1 Reyes 1:17 - Biblia Dc en Mixe de Quetzaltepec

¹⁷ Tä ja Betsabé y'ëtsoowë: Mijts yajkutujkpë, jëtu'un m'ënany ko yë nmaankës Absalón yë'ë nëjkx mkutëkëty ko ënety mijts m'o'knë mtëkooynyë ets yë'ë ja kutujktakn tpaatëty.

Biblia Mixe de Quetzaltepec

¹⁷ Tä ja Betsabé y'ëtsoowë: Mijts yajkutujkpë, jëtu'un m'ënany ko yë nmaankës Absalón yë'ë nëjkx mkutëkëty ko ënäty mijts m'o'knë mtëkooynyë ets yë'ë ja kutujktakn tpaatëty.

1 Reyes 1:17 ပူးပေါင်းရင်းမြစ်များ

Génesis 18:12

Paaty yë Sara ka'ap ënety t'ëkmëmëtaknë amë'pxy y'itëty. Tääts tukxiky, tyaa ënety myäy tyäjy: ¿Wi'ixëm jëtää u'unk maay tyam n'ëkmëmay n'ëkmëtajëtyës, pën yë nye'etyëjkës ets ëjts tëëjës tu'knax nmëjja'ayënëtë?

1 Reyes 1:13

Nëjkx yë David ix ets xy'ënëëmëty: Jëtu'un yowë ojts m'ëna'any mijts yajkutujkpë, koos yë nmaank Salomón yë'ë nëjkx jëna'a yajkutuky ko ënety mijts tëë m'o'knë mtëkooynyë. ¿E wi'ixts ko yë Adonías yë'ë jam tyam kë'ëm nyäpyëjktakëpë ets y'ënä'ämëty?

1 Reyes 1:14

E ko ënety mijts jap jëtu'un mëtyä'äky mëët ja yajkutujkpë, täätsës jää ntëkëty ets nikajpxëtyës yë m'ayuk.

1 Reyes 1:16

Ko ja Betsabé jyä'äjty ma ja yajkutujkpën, ënät wyintäky nyaaxkooy, tyajnikëxë'ëky jëtu'un ja näwyinkutsë'ëkë ets ja yajkutujkpë yajtëëwë: ¿Tii mjajtëp mkëpäjtëp?

1 Reyes 1:18

E tyam jëtu'un yaj'ijx yajnija'awë ko yë Adonías tëë ja kutujktakn tniwä'äky ets mijts ka'ap xynyijawë.

1 Reyes 1:30

mëti'ipës ojts ntukwinwanën Wintsën xyëëwkyëjxm, mëti'ipë yaj'ëwtajtpën ma Israel ja'ayëtyën, tyamës nkuuytyuna'any: Yë mmaank Salomón yë'ëjës xykyutëkëp ets yë'ë yajkutukëty.

1 Pedro 3:6

Jëtu'un ja Sara jyuuky'äjty, myëmëtoow ja Abraham ets wintsën ijty tijy. E miitsëty yë'ë ja Sara mnëëx'ajtëtëp ko ja oypyë xytyuntëty ets ka'ap mtsë'ëkëtëty.