1 Pedro 4:3 - Biblia Dc en Mixe de Quetzaltepec

³ Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

Biblia Mixe de Quetzaltepec

³ Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Tios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

1 Pedro 4:3 ပူးပေါင်းရင်းမြစ်များ

2 Samuel 13:28

tëë ënety t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

1 Reyes 21:26

Ka'ap mëtëy tii t'ëktuunë, je'eyë të twinkoxtënaaynyë ja awinax ets ja tsaapotsy ka'apë jyuukyëtyën, jëtu'un tä ijty yë Amor ja'ayëty y'ëtë'ëtstën, mëti'ipë yë Wintsën y'ixkäjxtaayën ma ja Israel ja'ayëty jam nyajxtën.

2 Crónicas 15:8

Ko ja Asá jëtu'un tmëtooy ya'atë ja aaw ayuk mëti'ipë nyikäjpxypën ja Wintsën ja tyuunpë, ënät myëkpëjky ets jyotmëktäky, tääts tyajkutëkooytyääy ja awinax ka'apë y'oyëtyën jampë ënety yajpaatyën Judá ets ma Benjamín y'itjotmën; ma ja kajpnëtyën mëti'ipë të tnitsiptunyën ma ja Efraín y'itjotmën. Ojts tkoj'o'oyë ja Wintsën ja tsyajptëjk, ja wintsë'këntyakn mëti'ipë yajpatpën winkon ma ja teetytyëjkëty ja wyit nyätyukxoxëtën.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Isaías 5:11

Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.

Isaías 65:4

mëti'ipë o'kpë jut akë'ëy ijty naaxwä'tspën, ets nyäxy tyëkë ma ka'ap pën y'ixëtëtyën; mëti'ipë ijty ëtsëmtsu'utsy tsyu'typyën ets yajxon tyaj'utsy ja tu'ts mëët ja tojkxnëë ka'apë wya'atsëtyën.

Jeremias 16:11

Ënet xy'ëtsowëty: Jëtu'un yë Wintsën y'ënä'äny: Tyaapë paaty jëtu'un jyäty kyëpety jä'ä ko ja m'ap m'okëty ojts xy'ëxmatstës ets ojts ja wiink tios tpanëjkxtëkëtë, yë'ë ojts t'ëwtajtnëtë ets tukwintooynyëtë ja poom; e ëjts jëkäm jëxkë'ëmës ojts xyajwë'ëmnëtë ets ka'ap pën t'ëktuunë ijxtëmës ënety të ntuk'ënëëmëtën.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

Ezequiel 44:6

Ënëëmë tääpë kajpn käjpxy kumëtoownajxpë: Ko jëtu'un yë Wintsën y'ënä'äny: Këtii xy'ëktuunëtë ëxëëkpë, miitsëty Israel ja'ayëty.

Ezequiel 45:9

Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Marcos 7:22

ka'apë tmëj'ixtën ja nyiye'etyëjk ëkë ja tyo'oxytyëjk, y'atsojktëp oytyiijëty, win'ë'ëntëp antaktëp; ja ëxëëk juukyajtën oy tsyojkën'ajtëp, y'ëxëëk'ijxtëp ja myëku'ukëty, pi'tskajpxtëp, amëj akëjxm jyä'äy'atë ets nitii oy tkamëmay tkamëtajtë.

Hechos 17:30

Dios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

1 Corintios 12:2

Mnija'awëtëp miitsëty, ko ijty ka'anëm xymyëpëktë ja Wintsën Jesukristë, ja awinax ijty mwintsë'këtëp, mëti'ipë ka'ap kyäjpxyën.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

2 Corintios 12:21

Yë'ës näjyëtu'un ntsë'këp, ko ënety nëjkx nku'ixëtë, Dios je'eyës xyajtsëtyunëty ko ënety miits ka'ap tii oy xytyuntë ets je'eyës xyajjë'ë xyajya'axtëty mëët ko miitsëty je'eyë ëxëëkpë xytyuntë xykyajpxtë; tyimtso'ontäky jëtu'un pya'tkë'p'ajty. Ja ëxëëkpë yë'ë oy mtsojktëp, xim yam ja to'oxytyëjk xymyëët'atë ëkë ja to'oxytyëjkëty xim yam ja ye'etyëjk tmëët'atë.

Gálatas 5:19

Nikëxë'ëky yë'ëjëty mëti'ipë tyuuntëpën ja kyë'ëm winma'any: xim yam pën mëët tsyënaaymyuktë, tyuuntëp kyajpxtëp ja ka'apë y'oyëtyën, myëët'ajtëp ja ëxëëk atsojkën,

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Dios ja kyutujktaknën.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

1 Tesalonicenses 4:5

ka'ap jëtu'un m'ëtë'ëtstëty ijxtëm y'ëtë'ëtstën mëti'ipë ja Dios ka'ap tnijawëtën, mëti'ipë winë y'atsojktëpën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

1 Pedro 1:14

Jëtu'un m'itëty ijxtëm ja pi'k ëna'kën mëti'ipë tyeety myëmëtoowtëpën. Këtii jëtu'un mjuuky'atëty ijxtëm të m'itën ko ja Dios ijty xykyanijawëtë.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.