1 Pedro 5:2 - Biblia Dc en Mixe de Quetzaltepec

² Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Biblia Mixe de Quetzaltepec

² Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Tios ja jyä'äy. Winë aaw winëjot mtuntëty ijxtëm ja Tios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

1 Pedro 5:2 ပူးပေါင်းရင်းမြစ်များ

2 Reyes 12:6

E nyäjxy jëtu'un i'px tëkëëk jëmëjt, ja teetytyëjkëty ka'ap tuuntë tä ënety të yajtuk'ënä'ämtën.

Cantares 1:8

Pën ka'ap xynyijawë, mijts janty'oy janty tsuj myaj'ixy ma to'oxytyëjktëjkëtyën oyëtypë, yë'ë paye'ey yë kupixyny yë kyë'ë tyeky ets jam këwent'at yë mtsajppax ma jëyujkëwent'ajtpë tyëjkëtyën.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Isaías 6:8

Ënätës tu'uk ja aaw yo'kn të nmëtoowpaaty mëti'ipë ja Wintsën jyä'ä'ajtypyën ets y'ënä'äny: ¿Pënës ënät nkäxëp? Etsës të n'ëtsoy: Tyaajës ëjts, ëjts käjxk.

Isaías 63:11

Ënet tja'amyäjtstë ja tëëyëpë, ma ja Moisés tyaj'ëwaatsëpëtsëëmyën ja nyaax kyajpn, ets nyäyajtëëwëtë: ¿Maa jëtäätën ja Wintsën mëti'ipë yajnajxën ja Israel kajpn mëët ja Moisés ma ja mëjmejyën, jëtu'un tä mëti'ipë tsajppax ets kupixyny kyëwent'ajtypyën? ¿Maa jëtäätën ënät? mëti'ipë ja Moisés yajtuunën mëët yë kënu'kxypyoj,

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

Jeremias 13:20

Ëk'ijxë'ëktë ets xy'ixtëty wi'ix yë mëtsip jam anëkëjxmtsow myäymyintën. ¿Ma ënät ja mja'ay mëti'ipës njëjp'ijxyp mputëkëtëty, mëti'ipë mnätyukmëjpëjktakëpën?

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 8:10

Paatykyëjxm wiink ye'etyëjkës nmo'ojäämpy ja tyo'oxytyëjkëty ets nyaax kyamëty wiink ja'ayës ntukë'ëtëjkëjäämpy. Jä'ä ko wä'än tmëjëty tmutskëty, aak yi'iyë myëmaay myëtajtëp wi'ix wyitpaat myeenypyaatëty mëët ja ëxëëktu'un ëxëëk kajpxën; wä'än yë'ë'atë käjpxynyajxpëtëjkëty ets teetytyëjkëty, ka'ap tii oy tpaatë.

Ezequiel 34:23

Nyajwinpitäämpyës yë ntuunpës David, yë'ëjës tu'ukyë nyaj'itäämpy kupixyny këwent'ajtpë ets yë'ë oy tkëwent'atëty. Yë'ë nëjkx yë kupixyny tkëwent'ajtpë'atë.

Ezequiel 34:31

Miits nkupixyny'ajtëp, mëti'ipë jam tënaaytyëpën maas yë nmëëykyamën. Ëjts xyTyios'ajtëp. Ëjts Wintsën, ëjts ënaanp.

Ezequiel 46:24

Ënätës xy'ënëmaay: Yaa jëtu'un yë ja'ayëty, mëti'ipë jap tsajptëkoty tuuntëpën tyajkë'ëwtëty yë tsu'utsy mëti'ipë naax kajpn yajktëpën ets Wintsën tukwintsë'ëkëtëty.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënety nyäxy oymyaanaax myaakajpnëty.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Zacarías 11:17

Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Hechos 20:29

Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

Romanos 1:15

paatyës ni'ik ntsoky ets ja oy aaw oy ayuk ntuk'ëwaanëja'antë, miitsëty mëti'ipë tsënaaytyëpën jam Roma.

1 Corintios 9:7

¿Wä'än jëtää ja tsiptuunpë kë'ëm nyämyëjuyë? ¿Wä'än jëtää ja tsatym nyiyu'ujëpë ka'ap tjë'kxy ja tsatym kyo tyëëm'atyë? ¿Ëkë jää jëtää ja kupixyny këwent'ajtpë ka'apë t'uukyën ja lechë mëti'ipë yajma'tspën ma ja kupixyny taakënë?

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

1 Timoteo 3:8

Näyjyëtu'un ja mëpëjkpëtëjk mëti'ipë ja tuunk të yajtuknipëktën jap tsajptëkoty, yë'ë mëti'ipë jyëkyejpy yajwintsë'ëkëty, mëti'ipë ka'ap y'ëëwtëkoy kyajpxtëkoytyën, ka'apë y'uuktën myu'ukëtën ets ka'apë yi'iyë wit meeny tpa'ix tpawoontën.

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Tito 3:1

Tukja'amyäts ja mëpëjkpëtëjkëty ets twintsë'ëkëtëty ja yajkutujkpë ets ja kutuunktëjk, wä'än xëmë winë oy tuntë mëti'ipë yajkutujkpë tuk'ënä'ämëtëpën.

Filemón 1:14

Je'eyëp ko ka'apës tii ntuna'any mëti'ipë mijts ka'ap xyajkutukynyëmën ets ja mëyajtën mëti'ipë mtuumpyën tsojkënkyëjxm xytyunëty, ka'ap y'akwanëty.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Dios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.