1 Pedro 5:9 - Biblia Dc en Mixe de Quetzaltepec

⁹ Winkuwa'akëtë mëk mëët ja mëpëjkën ja mëjku'u, mnija'awëtëp miits ko ja mmëku'uktëjkëty näjyëtu'un tmënax tyajnaxtë ja ëyo'on jotmay mëti'ipë ijtëpën yajpatëpën oymyaajëty.

Biblia Mixe de Quetzaltepec

⁹ Winkuwa'akëtë mëk mëët ja mëpëjkën ja mëjku'u, mnija'awëtëp miits ko ja mmëku'uktëjkëty näjyëtu'un tmënax tyajnaxtë ja ëyo'on jotmay mëti'ipë ijtëpën yajpatëpën oymyaajëty.

1 Pedro 5:9 ပူးပေါင်းရင်းမြစ်များ

Santiago 4:7

Näkyë'ëyakëtë ëmuumtu'ukjot ma Tiosën. Ka'ap xykyupëktëty ja mëjku'u, ënät mkukä'äkëtëty.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

1 Pedro 2:21

Paaty ja Dios të mmëkajpxëtë, jä'ä ko tëë ja Kristë mku'ëyowëtë ets të najtstunë mëti'ipë miits xykyuuy'ixtëpën.

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

2 Timoteo 3:12

Tëyajtën yë'ë ko ni'ëmukë mëti'ipë ja ja'ay juuky'atantëpën oy ma Kristë Jesusën näjyëtu'un yaj'ixjëtita'an yajpajëtita'antë;

Efesios 6:16

Ets ja mëpëjkënëty yë'ë jëtu'un myajtuntëp ijxtëm ja tsiptuunpë ja pyujxn nyätyuk'akëëytyukyën, oy jyaminy ja ti'pxn mëti'ipë ja ku'oypyë myëjti'pxypën jëënmëët.

1 Pedro 3:14

E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Dios ënety të tyukwinwanëtën, ko ja kaa të tyajmujkëtë ja y'aaw,

1 Timoteo 6:12

Nitsiptun ja mëpëjkën, këtii xy'ëxmatsëty ja juukyajtën xëmëkyëjxmëpë; jä'ä ko paaty ja Dios të mwoowtsoyë ets xynyikajpxëty ja mmëpëjkën ma ja mayjyä'äyën.

1 Tesalonicenses 3:3

këtiipë pën myäyëty tyajëty ma ya'atë tsyiptä'äkyën. Wa'ats xynyijawëtë ko tëë nyajtuknipëjktakëmë ets n'ëye'eymyëty.

Efesios 4:27

Këtii ja mëjku'u xytyu'umo'otëty.

Apocalipsis 6:11

Ënet yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.

1 Pedro 4:13

Ni'ikyë mëpaat jotkujk myajpaatë ko xymyënax xyajnaxtëty ja ëyo'on jotmay mëti'ipë ja Kristë näjyëtu'un myënajx yajnajxën, ets näjyëtu'un mxoonta'aktëty ko ënety nyikëxë'ëky ja mëj'ajtën oyajtën ko Kristë myinëty.

1 Pedro 1:6

Paatykyëjxm miits akujk jotkujk mnäjyawëtëty, oy tyam ja ëyo'on jotmay xy'ëkyajnaxtë.

Colosenses 2:5

Oyës kë'ëm nkatimjam'aty, tamës ja nja'awën y'ity ma miitsëtyën ets jotkujkës näjyawëtëty jä'ä ko oy yajxon xytyuntë ets ko tu'ukyë xymyëpëktë ja Kristë.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Lucas 22:32

je'eyëp ko tëëjës ja Dios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Dios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Dios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënety nyajpaaty Patmos, ma tu'kkëëyi'ikpyën ja naax jam mejyjyotm.

2 Timoteo 4:7

Tëës nmëmëtä'äky ja tsip, tëëjës nja'ty maajës ënety nja'ta'anyën, ka'apës të n'ëxmatsy ja mëpëjkën.

Hebreos 12:8

Pën ka'ap ja Dios mwijtswinpitëtë ma m'u'unk'atëtën, ka'ap ënety m'u'unk'atëtë; jëtu'un ja tpaaty ijxtëm jeexyë miits wiink ja'ay m'u'unk'atëtën.