1 Reyes 1:6 - Biblia Dc en Mixe de Quetzaltepec

⁶ Nitëkok ojts yë tyeety mëët kyanäy'ojyë ets nijëna'a kyayajtëëwë tiijëtën ko ënety jëtu'un winë tuny. Adonías ok ënety të myiny naaxwiiny jëyëjp yë Absalón ets janty'oy tsuj ja jot winma'any tmëëtëty.

Biblia Mixe de Quetzaltepec

⁶ Nitëkok ojts yë tyeety mëët kyanäy'ojyë ets nijëna'a kyayajtëëwë tiijëtën ko ënäty jëtu'un winë tuny. Adonías ok ënäty të myiny naaxwiiny jëyëjp yë Absalón ets janty'oy tsuj ja jot winma'any tmëëtëty.

1 Reyes 1:6 ပူးပေါင်းရင်းမြစ်များ

2 Samuel 14:25

Ma tëkokyë yë Israel kajpn tnitänën, ka'ap ënety maa ja'ay jëtu'unpë y'oyëty tsyujëty tä yë Absalonkën ets jëtu'unpë akäjpxy y'ityën tä yë'ëjën ka'ap nitii ma'at yaj'ixy, tsyo'ontä'äky ma tyekyën ets jyëjpkëxy ma kyëpajkën.

1 Reyes 2:22

¿Wi'ix ko xy'amëtoy yë Abisag ets mëët tsyëënëty yë Adonías? Jëtu'un t'ëtsooy ja yajkutujkpë ja tyaak. Je'eyë jyaak tëkoy'äty ets xy'amëtowëtyës yë kuttujkën tääts yë'ë yajmo'ojëty, mëët yë'ëkyëjxm ko n'ajty'ätyës ets mëët yë'ë ko y'ëkputëkëty ja teety Abiatar ets Joab, yë Sarvia myaank.

1 Crónicas 3:2

Ja mëtëkëëkpë jä'ä xyëëwajtyp Absalón, yë'ë yajmëxu'unk'ajt Maacá, nyëëx yë Talmai, jampë yajkutukyën Guesur; ja mëmajktaxkpë jä'ä xyëëwajtyp Adonías, yë'ë yajmëxu'unk'ajt Haguit;

Proverbios 22:15

Tsuuja'ay y'ëna'k'aty, yë tsuu'at jëwa'kp yë'ë ko yajtukwopë.

Proverbios 29:15

Mëët yë näywyop näkya'atsë ja'ay tii tjaty, yë u'unk ëna'k mëti'ipë yajtsojkni'ikëpën je'eyë tyaak tyajtsëtyuny.

1 Samuel 10:23

Ënet ojts poj'am tninëjkxtë ets jap tyajpëtsëëmtë ma ënety të nyäyu'utsyën. Ko jam may ja'aywyintum nyäjxy, ënät ojts yaj'ixy ko ni pën ënety jëtu'un kyayenyëty tä yë'ëjën.

1 Samuel 3:13

Tëës ntuk'ëwaanë ko ntëytyunäämpyës yë y'u'unk tyo'oxytyëjk, mëët ja nëë poky mëti'ipë tyuuntëpën; jä'ä ko ja y'u'unk y'ëna'k ëxëëkjatyës të xytyijtë ets yë'ë ka'ap tuk'ojy.

1 Samuel 9:2

Tam ijty tu'uk yë myaank pi'k ëna'kpë ets janty'oy yaj'ixy, jä'ä txëëwaty Saúl. Ni pën ënety jam Israel jëtu'un janty'oy kyakëxë'ëky tä yë'ëjën, janty yeny ijty tyänë ni pën t'ëwtajnëty.