1 Pedro 3:5 - Biblia Dc en Mixe de Quetzaltepec

⁵ Yë'ë ijty tëëyëp yaj'oykyëxë'këtëp ja to'oxytyëjkëty mëti'ipë juukyajtën wa'ats; yë'ë ja Dios ojts tu'ukyë tuk'ijxpätë ets myëmëtoowtë ja nyiye'etyëjk.

Biblia Mixe de Quetzaltepec

⁵ Yë'ë ijty tëëyëp yaj'oykyëxë'këtëp ja to'oxytyëjkëty mëti'ipë juukyajtën wa'ats; yë'ë ja Tios ojts tu'ukyë tuk'ijxpätë ets myëmëtoowtë ja nyiye'etyëjk.

1 Pedro 3:5 ပူးပေါင်းရင်းမြစ်များ

1 Timoteo 5:5

Ja ku'ooky tyo'oxytyëjk mëti'ipë nätyu'uk të wyi'imyën, Dios ja yi'iyë tyuk'ijxpejtyp. Ka'ap t'ëxmatsy ja jëëytyak nu'kxtaak, ijtp ja xëëny koots ja Dios tja'amyetsy.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Timoteo 2:15

Ja to'oxytyëjk näyajtso'okanëp kë'ëm ma y'ityën taak tsi'tsk, ets ni'ik ko wijy yajpaatëty ma ja mëpëjkënën, ma tsojkën ja'awënën ets ko wa'ats jyuuky'atëty.

Hechos 9:36

Jam ma ja Jope kajpnën, jam ijty tu'uk ja to'oxytyëjk mëpëjkpë tsyëënë, Tabita''ajtp. Dorcas yajtijy griego ayuk. Ya'atë to'oxytyëjk xëmë ijty tuny mëti'ipë oy ets pyutëjkëp ja ëyoopëja'ay.

Lucas 2:37

mëmajkta'px jëmëjt ënety ku'ooky të y'ijnë. Xëmë ja Dios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Dios tja'amyetsy.

Jeremias 49:11

Wä'än ja mku'ooky u'unktëjk twë'ëmy mëët ëjts, ëjts nkëwent'atëp. Ja to'oxytyëjkëty ku'ookyëtypë ëjts nkëwent'atëp.

Proverbios 31:30

Yë to'oxytyëjk janty oypyë kyëxë'ëkyën, nëkoopë je'eyë ijxën tmëëtëty ets nëkoopë nnätyukwin'ë'ënëmëty, ja to'oxytyëjk mëti'ipë myëjpëjktäkpyën yë Dios, patëp yajmëjpëjkta'akëty.

1 Samuel 2:1

Jëtu'un ja Aná ojts ja Wintsën tkukajpxë: Wintsën, janty jotkujkës näjyawëty winë aaw winëjot ma mijtsën. Jä'ä ko mijts myaj'ajä'ämëp yë njot nmëjaawës. Jyëkyejpyës ëxëëkjaty ntijëty yë nmëtsiptëjkës, jä'ä ko mijts tëëjës xypyutëkë. Paaty janty jotkujkës tyam näjyawëty.

Hebreos 11:11

Abraham myëpëjk ja Dios. Paaty ja Sara ja u'unk maay tyajmiiny naaxwiiny, oy ënety të jyamëjja'ayënëtë nimäjtsk. Abraham ojts myëjaawpëky ets teety nyaxëty, jä'ä ko tmëpëjky ëmuumtu'ukjot ko Dios kyuuytyuunpy mëti'ipë të twinwanën.

1 Timoteo 2:10

Yë'ë mëpaat oy nyätyukyajkëxë'ëkëtë ja oypyë tuunk, ijxtëm pyaat'atëtën ja to'oxytyëjkëty mëti'ipë yajmëjnajxtëpën ja Dios.

Hechos 1:14

Ni'ëmukë ijty xëmë ye'eymyuktë ets ja Dios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

Proverbios 31:10

Yë to'oxytyëjk mëti'ipë winë janty'oy janty tsuj tyuunpyën, tsip yajpaaty. Ni'ik yë tsyowpaaty, këtiinëm oytyiijëty mëti'ipë tsowën.

Efesios 5:33

Nikë oy ko nitu'ukjaty ja ye'etyëjk tsoktëty ja tyo'oxytyëjk ijxtëm kë'ëm nyätsyokyën ets ja to'oxytyëjk twintsë'ëkëtëty ja nyiye'etyëjk.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.