëjkx ja naaxwiinyëtë ja'ay yajpaye'eytyë, minaanp ja yajkutujkpë to'oxytyëjkpë mëti'ipë ëpa'tkë'ëmtsow tsoonaanpën ets tëytyuna'any ja ja'ay, jëtu'un ijxtëm tëëyëp ojts ja Salomón nyiminyën ja to'oxytyëjk mëti'ipë jëkäm tso'onpën ets tmëtoow'ita'any ja Salomón ja wyijajtën; e mëti'ipë tyam yaa yajpatpën wäänë mëj'äämpy yë ni'ik këtiinëm ja Salomón.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.