1 Pedro 5:6 - Biblia Dc en Mixe de Quetzaltepec

⁶ Yujy tëtä'äky näpyëjkta'akëtë Dios kyë'ë'am ets ja Dios mmëjpëjkta'akëtëty ko ënety ja tiempo tpaaty.

Biblia Mixe de Quetzaltepec

⁶ Yujy tëtä'äky näpyëjkta'akëtë Tios kyë'ë'am ets ja Tios mmëjpëjkta'akëtëty ko ënäty ja tiempo tpaaty.

1 Pedro 5:6 ပူးပေါင်းရင်းမြစ်များ

1 Reyes 21:29

¿Tëë xy'ixyë wi'ix yë Ahab yë jootwinpijtën të tmëët'atyë ets wi'ix ëmaay amutsk të nyäpyëjktä'äkyë ma ëjtsënë? Mëët yë'ë ko të mjootwinpity ets ëmaay amutsk të mnäypyëjktä'äkyë ma ëjtsën, yë'ë ets jyiiky myëku'uk ka'apës wi'ix ntuna'any ma tyam jyuuky'ätyën, jäänëm tëy nëjkx ja ëyo'on nyajkëtä'äkyës ko ënety yë'ë ja myaank jyuuky'äty.

2 Reyes 22:19

ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

2 Crónicas 12:12

Jëtu'un ja Wintsën ojts pyokymyä'kxëtë, mëët ko jyotwinpijtë ëmuumtu'ukjot ets ka'ap yajkutëkooyëtë. Oy ënety mëk të jyatëkoytyë ja Israel ja'ayëty, ojts oypyë ja winma'any tjaakmëët'atë jam Judá.

2 Crónicas 30:11

Pën ojts kyäjpxyjyä'äykyujkëtë, ma ja Aser, Manasés ets Zabulón ja jyä'äyën ets ja jyot wyinma'any tyaj'o'oyëtë, ojts nyëjkxtë jam Jerusalén.

2 Crónicas 32:26

E yë'ëjëty oy jëtu'un y'ëktëkooytyë, ojts jatëkok ja Wintsën tmëpëjktsowtë ets ojts pyokymyä'kxëtë ets ka'ap wi'ix tyuunëtë, mapaat ja Ezequías jyuuky'äjtyën.

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënety ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

2 Crónicas 33:23

Je'eyëp ko yë'ë ka'ap jyotwinpijty ma Tiosën, jëtu'un tä ja tyeetyën Manasés, ni'ikyë ojts ja pyoky tyajmayë.

2 Crónicas 36:12

Je'eyëp ko yë'ë ka'ap ojts oy winë tuny ma Wintsënën, ka'ap ja jyot wyinma'any tyaj'o'oyëy ma ja Tiosmëtuunkën, Jeremías kanaak'ok jya'ënëmaayë.

Job 36:22

Ix, wi'ix yë Wintsën yë myëj'ajtën kyutujkën kyëjääjëty. Nitu'uk yë ja'ay mëti'ipë yaj'ijxpëjkpën kyajëtu'unëty tä yë'ëjën;

Salmos 75:10

jä'ä ko yë'ë yajkutëkooytya'ajäämpy tëkokyë mëti'ipë ënety ja ëxëëkja'aytyëjk të nyätyukmëjjawëtën, ets tyajmëjëja'any tyajkëjääjëja'any ja myëj'ajtën kyutujkën ja ja'ay oypyë jyot wyinma'anyën.

Salmos 89:13

Yë mmëkajtën maayëp winë, yë m'a'oykyë'ë mëk yë'ë ets mëtakp oymyaajëty.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Éxodo 3:19

E ëjts wa'atsës nijawë ko ja mëj ënä'ämpë japë Egiptë tyunyën ka'ap mtsojk'ëxmatsa'anëtë; atsip nëjkx m'ëxmatsëtë.

Éxodo 32:11

Yë Moisés ojts tjayajxäämanë mëktä'äky ja Wyintsën Dios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Proverbios 29:23

Mëti'ipë ja'ay mëj këjxm näjya'awëyëpën, o'ktëy muum jyäty; e mëti'ipë yu'unk naxym näpyëjktakëp;, oyjya'awëyëp ja'ay.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 40:4

Tukjä'pëtya'atë ma tyukmu'kx tyukëkëtyën, tajkijpxyëtë ma nyitun nyikopkëtyën, yaj'awinpitë joy ma yä'äpëtyën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 44:10

Miitsëty ka'ap ninu'un xyaj'oyëtë mjot mwinma'anyëty, ka'ap mtsë'ëkëtë ets ka'ap të xypyatuntë ja ënä'ämën tëyajtën ets ja ijxpëjkën mëti'ipës nmooytyën ja m'aptëjkëty ets miitsëty.

Ezequiel 17:21

O'kta'ajantëp ja jotmëkja'ayëty jam tsipjotm, mëti'ipë ënety wë'ëmtëpën juuky, jëtu'unyë ye'eywya'kxa'antë taxkpëky. Ënätnëm nëjkx m'ëna'antë ko ëjts Wintsën, tëëjës n'ayuk njakäjpxy.

Ezequiel 21:6

Mijts, ye'etyëjk, jë'ë ya'ax mëët ja monyëtukyë ets ja jotmay; winyaaxë ja naax kajpn.

Daniel 5:22

E tyam, mijts Belsasar yajkutujkpë, ja myaank ja mëti'ipë yam ntukmëmëtyäkpyën; mijts nän najëtu'un yaj'ixy kyëjääjë xyajtso'ontä'äky yë mjuukyajtën, amëj akëjxm yaj'ixy mja'ay'äty.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Mateo 23:12

Jä'ä ko mëti'ipë kë'ëm nämyëjpëjktakëpën naxym nëjkx yajpëjktä'äky, e mëti'ipë yu'unk naxym näpyëjktakëpën, mëj nëjkx nyäxy.

Lucas 1:52

Tëë tpëjkë ja yajkutujkpëtëjk ja kyutujkën, ets të tyajmëjnaxy ja ayoopë ja'aytyëjk.

Lucas 14:11

Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

Lucas 18:14

Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Dios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Romanos 5:6

Ko ënety ëëts'ajtëmë ka'ap tjëkyepy ëwaatsëtuuy nyajpatmëty, ënät ja Kristë myiiny ets ja pokyjyä'äy tni'o'ktuty.

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Deuteronomio 32:35

Jääjës yë ntuknipëjktaakë nyajpëtsëma'any, koos ënety ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënety o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.

1 Timoteo 2:6

Jesukristë tëë tku'ookë ja ja'ay ni'ëmukë ets ja nitsokën tpaatëty mëti'ipë yë'ë yajnikëxë'kën jëna'a ënety ja nyixëëw të tpaatyën.

Tito 1:3

ets tyam, ko tiempo të tpatnë, tëë xytyuknija'awëmë ja y'aaw y'ayuk mëti'ipës nkajpxwä'kxypyën, mëti'ipës ja Dios yajnitsokpë ojts xytyuk'ëne'emyën.

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

Santiago 4:7

Näkyë'ëyakëtë ëmuumtu'ukjot ma Tiosën. Ka'ap xykyupëktëty ja mëjku'u, ënät mkukä'äkëtëty.

Santiago 5:10

Mëku'uktëjkëty, ni''ijxtu'utë wi'ix ja Dios ja kyäjpxynyajxpëtëjk tmëtënaaytyën ja ëyo'on jotmay ets näjyëtu'un xytyuntëty.