1 Pedro 5:14 - Biblia Dc en Mixe de Quetzaltepec

¹⁴ Näkyajpxpo'kxëtë mëët ja oyjyot oywyinma'any nixim niyam. Wä'än ja Dios mmo'ojëtë ja jotkujk'ajtën jënu'un ja Kristë miits mëët m'itën.

Biblia Mixe de Quetzaltepec

¹⁴ Näkyajpxpo'kxëtë mëët ja oyjyot oywyinma'any nixim niyam. Wä'än ja Tios mmo'ojëtë ja jotkujk'ajtën jënu'un ja Kristë miits mëët m'itën.

1 Pedro 5:14 ပူးပေါင်းရင်းမြစ်များ

Mateo 5:47

Ets pën yi'iyë miits mkajpxpo'kxtëp ja mmëkä'äxëty ¿Tii oyajtën tääpë xyajnätyijëtë? Yë ja'ay ka'apë Dios tmëpëkyën yë'ë jëtu'un ëtëtstëp.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Juan 20:19

Ko ojts kyootsënë jä'ä xëëw, sëmaan'ëjxy. Tëë ënety ja Jesús ja y'ijxpëjkpëtëjk jam tyu'ukmuktë ma tu'uk ja tëjkën, je'eyëp ko ëtuky ja tëjk'aaw tyaj'itë jä'ä ko yë'ë tsyë'këtëp ja myëjutiis ja'ayëty; tääts ja Jesús nyänyikëxë'kë jam ma ja y'ijxpëjkpëtëjkën, itkujky ojts wya'ak'oyë ets ojts tkajpxpo'kxy, jëtu'un t'ënëmaay: Jotkujk yajpaatë.

Juan 20:26

Kom tuktujk xëëw, tëë ënety ja Jesús ja y'ijxpëjkpëtëjk jatëkok jam ye'eymyuktë tëkotm, tam ënety ja Tomás näjyëtu'un yajpaaty, ëtuky ja tëjk'aaw tyaj'itë. Ënet ja Jesús nyänyikëxë'kë, itkujky ojts wya'ak'oyë ets ojts tkajpxpo'kxy ja y'ijxpëjkpëtëjk, ets t'ënëmaay: Jotkujk yajpaatë.

Romanos 16:16

Neykajpxpo'kxëtë nixim niyam oyjyot oywyinma'any mëët. Pën maajëty ja'ay ye'eymyuktë mëti'ipë Kristë myëpëjktëpën, ni'ëmukë ntuknikäxtë ja kajpxpo'kxën.

Romanos 8:1

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 16:20

Kupëktë ja kajpxpo'kxën mëti'ipë ja nmëku'uk'ajtëmë ni'ëmukë kyäjxtëpën. Näkyajpxpo'kxëtë nixim niyam wa'ats aaw wa'ats jot.

2 Corintios 13:12

Neykajpxpo'kxëtë nixim niyam wa'ats aaw wa'ats jot mëët ja nitsokën.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

Efesios 6:23

Wä'än ja mëpëjkpëtëjk tmëët'atë ja jotkujk'ajtën, ja tsojkën ets ja mëpëjkën mëti'ipë ja Dios Teety ets Wintsën Jesukristë yajktëpën.

1 Tesalonicenses 5:26

Kajpxpo'kxtë ni'ëmukë ja nmëku'uk'ajtëmë ijxtëm ja Dios tsokyën.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

3 Juan 1:14

Kë'ëm jam nninëjkxa'antë ets nkajpxmëty nmëtyakmëty wiinxë jëjpxë.