1 Pedro 3:20 - Biblia Dc en Mixe de Quetzaltepec

²⁰ Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Dios yë'ë tsyojkpy ets jyotwinpitëty, tyam ënety ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.

Biblia Mixe de Quetzaltepec

²⁰ Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Tios yë'ë tsyojkpy ets jyotwinpitëty, tyam ënäty ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.

1 Pedro 3:20 ပူးပေါင်းရင်းမြစ်များ

Génesis 6:13

Ënet yë Dios t'ënëmaay ja Noé: Tyam tëëjës ntuknipëjktaakë koos yë naaxwiinyëtë ja'ay tu'kë'ëyë nyajkutëkooytya'aja'any. Jä'ä ko yë'ëjëty mëj këjää të pyokytyuntë. Paatykyëjxm ëxëëk yë ja'ayëty nyätyuun nyay'ënëmaayënëtë. Nyajkutëkooytya'ajäämpyës tu'kë'ëyë winë mapaat yë naaxwiinyëtë y'ëwtityën.

Génesis 6:3

Ënet yë Wintsën ojts y'ënä'äny: Ëjts ka'apës jëtu'un nkupëkëty ets naaxwiinyëtë ja'ay jyuuky'atëty xëmëkyëjxm, jä'ä ko yë'ë, xixy yë je'eyë. Paaty je'eyë jyuuky'atëty mëko'px ja i'px jëmëjt.

Génesis 6:5

Ko jëtu'un ja Dios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Génesis 6:8

Yë Dios ojts tni''ijxkëtä'äky tu'uk yë ja'ay mëti'ipë xyëëwajtën Noé, yë'ë oy ënety yë Dios tmëtuny.

Génesis 7:13

Jä'ä xëëw ojts yë Noé tyëjkënë kepy nëëwinye'epyëjoty mëët yë y'u'unk y'ëna'k mëti'ipë xyëëwajtëpën Sem, Cam ets Jafed ets yë'ëjëty mëët yë tyo'oxytyëjk ets ja tsyu'utëjkëty.

Génesis 8:1

Ënet yë Dios ojts tja'amyetsy ja Noé ets ja jëyujkëty jënu'un ënety jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Génesis 8:18

Ënet ja Noé mëët ja tyo'oxytyëjk ets ja y'u'unk y'ëna'këty ets ja tsyu'utëjk ojts pyëtsëëmta'atë jap ma ja kepy nëëwinye'epyën.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Mateo 7:14

Temë ja najxtakn ets ja tu'u mëti'ipë nëjkxpën ma ja juukyajtën xëmëkyëjxmëpë, xu'uts jä'ä ets wäänë ja ja'ay tpaatë ets jap tyëkëtë.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Hechos 2:41

Mëti'ipë myëpëjktën ja aaw ayuk mëti'ipë ja Pedro nyikajpxën, ënätyë ojts nyëëpätë. Jä'ä xëëw, nitëkëëk milën ojts ja ja'ay nyäpyäätyë.

Romanos 9:22

Dios jyamëët'ajtyp ja kuttujkën ets jeexyë ja naaxwiinyëtë ja'ay tukumëtoy ja pyoky, je'eyëp ko yë'ë mëk tmëmä'kxtuky ja ja'ay mëti'ipë japaat'ajtëtëp ja ëyo'on.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Pedro 1:9

Jä'ä ko të xypyaatë ja mëpëjkën mëti'ipë ja nitsokën tukpatpën.

1 Pedro 2:25

Jëtu'un miits të m'itë ijxtëm ja kupixyny tyëkoy'ityën, je'eyëp ko tëë jatëkok xynyiwinpitë ja Kristë, ets yë'ë mkëwent'atëtëty ijxtëm ja kupixyny këwent'ajtpën.

1 Pedro 3:19

Jëtu'un'äämpy ojts nyijkx ma ja anëmë ënety y'itën tsumy matsy ets jap ojts tkajpxwä'kxy ja Dios ja y'aaw y'ayuk.

1 Pedro 4:19

Paaty, pën ëyoop ijxtëm ja Dios të tuknipëjktaakën, wä'än tuun'ëtë'ëtsy ja oypyë ets ja jyot jya'awën tpëjkta'akëty ma Tiosën mëti'ipë të yajkojyën, jä'ä ko yë'ë oypyë xëmë tyuunpy.

2 Pedro 2:5

Ets nän ka'ap ja Dios ojts tnime'kxy ja ja'ayëty mëti'ipë tëëyëp juukyajtën, kyäjx ja komtuu ma ja ja'ayën mëti'ipë ojts kyawintsë'ëkëtyën, yi'iyë ojts tsyo'oktë ja Noé, mëti'ipë kyajpxwa'kxën ja tëyajtën, mëët ja niwëxtujkpë ja ja'ay.

2 Pedro 3:15

Ja'aykyukëtë mëtoowkukëtë ja Dios ja myä'kxtujkën ko kyatsojkminy, yë'ë jëtu'un jyatuumpy ets ja nitsokën ni'ëmukë npatmëty, ijxtëm näjyëtu'un ja nmëku'uk'ajtëmën Pablo të mnijayëtën mëët ja wyijy'ajtën kyejyajtën mëti'ipë Dios të mye'eyën.