1 Pedro 3:4 - Biblia Dc en Mixe de Quetzaltepec

⁴ yë'ë oy tsuj myaj'ittëp ja mjot mwinma'anyëty mëti'ipë ka'ap kyixy nyäxyën, mëti'ipë oyën ets yu'unk naxymën. Ja jëtu'unpë ja oyajtën yë'ë yë Dios yajtsowpatyp.

Biblia Mixe de Quetzaltepec

⁴ yë'ë oy tsuj myaj'ittëp ja mjot mwinma'anyëty mëti'ipë ka'ap kyixy nyäxyën, mëti'ipë oyën ets yu'unk naxymën. Ja jëtu'unpë ja oyajtën yë'ë yë Tios yajtsowpatyp.

1 Pedro 3:4 ပူးပေါင်းရင်းမြစ်များ

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

1 Samuel 16:7

Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.

Romanos 2:29

Yë'ëkyëjxm ja ja'ay mëtëy jyutiis'aty ko oy ja y'aaw jyot, pën ja ijxwë'ëmën myëët'ajtyp mëti'ipë ja Kënu'kxymyëkajtën mooyëpën, ka'ap yë'ëkyëjxmëty ko ja ënä'ämën jyää'aty. Pën myëët'ajtypyën ja oyjyot oywyinma'any, yë'ë ja Dios oyjya'awëyëp, ka'ap jyä'äyëty.

Mateo 11:29

Kupëktë ëjts ja n'ijxpëjkën ets jatë ëjts ja ntu'unën, mä'kxtujkpës, ets yujy tëtä'äkyës ja nwinma'any, jëtu'unts xypyaatëty ja po'kxën.

Tito 3:2

Ka'ap pën tni'oj tniyaaxëtëty, mä'kxtuktëp, ja'akyukëtë, yajnikëxë'ëktëp ja yujyajtën tëtä'äkyajtën winë'aaw winëjot ma ja ja'ayëtyën ni'ëmukë.

Mateo 23:26

Miitsëty ijxpëkyjyä'äytyëjkëty wiintstëjkëty, jëwyiin yajwa'atstë mëti'ipë jotjotyën ets wa'ats wyë'ëmëty mëti'ipë nëkëjxyën.

Romanos 7:22

Jap njootjoty nwinma'anyjyotyës njatsojkpyës ja Dios ja y'ënä'ämën;

2 Corintios 4:16

Paatyës ka'ap ntsaatyjyäwë, oyës ja ni'kx nkopk tëë jyamëjja'ayënë, ajemyëpës njawë xëmë ja njot nwinma'anyëtyës winjëpom.

1 Tesalonicenses 4:11

Jotmay'atë wi'ix mëpaat akujk jotkujk mjuuky'atën ets tuntë mëti'ipë mpatëtëpën. Tuntë pëktë mëët ja mkë'ëjëty, ijxtëm të n'ënä'ämtën.

Efesios 4:2

Yujy tëtä'äky mja'ay'atëty ets aak m'oyjawëtëp ja'ay oy pyënë, m'ëwxit mä'kxtuktëp ets mnämyëmä'kxtukëtëp nixim niyam mëët ja nätsyok näjyawë.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.

1 Timoteo 2:2

Yajninu'kxta'aktëty ja yajkutujkpëtëjk ets kutuunktëjk; jëtu'un jotkujk n'ijtmëty njuuky'ajtmëty, mëët ja pa'ëyo'owën ets oy tsuj njuuky'ajtmëty.

Lucas 11:40

Winma'anytyukëty. ¿Këtii xynyijawëtë ko ojts yaj'oytyuny ja oypyë näjyëtu'un yaj'oytyuuny ja jootjotypë?

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Salmos 25:9

ets tyu'uwinwoopy tyu'uwinwijtsyp yë ja'ay mëti'ipë yu'unk naxym ja'ay'ajtpën. Tyukni''ijxëp wi'ix winë oy tunëtyën.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

2 Tesalonicenses 3:12

Jëtu'unpë ja'ayëty jëtu'unës yam n'ënä'ämtë ets ntuknipëktës ma Wintsën Jesukristë xyëëwën wä'än tuntë amëk jotmëk ets tpaatëty kyä'äyën y'ukënëty.

Mateo 5:5

Jotkujk yë ja'ay yajpaatë mëti'ipë yu'unk naxymëtyën, jä'ä ko yë'ë naaxwiinyëtë kyuma'ayën'atantëp mëti'ipë të yajtukwinwanëtën.

Isaías 29:19

Ja ja'ayëty mëti'ipë yu'unk naxym yajpatëpën xoonta'akantëp jatëkok ma Wintsënën, mëti'ipë ëyoow jotëkooytyëpën jotkujk nyäjawëja'anëtë ma Tiosën mëti'ipë Israel ja'ayëty y'ëwtajtëpën.

Salmos 149:4

jä'ä ko Dios tyukxoontäkpy yë nyaax kyajpn; yajmëtäkpy yë ja'ay yu'unk naxymyëpë jyuuky'atën.

Salmos 147:6

Yë'ë yajjotkujktäkpy yë ja'ay mëti'ipë yu'unk naxym juuky'ajtëpën, e yë ëxëëkja'aytyëjk yu'unk naxym tpëjktä'äky.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Salmos 45:13

Ja yajkutujkpë ja nyëëx, janty'oy yaj'ixy, yë wyit yë'ë mëët y'oytyunyëty yë pu'ts pujxn.

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Dios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

Colosenses 3:3

Jëtu'un tpaaty ijxtëm jeexyë të m'ooktën mëët ja Kristë. Kristë ja mjuukyajtënëty myëët'ajtyp tuknipëjkë'ëkë ma ja Tiosën.

Gálatas 5:23

yujy tëtä'äky jyä'äy'atë ets ka'ap tyajtuntë ja kyë'ëm winma'anyëty. Nimëti'ipë ënä'ämën ya'atë xykyatukpoky'ajtmëty ko oy tii ntu'unmëty.

Salmos 131:2

Nikë amonyës n'ity ets jotkujk'ajtpës jëtu'un tä tu'uk yë mëxu'unkën mëti'ipë tyaak tsä'än'ijtëpën ko tsyi'itsy Jëtu'unës ëjts ijxtëm tu'uk yë mëxu'unkën mëti'ipë tsi'tstääpyën.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Mateo 21:5

Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

Jeremias 51:59

Ma taxk jëmëjt y'apetyën ma Sedequías tyëkën yajkutujkpë jam Judá, jää yë Jeremías ojts tuknipëky tu'uk yë tuunk yë Seraías, yë Nerías yë myaank, yë Maaseías yë y'ok'u'unk. Yë Seraías xëmë ijty yë Sedequías yajkutujkpë tpanëjkxy jam Babilonyë, yë'ë ijty y'ixtääpy ja ja'ajtakn maajaty ja yajkutujkpë nyëjkxa'anyën.

Romanos 1:23

jä'ä ko tëë tyajtëkajtsëtë ja myëj'ajt y'oyajtën ja Dios mëët ja awinax mëti'ipë ja ja'ay yajkojtëpën, mëti'ipë o'ktëpën; yë'ëpaat të tyajnikojtu'utë ja joon jëyujk mëti'ipë kääkjëtijtëpën, jëyujk mëti'ipë taxk yë kyë'ë tyekyën ets tsa'any.