1 Reyes 1:13 - Biblia Dc en Mixe de Quetzaltepec

¹³ Nëjkx yë David ix ets xy'ënëëmëty: Jëtu'un yowë ojts m'ëna'any mijts yajkutujkpë, koos yë nmaank Salomón yë'ë nëjkx jëna'a yajkutuky ko ënety mijts tëë m'o'knë mtëkooynyë. ¿E wi'ixts ko yë Adonías yë'ë jam tyam kë'ëm nyäpyëjktakëpë ets y'ënä'ämëty?

Biblia Mixe de Quetzaltepec

¹³ Nëjkx yë David ix ets xy'ënëëmëty: Jëtu'un yowë ojts m'ëna'any mijts yajkutujkpë, koos yë nmaank Salomón yë'ë nëjkx jëna'a yajkutuky ko ënäty mijts tëë m'o'knë mtëkooynyë. ¿E wi'ixts ko yë Adonías yë'ë jam tyam kë'ëm nyäpyëjktakëpë ets y'ënä'ämëty?

1 Reyes 1:13 ပူးပေါင်းရင်းမြစ်များ

1 Reyes 1:11

Ënet ja Natán mëët myëtyäky yë Betsabé, yë Salomón yë tyaak ets t'ënëmaay: ¿Këtii xynyijawë ko Adonías, yë myaank yë Haguit, tëë kë'ëm nyäpyëjktä'äkyë yajkutujkpë ets ka'ap yë David tnijawë mëti'ipë nWintsën'ajtëmënë?

1 Reyes 1:14

E ko ënety mijts jap jëtu'un mëtyä'äky mëët ja yajkutujkpë, täätsës jää ntëkëty ets nikajpxëtyës yë m'ayuk.

1 Reyes 1:17

Tä ja Betsabé y'ëtsoowë: Mijts yajkutujkpë, jëtu'un m'ënany ko yë nmaankës Absalón yë'ë nëjkx mkutëkëty ko ënety mijts m'o'knë mtëkooynyë ets yë'ë ja kutujktakn tpaatëty.

1 Reyes 1:24

tä tyajtëëy: Mijts yajkutujkpë, ¿tëë xy'ënëëmë yë Adonías ets yë'ë yajkutukëtyë, ko ënety mijts m'o'knë mtëkooynyë?

1 Reyes 1:30

mëti'ipës ojts ntukwinwanën Wintsën xyëëwkyëjxm, mëti'ipë yaj'ëwtajtpën ma Israel ja'ayëtyën, tyamës nkuuytyuna'any: Yë mmaank Salomón yë'ëjës xykyutëkëp ets yë'ë yajkutukëty.

1 Reyes 1:35

Ënet jam xywoowtsoontëty ets min ja kyutujktakn tpëky ets yë'ë y'ënä'ämëty, maas ëjts xykyutëkëtyën, jä'ä ko jëtu'unës të ntuknipëjktaakë etsës yë'ë xykyutëkëty, yajkutukëty ma Israel kajpnën ets Judá kajpnën.

1 Reyes 1:48

ets të t'ënëëmë: Wintsën, kënu'kxy ets mëjjawë yë mxëëw nyaxëty, mëti'ipë yaj'ëwtajtpën ma Israel ja'ayëtyën, mëti'ipë të t'a'ixën ets tyam tpaatëty ja kyutujktakn tu'uk ja n'u'unk n'okës ets mëti'ipës tëë njaak ixyën.

1 Reyes 2:12

Ko ojts y'o'knë, Salomón ojts kyutëkëty, ja Salomón oy ojts ja xëëw jëmëjt tyuka'ayë.

1 Crónicas 28:5

E maas ja n'u'unk n'ëna'kën, ijxtëm yajnijawën ko nimay oyëty mëti'ipës yë Wintsën të xymyo'oyën. Yë Wintsën yë'ë të twin'ixy yë nmaankës Salomón ets yë'ë t'ëxajëty ja kutujktakn, ma ja Wintsën ja ënä'ämën kuttujkën tyaj'ityën ma ja Israel ja'ayëtyën.

1 Crónicas 29:23

Ja Salomón ojts tmëwë'ëmy ja kutujktakn, mëti'ipë ja Wintsën jyä'ä'ajtypyën, tkutëjkënë ja tyeety David, oy tyuuntso'ony ets ojts wyimpäjtkojy ma ja kyutujkënën. Aak mëmëtoowëp ijty ja Israel ja'ay.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Jeremias 33:21

Timjëtu'un yaj'ëwxity jëna'a tyunyë jyätyë ja käjpxytyu'unën mëti'ipës ntuunën mëët ja ntuunpës David. Ka'ap tjëkyepy wiink ja'ay jam y'ënä'ämëty ma ja David ja kyutujktaknën ets wiink ja'ay tyeety'atëty ets y'itëty Leví ja'ay mëti'ipës xymyëtuuntëpën.

Deuteronomio 17:18

Ja yajkutujkpë mëti'ipë tuunktsëëmë'kpën, nëjkxëp tu'uk ja noky tyajnijaaytyu'utyë ma ja ënä'ämën tëyajtën myinyën, mëti'ipë ja teety ëkë ja Leví ja'ayëty kyë'ë'am'ajtëpën.