1 Pedro 2:7 - Biblia Dc en Mixe de Quetzaltepec

⁷ Jä'ä ko miitsëty, jënu'un xymyëpëktën ja Kristë, tääpë tsaa ni'ik yë tsyowpaaty; e mëti'ipës ka'ap tmëpëktën, yë'ë pyatuuntëp ko ja Dios ja y'aaw y'ayuk këxja'aypyë y'ënä'äny: Ja tsaa mëti'ipë ja pojtspëtëjk y'ixka'tstën, yë'ë të y'awinpity tsaakopk.

Biblia Mixe de Quetzaltepec

⁷ Jä'ä ko miitsëty, jënu'un xymyëpëktën ja Kristë, tääpë tsaa ni'ik yë tsyowpaaty; e mëti'ipës ka'ap tmëpëktën, yë'ë pyatuuntëp ko ja Tios ja y'aaw y'ayuk këxja'aypyë y'ënä'äny: Ja tsaa mëti'ipë ja pojtspëtëjk y'ixka'tstën, yë'ë të y'awinpity tsaakopk.

1 Pedro 2:7 ပူးပေါင်းရင်းမြစ်များ

Isaías 28:5

Jä'ä xëëw ja Wintsën mëti'ipë maaytyääyëpën winë, nëjkx jëtu'un nyäxy tä tu'uk yë yajkutujkpë kyujupën janty oypyë, tä tu'uk kumä'tnën mëti'ipë to'oxytyëjk wyääy tyukmajts'ijtëp mëti'ipë nëjkx ja naax kajpn tukmëjnaxtën mëti'ipë ënety të jyaakwë'ëmtën,

Hageo 2:7

Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Zacarías 4:7

¿Mpën mijts mëjkopk? Joyjyot mkawinpita'any Zorobabel wyintuuy. Yë'ë yajpëtsëmäämpy ja mëjtsaa mëti'ipë myëtënääpyën ja je'emtyajtën ets ja ja'ay mëk yujk'ëna'antë: Ix janty'oy kyëxë'ëky. Oy yaj'ijxy.

Mateo 21:42

Ënet ja Jesús y'ëtsoowëtë: ¿Ka'anëm xykyajpxtë ja Dios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Lucas 2:34

Ënet ja Simeón myooyëtë ja kënu'kxën ets t'ënëmaay ja Maria, ja Jesús ja tyaak: Ya'atë mëxu'unk ye'etyëjk, yë'ë të yajtuknipëjktaakë ets may ja Israel ja'ay kyëtawtëty ëkë pyëtë'ëktëty; ijxpät nëjkx y'ity ets may nëjkx ja'ay ka'ap kyupëkyë,

Lucas 20:17

E ja Jesús ojts wyintë'kxëtë ets y'ënëmaayëtë: ¿Tii ja Dios ja y'aaw y'ayuk tyijpy ko y'ënä'äny?: Ja tsaa mëti'ipë ja pojtspë ojts tpäxtën, yë'ë të nyäxy tsaakopk.

Juan 4:42

Ets t'ënëmaaytyë ja to'oxytyëjk: Nmëpëjktëpës tyam, ka'ap yi'iyëty ko mijts të xynyikäjpxy, näjyëtu'un koos kë'ëm të nmëtowtë ko tyiyëty, ko yë'ë naaxwiinyëtë ja'ay Yajknitsokpë.

Hechos 26:19

Mijts, yajkutujkpë Agripa, koos ja Jesús ojts jëtu'un xymyëkäjpxy tsajpjotm, ojtsës jëtu'un npatuny.

Romanos 10:21

Ko ja Jeséas ja jutiis ja'ay tnimëtyäky, jëtu'un tkajpxnajxy: Xëmës të nyäm të nwoptë mëti'ipës ka'ap xykyäpxymyëtowtën ets mëti'ipë käjpxy kyumëtoownajxtëpën.

Romanos 15:31

Amëtowtë pëjktsowtë ja Dios etsës xy'akëëytyuk xy'axajtukëty ma ja ja'ayëtyën mëti'ipë Judea yajpatëpën mëti'ipë ka'ap tmëpëktën ja Kristë ets näjyëtu'un oy yajkupëkëty ja putëjkën mëti'ipë yajtuknikäjxtëpën ja mëpëjkpëtëjk jampë tsyëënëtën Jerusalén.

2 Corintios 2:16

Pën ja Kristë ja y'aaw y'ayuk kyamëjpëjktakëtëp, jëtu'un tjawëtë ya'atë pa'akxu'kpë ijxtëm yë tok xyuukyën; e mëti'ipë ja Kristë ja y'aaw y'ayuk myëjpëjktaktëpën, jëtu'un tjawëtë ijxtëm ja pa'akxu'kpë nëëjën ma jyuuky'ajtënëtyën. ¿Pën mëta'akëp ets tunëty ya'atë Dios ja jyä'ä?

Colosenses 2:10

ets yë'ë ko tu'ukyë m'itë mëët ja Kristë, jam ja Dios y'ity ma miitsëtyën. Ja Kristë nyikëpajk'ajtääpy tu'kë'ëyë mëti'ipë myëët'ajtëp ja mëk'ajtën ets ja kuttujkën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Dios kyamëmëtoowtëpën, jä'ä ko tëë ënety oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Hebreos 4:11

Tsojk njotmay'ajtëm ets ntëjkëmëty ma ya'atë po'kxtaknën këtiipë ja jëtu'unpë ja winma'any npanëjkxmëty ijxtëm y'ëtëtstën mëti'ipë ka'ap tmëpëjktën ja Dios.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Dios ja y'aaw y'ayuk; ets jëtu'un ëxëëk jyatë kyëpätë.