1 Pedro 3:19 - Biblia Dc en Mixe de Quetzaltepec

¹⁹ Jëtu'un'äämpy ojts nyijkx ma ja anëmë ënety y'itën tsumy matsy ets jap ojts tkajpxwä'kxy ja Dios ja y'aaw y'ayuk.

Biblia Mixe de Quetzaltepec

¹⁹ Jëtu'un'äämpy ojts nyijkx ma ja anëmë ënäty y'itën tsumy matsy ets jap ojts tkajpxwä'kxy ja Tios ja y'aaw y'ayuk.

1 Pedro 3:19 ပူးပေါင်းရင်းမြစ်များ

1 Pedro 4:6

Paatykyëjxm ojts näjyëtu'un yajtukmëmëtyaktë ja oy aaw oy ayuk mëti'ipë të y'ooktën ets ja y'anëmë jyuuky'atëty ijxtëm ja Dios tsokyën, oy ja nyi'kx kyopk të jya'ooktë.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Isaías 42:7

Ntsojkpyës ets xyaj'ijxë'ëkëty ja wiints, xyaj'ëwaatsëpëtsëmëty ja tsumjyä'äy, mëti'ipë api'its akoots yajpatëpën.

Isaías 49:9

ets yaj'ënëëmëty ja tsumjyä'äytyëjk: Pëtsëmtë jap pujxn tëkoty ets mëti'ipë akootstuuy yajpatëpën: Wä'än jëntyuuy tyajpaatë. Ets jam të'ëts'itjotm yajpaataanp ja aay ujts oy tyimmaajëty mëti'ipë ja jëyujk tsajpkaa jyë'kxtëpën.

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

Apocalipsis 20:7

Ko ënety të nyäxy tu'uk mil jëmëjt, ënät ja mëjku'u yajnajtsmatsëty

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Pedro 3:20

Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Dios yë'ë tsyojkpy ets jyotwinpitëty, tyam ënety ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.