1 Reyes 1:8 - Biblia Dc en Mixe de Quetzaltepec

⁸ E kajts ojts tuk'ëwaanë ja teetytyëjkëty mëti'ipë xyëëwajtëpën Sadoc, Benaías, myaank yë Joiadá ets nän ka'ap tnija'awëy ja Natán mëti'ipë ja Wintsën ja y'aaw y'ayuk y'akajpxëpën ets ni yë'ë Simí kyayajwooy mëti'ipë ënety mëët ja yajkutujkpë oy nyäjyawëtyën, mëti'ipë myëtuuntëpën ja yajkutujkpë, nän ka'ap tu'ukën tnija'awëtyë ja tsiptuunpëtëjk mëti'ipë mëj'äämpy ijtëpën.

Biblia Mixe de Quetzaltepec

⁸ E kajts ojts tuk'ëwaanë ja teetytyëjkëty mëti'ipë xyëëwajtëpën Sadoc, Benaías, myaank yë Joiadá ets nän ka'ap tnija'awëy ja Natán mëti'ipë ja Wintsën ja y'aaw y'ayuk y'akajpxëpën ets ni yë'ë Simí kyayajwooy mëti'ipë ënäty mëët ja yajkutujkpë oy nyäjyawëtyën, mëti'ipë myëtuuntëpën ja yajkutujkpë, nän ka'ap tu'ukën tnija'awëtyë ja tsiptuunpëtëjk mëti'ipë mëj'äämpy ijtëpën.

1 Reyes 1:8 ပူးပေါင်းရင်းမြစ်များ

2 Samuel 12:25

jëtu'un ja David yajtuknija'awëy, yë Natán yë'ë tuk'ëwa'anëyë. Mëët ko ja David ënety të tja'akyukë wi'ix ja Wintsën y'ënë'ëmxëtyën paaty ojts ëpëky txëëwmo'oy ja mëxu'unk Jedidías.

2 Samuel 20:23

Joab yë'ë ojts tmëwë'ëmy tëkokyë ja tsiptuunpëtëjk mëti'ipë jam yajpatëpën ma Israel kajpnën, e ja Benaías, yë Joiadá myaank yë'ë ojts twinkuwa'akë ja Queret ja'ayëty ets ja peleteos ja'ayëty ets tu'uwinye'eyëty ya'atë tsiptuunpëtëjkëty.

2 Samuel 20:25

Yë Sevá yë'ë ijty kyujaaytyääpy winë, e yë Sadoc ets Abiatar yë'ë ojts tyeety'atë.

1 Reyes 1:26

E ëjts kajtsës ja nyajwoowpë, näjyëtu'un ja teety Sadoc, Benaías, yë Joiadá myaank ets Salomón mijts yë maank nän ka'ap të yajwowtë.

1 Reyes 1:32

Tä ja yajkutujkpë David, tnikäjxëy ja teety Sadoc, ja Natán mëti'ipë ja Wintsën ja y'aaw y'ayuk nyikajpxëpën ets ja Benaías, ja myaank ja Joiadá. Ko twinkuwa'këtyë ja yajkutujkpë,

1 Reyes 1:38

Ënet ja teety Sadoc ets ja käjpxynyajxpë Natán, ja teety Benaías, ja Joiadá ja myaank, ja Queret ja'ayëty ets ja peleteos ja'ayëty, mëti'ipë ja David ijty këwent'ajtëpën ojts tninëjkxtë ja Salomón ets jam tyajpäjtë jëyujkëjxy, mëti'ipë ijty ja yajkutujkpë David tyuk'u'unyääpyën, tä tyajnëjkxtë jam Guihón.

1 Reyes 2:35

Tä ja Salomón ojts yë'ë ja Benaías tpëjktaknë ets tnikopk'atëty ja tsiptuunpëtëjk jëtu'un tä ja Joab ënety të y'ityën ets ja teety Sadoc jä'ä yajpëjktäky tä ijty tyunyën ja Abiatar.

1 Reyes 4:18

Simí, myaank yë Elá, jam ojts t'atänë ma ja y'itjotmën ja Benjamín;

1 Crónicas 16:39

E ja Sadoc mëët ja myëku'uktëjk, aak teety ijtyëty, yë'ë ojts yajtukmëwë'ëmtë ets ja wit tëjk t'ijx'itëty, ma ja Gabaón ja tsyajptëjkën,

Ezequiel 44:15

Yë teetytyëjkëty, Leví ja'ayëty, yë Sadoc yë y'ok'u'unk y'ok'ëna'k, mëti'ipë ojts ka'ap yë tyuunk t'ëxmatstën maas yë ntsajptëjkën oy ja Israel ja'ayëty ojts jyanäyajtu'utëkatsëtë, yë'ëjëty patëtëp etsës xynyimintëty ets xymyëtuntëtyës. Mëpaat xymyëwinkontës ets xytyukwintsë'ëkëtëtyës yë jëyujk on ets jëyujk ne'pny. Ëjts Wintsën, ëjts jëtu'un ni'ënä'ämëp.

Zacarías 12:13

yë Leví yë y'u'unk y'ok ets tyo'oxytyëjktëjkëty; yë Simi yë y'u'unk y'ok ets tyo'oxytyëjktëjkëty;