1 Pedro 4:8 - Biblia Dc en Mixe de Quetzaltepec

⁸ Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

Biblia Mixe de Quetzaltepec

⁸ Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

1 Pedro 4:8 ပူးပေါင်းရင်းမြစ်များ

Proverbios 10:12

Yë näy'ëxëëk'ixë je'eyë yajtsiptuny, e yë tsojkën ja'awën myä'kxtääpy yë nëë poky.

Colosenses 3:14

Nätsyokëtë ni'ëmukë, jä'ä ko yë'ëkyëjxm ja ja'ay tu'ukyë y'itë ko nyätsyokëtë nyämyäyëtë.

Proverbios 17:9

Mëti'ipë ja'ay ka'ap tmëjpëjktä'äkyën ko yajmëtëkoy, tsojkën ja'awën yajmëjnajxyp; e mëti'ipë ja'ay xëmë jyä'ämyejtsypyën ko pën myëtëkoyë, ni'ikyë tyajkëjääjë jotmay.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Santiago 5:20

nijawëtë ko pën ja pokyjyä'äy tyajwinpityp ma pokyjotm yajpaatyën, jap ënety të tyajpëtsëmy o'ktujk ets yë'ëkyëjxm ja ja'ay may ja pyoky yajnimä'kxa'antë.

1 Corintios 13:1

Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

1 Tesalonicenses 3:12

Wä'än ja Wintsën tjaakyajyeeky ja mtsojkënëty ets ni'ik mnätsyokëtëty nixim niyam, mëët ja wiinkëtypë mmëku'uktëjkëty, ijxtëm ëëts miits të ntsoktën.

Hebreos 13:1

Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Proverbios 18:13

Tsuuwinma'any ets tsëtyu'un yë'ë ko jëyëjp ja'ay y'ëtsoy, ets ka'ap tmëtoy wi'ix yaj'ënëëmën.

Proverbios 12:16

Yë tsuuja'ay pojën tyajnikëxë'ëky ko jyoot'anpëky; e yë këpetyjyä'äy jëtu'un tyajnaxy tä pyojyën ko pën yajjoot'anpëkyë.

3 Juan 1:2

Jëëky mëku'uk, n'amëtoopyës ja Dios ets ja oyajtën mëk'ajtën mmo'ojëtëty, xypaatëty xy'ixëty tii myajmëyäjtypyën ets oy mëk myajpaatëty.

Santiago 5:12

Yë'ë tim kopkpëky mëku'uktëjkëty, ko ka'ap xykyajpxpaatëty ja Dios, tsajp, naaxwiinyëtë ets oy tyimtiijëty. Ko tii xykyajpxtëty, tim'ëna'antë oy, pën tëy ënety; ets ka'ap pën ka'ap ënety tyiyëty, këtiipë myajpëjkta'aktëty ëyoowtaknjoty.

1 Corintios 13:4

Ko ja tsojkën ja'awën yajmëëtëty yajmëmëtakp winë; yaj'oyjyä'äy'ajtp, ka'ap pën yaj'ëxëëk'ixy, ka'ap nyämyëjpëjktä'äkyë ets ka'ap nyämyëjjaw nyäjyääntyjyawëty.