Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pedro 4:14 - Biblia Dc en Mixe de Quetzaltepec

14 Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Dios Jya'awën ijtëëp jam ma miits ja mjot mwinma'anyëtyën.

အခန်းကိုကြည့်ပါ။ ကော်ပီ

Biblia Mixe de Quetzaltepec

14 Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Tios Jya'awën ijtëëp jam ma miits ja mjot mwinma'anyëtyën.

အခန်းကိုကြည့်ပါ။ ကော်ပီ




1 Pedro 4:14
37 ပူးပေါင်းရင်းမြစ်များ  

Aak akujk jotkujk ja mja'ay yajpaatë, janty akujk jotkujk n'ixyës tyuntë yë mtuunpëtëjk, mëët ko xëmë yajpaatë mëët mijts ets xëmë tmëtowtë ja m'aaw m'ayuk mëti'ipë mnikäjpxyp mnimëtyäkpyën, ja oyëtypë ets mëtëyëtypë ja aaw ayuk.


Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënet ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,


Janty jotkujk yë ja'ay yajpaaty mëti'ipë yë putëjkën y'ëxajëpën ma Tiosën, Dios, mëti'ipë Jacob y'ëwtajtën, mëti'ipë jam pyëjktäkpyën yë jyot wyinma'any ma Wintsënën mëti'ipë Tyios'ajtypyën.


Ets jyuuky'atëty xëmëkyëjxm ets kajëna'a yë o'kën kyatukja'tëtëty.


Wintsën, ëxëëkjaty tääpë ja'ay xëmë xytyuntës xy'ënëëmëtës mëti'ipë mmëtsip'ajtëpën. Jëtu'un këxëty këpätëty t'ënëëmëtë m'u'unk mëti'ipë të xywin'ixyën oy ma nyijkxy.


Tääpë ja'ay nëjkxëp yajpaaty xëmë mëët yë Wintsën ja myëk'ajtën y'oyajtën, mëti'ipë nëjkx myo'oyën nija'awën, wijyajtën, këpetyajtën, mëk'ajtën, ixpëkyajtën ets ma Wintsënën.


Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.


Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,


Jotkujk miitsëty myajpaatëty ko ja'ay m'ojëtëty mya'axëtëty ets m'ixjëtit mpajëtitëtëty ets mnipëtë'ëkëtëty ets mni'antaakëtëty mëët ëjtskyëjxm.


Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Dios Teety mëti'ipë tsajpjotmën.


Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.


Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.


Ënet ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.


Tääts ojts t'ojtë mëti'ipë ijty wiintsën: Jä'ä ko mijts ya'atë ja'ay mpanëjkxyp; e ëëtsëty Moisés npanëjkxtëpës.


Ënet t'ënëmaaytyë: Mijts pokyjoty të mëxu'unk'aty, ¿ka'ap tjëkyepy xyaj'ijxpëktëtyës? Ets t'ixkäjxtë jap tsajptëkoty.


Ko ja jutiis ja'ay t'ijxtë ko nimay ja ja'ayëty, tääts ja Pablo ojts yajtuk'ëxëëk'ixy, ets ojts twinkajpxpätë, y'ënantë ko nëkoo je'eyë wyin'ëëntë.


E ko ja jutiis ja'ayëty jyoot'anpëjktë ets t'ënëmaaytyë ëxëëkjaty ja Pablo, ënät ja Pablo wyit twinxijty, jëtu'un tpëjktäky tu'uk ja ijxpäjtën ko ka'ap y'oyëty mëti'ipë ja jutiis ja'ayëty tyuuntëpën ets t'ënëmaay: Mkë'ëmpoky miitsëty pën m'ëyoowtëp xëmëkyëjxm, ka'apës ma ëjts mpoky'atëty. Tyamës nnëjkxëty ma ja ja'ayëtyën mëti'ipë ka'ap jyutiis'atën.


Yë'ës njamëtowantëp wi'ix mijts mmay mtajy, jä'ä ko nija'awëtëpës ko oymyaajëty aak ëxëëk ja'ay tnikäjpxy tnimëtya'aktë ya'atë jemypyë ijxpëjkën.


Ënet ja ijxpëjkpëtëjk pyëtsëëmtë juntëjoty, akujk jotkujk tsyo'onëtë, jä'äkyëjxm ko ja Dios ënety të tyajkutuky ets y'ëyo'onpaatëty ko ja Jesús tnikäjpxy tnimëtya'aktë.


Ets jotkujkës näjyawëty koos n'ëyoy, koos nyajwinkäjpxy nyajjëjpkäjpxy, koos nyaj'ixjëtity nyajpajëtity ets koos ëxëëk ja Kristë nkujatë. Koos npëkyë n'ixyë jääjës näjyawëty nmëktä'äky.


Oy tyimmaajëty maas nnëjkxtën, xëmës ja ja'ay xyaj'ooka'antë ijxtëm ja Jesús jyäjtyën; je'eyëp ko Jesús xypyutëjkëtëpës ets nyikëxë'ëkëty mëët ëëtsëty ko yë'ë jyuuky'äty.


Paatyës ka'ap ntsaatyjyäwë, oyës ja ni'kx nkopk tëë jyamëjja'ayënë, ajemyëpës njawë xëmë ja njot nwinma'anyëtyës winjëpom.


Ets ja Dios ijty tukmëjjawëtë koos ja njuukyajtën të tyajtëkatsy.


Paaty tyimwinmaay nikë oy ko ja Yajnitsokpë tku'ëyowëty ets këtii ko tukjotkujk'atëty ja mëj'ajtën jaanty'ajtën mëti'ipë japën Egiptë, jä'ä ko ja wyinma'any ojts tpëjktä'äky ma ja kuma'ayënën mëti'ipë ja Dios yakäämpyën.


Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.


Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.


Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.


E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.


E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.


E pën yë'ë mku'ëyo'onpatëtëp ko Kristë xypyanëjkxtë, ka'ap xytyuktsëtyuntëty, nikë wäänëni'ik ja Dios xyajmëjnaxtëty ko ja xyëëw jëtu'un xykyujajtëtëty.


May ja ja'ay tpanëjkxa'antë mëët ja y'ëxëëk juukyajtënëty ets yë'ëkyëjxm ja Dios tyiyajtën ëxëëk yajnikajpxa'any yajnimëtya'aka'any.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ