1 Reyes 1:9 - Biblia Dc en Mixe de Quetzaltepec

⁹ Jä'ä xëëw yë Adonías ojts tu'uk yë ka'ayën ukën tnipëjktaakë jam winkon ma ja tsaatun txëëwatyën Zohelet, winkon ma ja nëëwookyën Roguel. Ojts tyaj'ooky yë tsajppax, tsajpkaayä'äy ets tsajpkaa ëna'k ni'kxëtypë, tääts twoowtaay kääpyë ja jyiiky myëku'uk ets tëkokyë ja myëkä'äxtëjk, ja y'ëna'k ja yajkutujkpë ets tu'kë'ëyë ja Judá ja'ayëty mëti'ipë mëët tyuunmuktën ja yajkutujkpë;

Biblia Mixe de Quetzaltepec

⁹ Jä'ä xëëw yë Adonías ojts tu'uk yë ka'ayën ukën tnipëjktaakë jam winkon ma ja tsaatun txëëwatyën Zohelet, winkon ma ja nëëwookyën Roguel. Ojts tyaj'ooky yë tsajppax, tsajpkaayä'äy ets tsajpkaa ëna'k ni'kxëtypë, tääts twoowtaay kääpyë ja jyiiky myëku'uk ets tëkokyë ja myëkä'äxtëjk, ja y'ëna'k ja yajkutujkpë ets tu'kë'ëyë ja Judá ja'ayëty mëti'ipë mëët tyuunmuktën ja yajkutujkpë;

1 Reyes 1:9 ပူးပေါင်းရင်းမြစ်များ

2 Samuel 17:17

E jä'ä ko yë Jonatán ets Ahimaas tam ënety yajpaatë ma En-roguel kajpnën, ka'ap tjëkyepy pyëtsëmëty këtiipë ja ja'ay y'ixëtëty, ënät tu'uk ja to'oxytyëjk mëtuunpë nyimiinëtë mëti'ipë tuk'ëwa'anutyääyëtën winë, tääts ënätyë tsyo'ontë ets tukmëmëtyaktë ja David.

1 Reyes 1:19

Tëë janty may tyaj'ooky yë jëyujk tsajpkaa, tsajppax ets kupixyny, ma të twoowta'ayën ja m'u'unk m'ëna'k kääpyë ukpë; tëë näjyëtu'un twoy ja teety Abiatar ets Joab mëti'ipë mtsiptuunpë wintsën'ajtypyën, e kajts të twoy yë Salomón, mëti'ipë mijts mëtuunëpën.

1 Reyes 1:25

Jëtu'unës n'ixy, ko yë'ë tëëtëm jam jyëjptä'äky ets tëë ja jëyujk tsajpkaa tyaj'ooky may ets tsajpkaa ëna'k ets tsajppax, kupixyny; tëë twoowta'ay kääpyë ja m'u'unk m'ëna'k, mtsiptuunpë wintsëntëjk ets ja teety Abiatar. Tyam tam yajxon kyäytyë y'uuktë ets ya'axtë jyoktë: Wä'än yë Adonías tyajkutuky.

Proverbios 15:8

Yë Dios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Mateo 22:4

Tääts ja wiinkpë ja tyuunpë ojts tkexy ja'aywyoopë ets t'ënëmaay: Nëjkx ënëëmëtë ja ja'ayëty ko ja kääky apaatë y'owxijnë. Tëës ni'ënä'ämë ets ja tsajpkaa y'ookëty: tsajpkaa ayääkë ets ni'kxëtypë. Apaatë y'ijtaaynyë, wä'än min tkaytyë.

Josue 15:7

Jam tsyoony ma txëëwatyën Acor ets pyäjtë'ëky jam Debir ets jyä'ty jam Guilgal mëti'ipë wintuuytsyow yajpatpën ma ja yä'äp txëëwatyën Adumim, ëpa'tkë'ëmtsow yajpaaty ma ja nëëwokën. Ja tsëpa'an ja wiinkpë jam jyënajkë'ëky ma ja In-semes nëëwookën ets jyä'ty ma txëëwatyën En-roguel.

Josue 18:16

ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.