1 Pedro 4:11 - Biblia Dc en Mixe de Quetzaltepec

¹¹ Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

Biblia Mixe de Quetzaltepec

¹¹ Pën jää pën kyäjpxy myëtyä'äky, jëtu'un kyajpxëty ijxtëm ja Tios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Tios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Tios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

1 Pedro 4:11 ပူးပေါင်းရင်းမြစ်များ

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

1 Pedro 4:10

Këëkjä'ä miits xytyuntëty ja mtuunk ijxtëm ja Dios të mmo'ojëtën. Näpyutëkëtë nixim niyam wi'ixëty ja Dios ja kënu'kxën mtukpaatëtën.

Hechos 7:38

Ko ënety ja Israel ja'ayëty jam të ye'eymyuktë të'ëts'itum, yë'ë ja Moisés ojts kyäjpxynyäxy ma ja Dios kukäjpxy ets maa ja naax kajpnën ko jam myëkajpxë ma ja Sinaí kopkën; yë'ë ojts yajmo'oy ja aaw ayuk mëti'ipë yajjuuky'ajtpën ets ëëtsajtëm ojts xytyuk'ëwa'anëmë.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Romanos 3:2

Tuunp mëk ets kanaakpëky. Mëtu'kpëky ko jam ojts ja Dios ja y'aaw y'ayuk najtskäxë ma jutiis ja'ayëtyën.

Santiago 1:19

Ja'amyätstë ya'atë mëku'uktëjkëty, a'ijxp jëjp'ijxp miits itë ets xymyëtoowkukëtëty ja oypyë ja aaw ayuk; yë'ë tëy ka'ap ja tsip äkë ets ja joot'an xymyëët'atëty.

Colosenses 4:6

Tsuj ets jotkujk mkajpxtëty mmëtya'aktëty ets mjatëp wi'ix tu'ukjaty ja'ay xy'ëtsowtëtyën.

1 Corintios 12:4

Kanaakjëjp ja mëpëjkpëtëjk yajmo'otë ja tuunk, je'eyëp ko tu'uk ja Kënu'kxymyëkajtën mëti'ipë yäjkpyën.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Hebreos 5:12

Tam kanaak jëmëjt nyëjkxnë ets jeexyë miits ja Dios ja y'aaw y'ayuk xyaj'ijxpëjkëtë. Myaj'ijxpëjknëtëp jeexyë miitsëty, je'eyëp ko yë'ë jatëkok mtsojktëp ets wäänëni'ik mjaaktukyaj'ijxpëktëty mëti'ipë ka'ap tsyipëtyën ma ja Dios ja y'aaw y'ayukën. Jëtu'un miitsëty ijxtëm ja pi'k ëna'kën mëti'ipë tsi'tstëpnëm, ka'apë tjatën wi'ix kyäytyëtyën.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

1 Corintios 3:10

Ëjts jëtu'unës të ntuny ijxtëm tu'uk yë pojtspën, maas ja Dios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Salmos 145:13

Yë mkutujkën, yë'ë mëti'ipë winë xëëw winë jëmëjt ijtpën, yë m'ënä'ämën yë'ë mëti'ipë xëmëkyëjxm yajpatpën.

1 Pedro 5:11

Yë'ë jëtu'un ja mëk'ajtën myëët'ajtyp xëmëkyëjxm. Jëtu'un'atëp.

Santiago 1:26

Pën näjya'awëyëp ko Dios t'ëwtaty ets ka'ap ja y'aaw tmajts'ity, kë'ëm nyäwyin'ëënyë ets ko jya'ëna'any ko ja Dios tmëpëka'any ka'ap ja tyuny.

Filipenses 2:11

ets ni'ëmukë tkajpxpaatëty ko Jesukristë, yë'ë Wintsën. Dios myëj'ajtën jyääntyajtën oypyë.

Efesios 5:20

Xëmë ja Dios xykyukajpxëtëty mëët ja Wintsën Jesukristë ja xyëëw.

1 Corintios 6:20

Jä'ä ko tëë ja Dios mkujuyëtë ko ja y'u'unk të mku'ookëtë, mmëjjaw jaantyjyawëtë ja Dios mëët ja mni'kx mkopkëty.

Romanos 11:36

Dios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Dios ja myëj'ajt y'oyajtën.

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 4:3

Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Jeremias 23:22

Ko jeexyë të tnijawëtë yë n'aaw n'ayukës yu'utsypë, tëë jeexyë tnikäjpxy tnimëtya'aktë yë n'aaw n'ayukës maas yë nnaax nkajpnën; ojts jeexyë tjëwowtë ma ëxëëk tu'ujën ets jeexyë t'ëxmajtstë ja y'ëxëëk juukyajtënëty.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

2 Corintios 9:13

Ko yë'ë tmëjjaw tjaantyjawëtëty ja Dios, jëtu'un ya'atë putëjkën tyajnikëxë'ëka'any ko miits xypyatuntë ja oy aaw oy ayuk mëti'ipë ja Kristë nyikäjpxypën. Näyjyëtu'un yë'ëjëty tmëjjawëja'antë ja Dios ko miits ja putëjkën xyaktë ma yë'ëjëtyën ets ma ja wiinkëtypën.

Romanos 16:27

Ja Dios, tu'ukyëpë wyijy'äty kyejy'ätyën, wä'än yë'ë tyajmëjjaw tyajjaantyjyawë xëmëkyëjxm mëët ja Jesukristë. Jëtu'un y'itëty.

Juan 13:31

Ko ja Judas ënety të tsyo'onë ënät ja Jesús y'ënäny: Tyam nyikëxë'ëky ja Naaxwiinyëtë ja'ay ja myëj'ajt y'oyajtën, ëts ja Dios ja myëj'ajt y'oyajtën jam nyikëxë'ëky ma ja naaxwiinyëtë ja'ay ja y'U'unkën.

Romanos 12:3

Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

Efesios 1:19

ets näjyëtu'un xyjyä'äkyukëtëty ko ja Dios ja myëk'ajtën ka'ap kyixy kyäxy, yë'ë tuunp ma ëëtsajtëmën ko nmëpëjkëmë. Ya'atë mëk'ajtën nän yë'ë mëti'ipë Dios ojts tyaj'ixyën mëët ja kuttujkën

1 Tesalonicenses 2:4

Ni'ikyë ja Dios ojts t'oy'ixy ets xytyuknipëjktës etsës nkajpxwa'kxtëty ja oy aaw oy ayuk ets jëtu'unës nimëtya'aktë. Ka'apës yë'ëjëty ntsoktë etsës ja ja'ay xy'oyjyawëtëty, yë'ëjës ntsojktë etsës ja Dios xytyukjotkëta'aktëtyës, mëti'ipë tyuk'ijxnajxypyën Wi'ixës ja n'aaw njotëty.

Tito 2:1

Jëtu'un mëpaat winë xynyikäjpxy xynyimëtyä'äky ijxtëm ja wa'atspë ja ijxpëjkën y'ënä'änyën.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

1 Pedro 4:16

E pën yë'ë mku'ëyo'onpatëtëp ko Kristë xypyanëjkxtë, ka'ap xytyuktsëtyuntëty, nikë wäänëni'ik ja Dios xyajmëjnaxtëty ko ja xyëëw jëtu'un xykyujajtëtëty.