1 Pedro 4:19 - Biblia Dc en Mixe de Quetzaltepec

¹⁹ Paaty, pën ëyoop ijxtëm ja Dios të tuknipëjktaakën, wä'än tuun'ëtë'ëtsy ja oypyë ets ja jyot jya'awën tpëjkta'akëty ma Tiosën mëti'ipë të yajkojyën, jä'ä ko yë'ë oypyë xëmë tyuunpy.

Biblia Mixe de Quetzaltepec

¹⁹ Paaty, pën ëyoop ijxtëm ja Tios të tuknipëjktaakën, wä'än tuun'ëtë'ëtsy ja oypyë ets ja jyot jya'awën tpëjkta'akëty ma Tiosën mëti'ipë të yajkojyën, jä'ä ko yë'ë oypyë xëmë tyuunpy.

1 Pedro 4:19 ပူးပေါင်းရင်းမြစ်များ

Salmos 37:5

Yë Wintsën yë'ë mjuukyajtën tukkë'ëwanë; yë'ë tuk'ijxpät ets mniminëtëty ko ënety yë putëjkën xyajmëyäty.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

1 Pedro 3:17

Nikë oy ko ja oypyë yajku'ëyowë, pën jëtu'un ja Dios tsoky, ets këtii ko yajku'ëyowë ja ëxëëkpë.

Salmos 138:8

Yë Wintsën, oy tsuj tyajwinpëtsëma'any yë tyu'unën kyajpxën maas ëjts xypyutëkën. Wintsën, yë mtsojkën mja'awën xëmëkyëjxm yë y'ity; këtii jëtu'unyë xy'ëxmatsy tuuntuk mëti'ipë tëë xyajtso'ontä'äkyën.

1 Pedro 2:15

Jä'ä ko Dios yë'ë tsyojkpy ets miits xytyuntëty ja oypyë, këtiipë yë tsuuja'aytyëjk ets kupojtëjk tëkatsy mnimëtya'akëtëty.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Salmos 31:5

Mijts nkë'ëmoopy yë njot nja'awënës; Yaj'ëwaatsëpëtsëëmkës, Wintsën, mëtëypyë Tios'atyën.

Daniel 6:22

Yë nTiosës yë'ëjës të xytyuknikexy yë tsajpjotmëtë kukäjpxy, mëti'ipë të t'amë'pxta'ayën yë kaa këtiipës xytsyu'utstëty, jä'ä ko yë Dios nyija'ap koos ka'apës tii ntuuntëkoy ets ka'apës ma yajkutujkpë nmëtuuntëkoy.

Hechos 7:59

Tam ënety tkuka'atstë ja Esteban ko ja Dios tmëpëjktsooy ets y'ënäny: Wintsën Jesús, mijts ntukë'ëtëjkëp yë nja'awënës.

Lucas 23:46

Tääts ja Jesús mëk yujk'ënany: Dios Teety, mijts ntukë'ëtëjkëp yë njot nja'awënës. Ko jëtu'un y'ënaantaay, tääts y'o'ky.

Isaías 43:21

ja naax kajpn mëti'ipës të nyajkojyën ets nimëtya'akëty ja nmëj'ajtënës.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

1 Pedro 3:20

Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Dios yë'ë tsyojkpy ets jyotwinpitëty, tyam ënety ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.