1 Pedro 3:17 - Biblia Dc en Mixe de Quetzaltepec

¹⁷ Nikë oy ko ja oypyë yajku'ëyowë, pën jëtu'un ja Dios tsoky, ets këtii ko yajku'ëyowë ja ëxëëkpë.

Biblia Mixe de Quetzaltepec

¹⁷ Nikë oy ko ja oypyë yajku'ëyowë, pën jëtu'un ja Tios tsoky, ets këtii ko yajku'ëyowë ja ëxëëkpë.

1 Pedro 3:17 ပူးပေါင်းရင်းမြစ်များ

1 Pedro 3:14

E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.

1 Pedro 4:19

Paaty, pën ëyoop ijxtëm ja Dios të tuknipëjktaakën, wä'än tuun'ëtë'ëtsy ja oypyë ets ja jyot jya'awën tpëjkta'akëty ma Tiosën mëti'ipë të yajkojyën, jä'ä ko yë'ë oypyë xëmë tyuunpy.

Mateo 26:39

Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

1 Pedro 2:20

Pën yë'ë myajtuktëytyuuntëp ko jam tii xytyuuntëkoytyë, ¿tii oyajtën ënety mtuuntëp oy xykyu'ëyowëtëty ja mpokyëty? Pën jä'äts mku'ëyo'owëtëp ko oy tii xytyuntë ets mmä'kxtuktë, yë'ë jëtu'unpë ja Dios y'oyjya'ap.

Hechos 21:14

Koos n'ijxtë ko ja Pablo ka'ap wyinmaaytyëkatsa'any, täätsës ojts ka'ap n'ëk'akajpxtujknëtë etsës n'ënantë: Wä'än t'ixy wi'ix ja Wintsën të tyukmëtsokyë.

Mateo 26:42

Ko ojts mëmäjtsk ok nyijkxy, ënät ja Dios tja'amyejtsy ets t'ënëmaay: Dios Teety, pën ka'ap tjëkyepy njëjpmëkajpxëtyës ya'atë ëyo'on, mijts mnija'ap wi'ix tii xytyuna'any.

1 Pedro 4:15

Pën jam pën y'ëyoy ma miitsëtyën, ka'ap yë'ëkyëjxmëty ko ënety të yajja'ay'ooky, ko mmäätstë ëkë ko ëxëëk m'ëtë'ëtstë, ëkë ko tiitsip xytyuktëkëtë ka'apë mpaatëtën.

1 Pedro 2:15

Jä'ä ko Dios yë'ë tsyojkpy ets miits xytyuntëty ja oypyë, këtiipë yë tsuuja'aytyëjk ets kupojtëjk tëkatsy mnimëtya'akëtëty.

Hechos 18:21

Ko nyäjyëkajpxënë ets y'ënäny: Pën ënaanp Dios, minëpës jatëkok. Tääts ja Pablo tyëjkëy kepy nëëwinye'epyëjoty ets tsyo'ony jam Éfeso.

1 Pedro 1:6

Paatykyëjxm miits akujk jotkujk mnäjyawëtëty, oy tyam ja ëyo'on jotmay xy'ëkyajnaxtë.