1 Pedro 5:7 - Biblia Dc en Mixe de Quetzaltepec

⁷ Tukë'ëtëkëtë ja Dios ja m'amay mjotmayëty, jä'ä ko yë'ë miits m'ijx'ijtëtëp mkëwent'ajtëtëp.

Biblia Mixe de Quetzaltepec

⁷ Tukë'ëtëkëtë ja Tios ja m'amay mjotmayëty, jä'ä ko yë'ë miits m'ijx'ijtëtëp mkëwent'ajtëtëp.

1 Pedro 5:7 ပူးပေါင်းရင်းမြစ်များ

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë

Salmos 37:5

Yë Wintsën yë'ë mjuukyajtën tukkë'ëwanë; yë'ë tuk'ijxpät ets mniminëtëty ko ënety yë putëjkën xyajmëyäty.

Salmos 40:17

E ëjts maas nyajpaatyën mon tuk, këtiis xyjyä'äytyëkoyëty, Wintsën. Mijtsës xypyutëjkëp etsës xyaj'ëwaatsëpëtsëmy; Wintsën këtii mpo'oxy, tsojkyë min.

Salmos 55:22

Pëjkta'ak tëkokyë yë mma'ayën mtajën ma Wintsënën, yë'ë xëmë myaj'itanëp amëk jotmëk; yë'ë ka'ap tmajtstu'uty yë ja'ay mëti'ipë mëmëtoowëpën ets ëxëëk jyatëty.

Proverbios 16:3

Tëkokyë mëti'ipë mtuunpyën, yë'ë Dios tukë'ëtëjkëtya'a ets oy wyimpëtsëm jyëjpëtsëmëty mëti'ipë mmääpy mtäjpyën.

Mateo 6:27

Oy pën jënu'un tjamëmay tjamëtajy jyuukyajtën, ¿tii jä'ä pën tyajyonëty yë jyuuky'ajtënën?

Mateo 6:28

¿Wi'ix ko xymyëmay xymyëtajtë ja wit? Ëk'ixtë ja pëjy wi'ix yontë aayjoty ujtsjoty; ka'ap tyuntë, ka'ap pyiitë.

Mateo 6:31

Paaty këtii xymyëmay xymyëtajtëty ets mnäyajtëwëtëty: ¿Tii ënät nkä'ämyëp n'ukmëp?, ëkë ¿tii ënät nwit'ajt nxox'ajtmëp?

Marcos 4:38

Jamts ja Jesús ënety myä'äy kepy nëëwinye'epyëjoty ix'am, tëë ënety kyoy tpëjktä'äky. Ënet ja y'ijxpëjkpëtëjk ojts yuxyë ets y'ënëmaayë: Wintsën. ¿Tii këtii xyjyawë ko nki'inëmë?

Lucas 12:22

Tääts ja Jesús t'ënëmaay ja y'ijxpëjkpëtëjk: Jä'äkyëjxmës jëtu'un n'ëna'any këtiipë xymyëmay xymyëtajtëty tii mtukjuuky'atëp, tii mkaytyëp m'uuktëp ets tii mwit'at mxox'atëp.

Lucas 12:26

Pën ka'ap mayëtë yiinpë wäänpë, ¿tii ko xymyëmay xymyëtajtë ja këjääpë?

Juan 10:13

Tääpë ja'ay paaty kye'eky jä'ä ko yi'iyë myëju'uny nyituunpy, ka'ap ja kupixyny tmëmay tmëtajy.

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

1 Samuel 30:6

David ojts wäänjaty tsyë'ëkë, jä'ä ko yë'ë ojts ja ja'ay tyukjoot'anpëkyë ko ënety jëtu'un të jyatë kyëpätë ja y'u'unk tyo'oxytyëjkëty. E ja David ojts ja jyot wyinma'any tmëktuny ets tu'ukyë ja Wintsën tuk'ijxpejty.