1 Reyes 1:3 - Biblia Dc en Mixe de Quetzaltepec

³ Ënet t'ixtaaytyë tu'uk ja to'oxy'ëna'k kajpn apëtsëmy, jam tu'uk tpatë ma ja kajpn txëëwatyën Sunem, jä'ä xyëëwajtyp Abisag, janty'oy ijty y'ixëty, ënät ojts ja yajkutujkpë tukninëjkxtë.

Biblia Mixe de Quetzaltepec

³ Ënät t'ixtaaytyë tu'uk ja to'oxy'ëna'k kajpn apëtsëmy, jam tu'uk tpatë ma ja kajpn txëëwatyën Sunem, jä'ä xyëëwajtyp Abisag, janty'oy ijty y'ixëty, ënät ojts ja yajkutujkpë tukninëjkxtë.

1 Reyes 1:3 ပူးပေါင်းရင်းမြစ်များ

Josue 19:18

Ojts tjä'ä'atë ja naax kajpn mëti'ipë xyëëwajtëpën Jezreel, Quesulot, Sunem,

Ester 2:4

E ja to'oxy'ëna'k mëti'ipë ënety ja yajkutujkpë Asuero y'oy'ijxypyën, yë'ë wë'ëmëp yajkutujkpë ets yë'ë to'oxytyëjk'atëty. Yë'ë nëjkx tkutëkë ja Vasti. Ya'atë winma'any oy ojts tmëtoy ja yajkutujkpë. Jëtu'un ojts jyänty yajtuny.

Ester 2:2

Ënet ja wyintsëntëjk ojts y'ënë'ëmxëty: Yajkutujkpë, oy yowë tyimkopkpëkëty ets yaj'ixta'ajëty yë to'oxy'ëna'këty mëti'ipë oyëtyën ets mëti'ipë ka'ap yë ye'etyëjk tmëët'aty tmëëtsëënënëm.

2 Reyes 4:8

Tëkok ma ënety tyu'uye'eyën yë Elisejë, jam nyäjxy ma Sunem kajpnën, jam tu'uk yë to'oxytyëjk mëj'äämpyë wyoowë kääpyë, mëti'ipë ënety jam tsënääpyën. E ja Elisejë ko xëmë ijty jam nyäxy ets jam kyäy ma tääpë to'oxytyëjkën.

1 Samuel 28:4

Ko ja filistejë ja'ayëty myujktaaytyë, ënät tsyo'ontë ets ojts nyëjkxtë jam Sunem, jamts nyäpyëjktakëtë. Ja Saúl ojts näjyëtu'un tyajmujkta'ay ja Israel ja'ayëty ets jam nyäpyëjktakëtë Guilboa.

2 Reyes 4:25

Jëtu'un ojts nyijkxy ets jam jyä'äjty ma tu'uk ja Carmel kopkën, jam ja Wintsën ja myëtuunpë ënety yajpaaty. Ko yë Elisejë jëtu'un y'ijxë jam jëkäm myiny, ënät t'ënëmaay ja tyuunpë Guehazí: Ëk'ix, ximpë ja'ay myinyën jä'ä yowë ja Sunemëtë ja'ay.

1 Reyes 1:2

Paaty ojts ja tyuunpëtëjk y'ëna'antë: Tsojk tu'uk n'ixta'ayëmë to'oxy'ëna'k, mëti'ipë ka'ap pyikynyëmën, mëti'ipë yë Wintsën, mëtunëtëpën ets këwent'atëtëpën ets yë'ë mëët mya'ajëty tääts n'ëk'ijxmëty wä'änxyëp jyokxpëkëty.

1 Reyes 1:4

Abisag, janty'oy ijty kyëxë'ëky ets jëtu'un ja yajkutujkpë tmëtuny ets tkëwent'aty, je'eyëp ko ja yajkutujkpë ka'ap ojts t'ëkë'ënixajnë ja to'oxytyëjk.