1 Pedro 3:7 - Biblia Dc en Mixe de Quetzaltepec

⁷ Näyjyëtu'un miits ye'etyëjkëty, wintsë'ëkëtë ja mto'oxytyëjkëty. Mëj'äämpy xyajnaxtëty ijxtëm pyaat'atyën. Mnijawëtëp ko yë'ëjëty ëmaay yajpaatë ets jä'ä të yajtuknipëjktaakëtë ets ja jyuukyajtën tpuyaktëty mëti'ipë ja Dios të tyukwinwanëtën tä tu'uk yë näkyumayën. Jëtu'unts tuntë këtiipë tii m'atsipëtëty ko ënety ja Dios xyjyä'ämyätstë.

Biblia Mixe de Quetzaltepec

⁷ Näyjyëtu'un miits ye'etyëjkëty, wintsë'ëkëtë ja mto'oxytyëjkëty. Mëj'äämpy xyajnaxtëty ijxtëm pyaat'atyën. Mnijawëtëp ko yë'ëjëty ëmaay yajpaatë ets jä'ä të yajtuknipëjktaakëtë ets ja jyuukyajtën tpuyaktëty mëti'ipë ja Tios të tyukwinwanëtën tä tu'uk yë näkyumayën. Jëtu'unts tuntë këtiipë tii m'atsipëtëty ko ënäty ja Tios xyjyä'ämyätstë.

1 Pedro 3:7 ပူးပေါင်းရင်းမြစ်များ

Colosenses 3:19

Näyjyëtu'un ja ye'etyëjkëty pëkyëtypë, tsoktë ja mto'oxytyëjkëty, ka'ap win'äk jëjp'äkë xymyëëtsëënëtëty.

Efesios 5:33

Nikë oy ko nitu'ukjaty ja ye'etyëjk tsoktëty ja tyo'oxytyëjk ijxtëm kë'ëm nyätsyokyën ets ja to'oxytyëjk twintsë'ëkëtëty ja nyiye'etyëjk.

1 Corintios 7:3

Tim Kopkpëky ko ja ye'etyëjk tsyëënëty mëët ja tyo'oxytyëjk ijxtëm pyaat'atyën ets ja to'oxytyëjk näjyëtu'un.

Mateo 18:19

Jëtu'un n'ënëëmëtë pën nimäjtskja'ay nyäkyäjpxyë ets tii t'amëtowa'antë ja nTeetyës tsajpjotmëpë, yajmo'otëp yë'ëjëty.

1 Tesalonicenses 4:4

mjattëp wi'ix mjot mnini'kx xymyajts'ittëty ets m'ittëty oy wa'ats ets wintsë'kën mëët,

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

Job 42:8

Tyam yë'ë mënëjkxtë yë tsajpkaa, wëxtujk xymyënëjkxtëty ets wëxtujk yë kupixyny ayääkë jam ma Job yajpaatyën ets jam xyaktëty nino'oky nixämy tä tu'uk wintsë'kënën mëti'ipë mnatyukunaxëtëpën. Yë ntuunpës Job yë'ë mkënu'kxta'akanëtëp, nmëtoow'itäämpyës tä ënety y'ënä'änyën ets ka'ap wi'ix ntuntëty; oy jëtää ka'ap mjanitëkëtë myajpokmyä'kxtëty jä'ä ko miitsëty ka'apës mëtëy të xynyimëtya'aktë, jëtu'un tä yë ntuunpënës Job.

Tito 3:7

ets oy nwë'ëmëty mëët ja Dios yë y'oyajtën, jëtu'un npatmëty xëmëkyëjxm ja juukyajtën.

Efesios 4:30

Këtii nëkoo xyajjotmaytyëkëtëty ja Dios ja kyënu'kxymyëk'ajtën, mëti'ipë të myajtuk'ijxwë'ëmtën ko Dios mjä'ä'atëtë mapaat ja nitsokën ënety tu'ukyë myajmooynyëtën.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

1 Pedro 3:1

Näyjyëtu'un miitsëty to'oxytyëjkëty, mëmëtowtëp ja mniye'etyëjkëty; ets jëtu'un, pën jam pën ka'ap ja Dios ja y'aaw y'ayuk tmëpëky jyëkyejpy myëpëkëty, ko t'ixëty oy winë yajtuny, ets ka'ap kyopkpëkyëty yajmëëtmëtya'akëty,