1 Reyes 1:50 - Biblia Dc en Mixe de Quetzaltepec

⁵⁰ E ja Adonías, mëët ko ënety tsyë'ëkë, ko ja Salomón y'ëkyaj'o'kënëty, jap kyäktsoky tsajptëkoty ets jap nyäyu'tsë ma ja potsy'ëjxën ma ja wintsë'kën yajyäkyën.

Biblia Mixe de Quetzaltepec

⁵⁰ E ja Adonías, mëët ko ënäty tsyë'ëkë, ko ja Salomón y'ëkyaj'o'kënëty, jap kyäktsoky tsajptëkoty ets jap nyäyu'tsë ma ja potsy'ëjxën ma ja wintsë'kën yajyäkyën.

1 Reyes 1:50 ပူးပေါင်းရင်းမြစ်များ

1 Reyes 2:28

Joab yë'ë ënety të tmëjwa'kpety ja Adonías ets ka'ap yë'ëjëty yë Absalón; paatykyëjxm ko jëtu'unpë ja aaw ayuk nyija'ajtë, ënätyë ojts kye'eky ets jap kyäktsoky tsajptëkoty, ma ja wintsë'këntyakn jëxkën.

Salmos 118:27

Yë Wintsën yë'ë Tios'ajtp; yë'ë xykyutë'kx xykyujajëm. Wä'än tso'ontä'äky ja xëëw, mënëjkxtë ja aay xye'enty kepyxye'enty, jam pëjkta'aktë ma ja wintsë'këntyakn ja wyajën.

Éxodo 38:2

Ojts ja wyaj tpëjktakë maajaty ja tyatskën; majktaxk ojts tpëjktä'äky, tu'ukyë mëët tyajnäymyajtsë ja wintsë'këntyakn ets tukniwijtsy yë tsuxkpujxn.

Éxodo 27:2

Ets wyaj taxk xy'oytyuunëty, tu'ukjaty xypyëjkta'akëty jam tyatskkëjxm, tu'ukyë mëët nyämyatsëtëty yë wintsë'këntyakn ets xytyukniwitsëty yë tsuxkpujxn.

Éxodo 21:14

E pën tëë ënety ja myëku'uk timtyukjoot'anpëjkpë ets paaty të tyaj'ooky, kopkpëky ko xy'ëxtaaytya'akëty oy ënety muum të jyatimnyëjkxnë, ëkë të jyanäyu'tsyënë maas yë nwintsë'këntyaknën, ko xypyaatëty näy timjëtu'un nëjkx xyaj'ooky.

Éxodo 30:10

Ya'atë wintsë'këntyakn wa'ats mëpaat y'ity mëti'ipë yë Dios yë'ë të yajtuknipëjktaakën, winjëmëjt yë Aarón tukuutsëty yë kupixyny nye'pny, mëti'ipë yajyajkpën ma ja nëë poky yajtukunaxyën, winjëmëjt xykyë'ëyaktëty tu'uk yë wintsë'kën mëti'ipë mnatyukunaxëtëpën mëëtkyëjxm ja mpokyëty ets jëtu'un myajpokywyinmä'kxtëty.

1 Reyes 1:49

Ënet ja ja'ayëty tyëjkëtyë tsëyuuypyë mëët ja tsë'ëkë mëti'ipë ënety ja Adonías të twoyën kääpyë ets pyëtë'ktaaytyë, xim yam ojts jyaak kä'äktë jëtu'un tä tyu'upatën.

1 Reyes 1:51

Ojts ja Salomón yajtuk'ëwaanë ets yaj'ënëmaay: Yë Adonías wiinkëm mtsë'këyënë, jap të nyäyu'utsyë tsajptëkoty ma wintsë'këntyakn jëxkën. Yë'ë m'amëtoowëp ko xynyikajpxëty ko ka'ap xyaj'ooka'any.

Ezequiel 43:15

Ja wintsë'këntyakn jä'ä y'ayenyëty tu'kxajpk ja tu'kkë'ënux, ma ja tyäkën ojts tpëjktakëtë wyaj taxkpëky.