1 Pedro 5:12 - Biblia Dc en Mixe de Quetzaltepec

¹² Ja nmëku'uk'ajtëm Silvano, mëti'ipë oy tsuj ja Dios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Dios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

Biblia Mixe de Quetzaltepec

¹² Ja nmëku'uk'ajtëm Silvano, mëti'ipë oy tsuj ja Tios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Tios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

1 Pedro 5:12 ပူးပေါင်းရင်းမြစ်များ

Juan 21:21

Ko ja Pedro t'ijxy ets tyajtëëy ja Jesús: Wintsën e yë'ë, ¿wi'ix jyata'any?

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Hechos 15:22

Ënet ja ijxpëjkpëtëjk mëët ja mëjja'aytyëjk ets ni'ëmukë ja mëpëjkpëtëjk twin'ijxtë mëti'ipë mëët nyëjkxtëty ja Pablo ets ja Bernabé jam Antioquía. Yë'ë ojts tnikajpxpätë ja Judas, mëti'ipë näjyëtu'un yajtijpën Barsabás ets ja Silas, mëti'ipë ënety mëj'äämpy ijtpën ma ja mëpëjkpëtëjkëtyën.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Romanos 5:2

Mëët ko ja Kristë të nmëpëjkëmë paaty të tjëkyepy wi'ix nmëwinko'onmëtyën ja Dios, ets xoontä'äky nyajpatmëty ko të xypya'ëyo'owëmë, mëk ja mëpëjkën nmëët'ajtmëty, ets amëj akëjxm njëjp'ijxmëty ja Dios ja myëj'ajt y'oyajtën.

1 Corintios 15:1

Mëku'uktëjkëty, ja'amyätstë miits ja oy aaw oy ayuk mëti'ipë të ntuk'ëwaanëtën, yë'ë ya'atë aaw ayuk mëti'ipë miits të xykyupëktën ets yë'ë tyam tu'ukyë myaj'ijtëtëp.

2 Corintios 1:19

Jä'ä ko yë Jesukristë, Dios yë y'u'unk, mëti'ipë Silvano, Timoteo ets ëjts të nimëtya'aktën ma miitsëtyën, ka'apës je'eyë të nkajpxmin të nkajpxëptë,

2 Corintios 1:24

Ka'ap ëëts niwintsën'atë ja mmëpëjkënëty; yë'ëjës ntsojktëp ets nputëkëja'antë ets tu'kmukyë akujk jotkujk myajpatmëty, jä'ä ko miitsëty mëk myajpatnëtë ma ja mëpëjkënën.

Efesios 3:3

Tëës ja Dios xytyuk'ixy xytyuknijawë ja yu'utsypë etsës nkajpxwa'kxëty, ijxtëm wäänë të ntuk'ëwaanëtën nokyjoty.

Efesios 6:21

Yë nmëku'uk'ajtëm Tiquico, mëti'ipë ni'ik yajmëku'ukja'apën ets mëti'ipë yam ëëts oy xypyutëjkëtyëpën mëët ja Wintsën ja tyuunk, yë'ë mtuk'ëwaanëjanëtëp wi'ixës yam nyajpaatyën ets wi'ixës yam ntunyën.

Colosenses 1:7

Yë'ë ojts mtuk'ijxpëkëtë ja nmëku'uk'ajtëm Epafras, mëti'ipës mëët ntuunmujktën ets myëtuumpy ja Kristë ma miitsëtyën.

Colosenses 4:7

Ja mmëku'uk'ajtëm Tiquico, mëti'ipë ni'ik yajmëku'ukja'apën ets oy tsuj tmëtuny ja Wintsën, yë'ë mtuk'ëwa'anxëtëp wi'ixës yam nyajpaatyën.

Colosenses 4:9

Näy tam mëët nyijkxy ja nmëku'uk'ajtëm Onésimo, ja nmëëtmëpëjkpë'ajtëm mëti'ipë ni'ik yajmëku'ukja'apën ets oy tmëtuny ja Kristë. Yë'ë mtukmëmëtya'akëtëp tii yam tuunëp jajtëp.

1 Tesalonicenses 1:1

Ëjts Pablo, mëët ja Silvano ets Timoteo, tyam yë noky ntuknikäxtës ja mëpëjkpëtëjkëty mëti'ipë ye'eymyujktëpën jam Tesalónica, mëti'ipë ijtëpën tu'ukyë mëët ja Dios ets Wintsën Jesukristë. Wä'än ja Dios mmo'ojëtë ja kënu'kxën ets jotkujk'ajtën.

2 Tesalonicenses 1:1

Yë Pablo, Silvano ets ja Timoteo, tkajpxpo'kxtë ja mëpëjkpëtëjkëty mëti'ipë jam Tesalónica yajpatëpën, ko tu'ukyë y'itë mëët ja Dios ets Wintsën Jesukristë.

Hebreos 13:22

Mëku'uktëjkëty, n'amëtoow mpëjktsoowtëp miits yë mëyajtën, kupëktë ya'atë kajpxwijën mëët ja mä'kxtujkën. Mëti'ipë miits ntuknija'ayëtëpën yë'ë mëti'ipë mëj këjää mputëkëjanëtëp.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Dios tyunäämpyën ko ja Jesukristë myinëty jatëkok.

1 Pedro 4:10

Këëkjä'ä miits xytyuntëty ja mtuunk ijxtëm ja Dios të mmo'ojëtën. Näpyutëkëtë nixim niyam wi'ixëty ja Dios ja kënu'kxën mtukpaatëtën.

2 Pedro 1:12

Paaty miitsëty xëmë ntukja'amyätstë oy të xyjyanijawëtë ja Dios ja tyiyajtën ets oy xyajtuntë mëti'ipë të ntuk'ijxpëktën.

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

3 Juan 1:12

Oy tsuj ja Demetrio yajnimëtyä'äky ko mëtëy ja oypyë tuny. Näyjyëtu'un ëëtsëty nän oyës nnimëtya'aktë, ets mijts mnija'ap ko mëtëyës nkajpxtë.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.