1 Pedro 2:6 - Biblia Dc en Mixe de Quetzaltepec

⁶ Paaty näjyëtu'un y'ënä'äny ja Dios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.

Biblia Mixe de Quetzaltepec

⁶ Paaty näjyëtu'un y'ënä'äny ja Tios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.

1 Pedro 2:6 ပူးပေါင်းရင်းမြစ်များ

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Dios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

Zacarías 10:4

Jam pyëtsëma'any ja tsaa mëti'ipë potsy myëtänëjäämpyën. Ja Kepy kyupë mëti'ipë ja wit tëjk nyikupë'atäämpyën ets ja ti'pxn mëti'ipë yajmëtsiptunäämpën. Jam pyëtsëma'any tu'kë'ëyë ja ja'ayëty mëti'ipë yaj'ëwaatsëpëtsëëmtëpën.

Marcos 12:10

Këtii xykyajpxtënëm ja Dios ja y'aaw y'ayuk këxja'aypyë mëti'ipë ënaanpën: Ja tsaa mëti'ipë ja pojtspë ojts tpäxtën, nikë jä'ä tyam të y'awinpity mëjtsaakopk ma potsy'ëjxën.

Romanos 10:11

Jëtu'un këxja'ay myiny: Pën yë'ë tyuk'ijxpejtyp, ka'ap tsyëtyu'unpaata'any.

Isaías 50:7

Jä'ä ko nija'apës ko ja Wintsën, yë'ëjës xypyutëjkëp, paatykyëjxm ka'ap nyajpokyës oy pën xyjya'ojy xyjyayä'äxyës; paatykyëjxm mëk nyajpaatyës tsaajën, jä'ä ko wa'atsës nijawë ko ka'ap tjëkyepy pën xytyukxi'ikëtyës.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

2 Timoteo 3:16

Tu'kë'ëyë ja Dios ja y'aaw y'ayuk mëti'ipë këxja'ay miinpën aak Dios të tnikajpxta'ay, ets tuunp ma ijxpëjkënën, ma kajpxwijënën, ma tu'uwinye'eyën, ma jëjpwijtswinpijtën ets ma tëyajtënën,

Juan 7:38

Ets y'atëwëty ijxtëm jap kuja'ay myinyën: Mëti'ipë mëpëjkpën jëtu'un jap y'aawjoty jyotjoy yajpaata'any ijxtëm jeexyë ja komnëë jap myuutyën mëti'ipë yajjuuky'ajtpën.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënety të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënety ëxëëk të mjaty të mkëpety ko mku'o'kë,

Lucas 23:35

Tam ja mayjyä'äy t'ixtë, kutuunkpaat ja Jesús nëxiktë tukxiktë ets y'ëna'antë: Tëë yë wiinkpë tyajtso'oky, wa'an ënät tyam kë'ëm näyajtso'okyë; pën yë'ë janty Kristë, mëti'ipë Dios të wyin'ixyën.

Mateo 12:18

Tyaajës ja ntuunpë mëti'ipës të nwin'ixyën, mëti'ipës oy ntsojkpy ets jotkujkës mëët yë'ë, jamës ja nJa'awën mpëjkta'aka'any ma yë'ëjën, yë'ë kyajpxwa'kxëp pën wi'ixës ja naaxwiinyëtë ja'ay npaye'eyä'äny ijxtëm pyaat'atyë.

Isaías 41:11

Tëkokyë mëti'ipë ënety m'ëxëëk'ijxëp mka'oy'ijxëp, tsëtyu'unmëët wyë'ëma'antë; mëti'ipë ënety tsiptunantëpën mëët mijts, wa'ats nëjkx kyutëkooytya'atë.

Salmos 89:19

Ojts tu'kxëëw tu'kjëmëjt xymyëkäjpxy yë mtuunpëtëjk, jëtu'un tä ja'ay tii twin'ixyën, ets ojts xy'ënëëmë yë mja'ay mëti'ipë ënety oy mëtuunëpën: Tëës tu'uk jotmëkja'ay nwin'ixy maas yë nnaax nkajpnën, mëj'äämpyës të npëjktä'äky ets tëës nputëkë.

Salmos 40:14

Wä'än tsëtyu'unpaatë mëti'ipë ja ënantëpën xyaj'ooka'antës. Wä'än tkä'äktë wintsëtyu'un jëjptsëtyu'un mëti'ipës xy'ëxëëktunantëpën.

2 Pedro 3:16

Ets aak jëtu'unpë ja ijxpëjkën kyäjpxyp myëtyäkpy ja Pablo jënu'un ja mëpëjkpëtëjk ja noky të tuknijayën. Tap mëti'ipë tsip yajwinmëtoopën, yë'ëts aak wiink jyä'äkyujkëtëp mëti'ipë ka'ap nëkoonëm ëmuumtu'ukjot ja Dios tmëpëktënëm; ka'ap jëtu'un tja'akyyukëtë ijxtëm ja Pablo tjatijyën, näjyëtu'un aak wiink tnikäjpxy tnimëtya'aktë ja Dios ja y'aaw y'ayuk ets kë'ëm nyäyaj'ëxëëktëkëtë.

2 Pedro 1:20

Yë'ë tim kopkpëky ko xyjyä'äkyukëtëty, ko nitu'uk ja Dios ja y'aaw y'ayuk kë'ëmwinma'any oy nkaja'akyujkëmëty.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Hechos 1:16

Mëku'uktëjkëty, kopkpëky ko ënety jëtu'un tyuna'any jyata'anyë ijxtëm ja Kënu'kxymyëkajtën ojts tyaj'ëna'anyën ja David, ma tnimëtyä'äkyën ja Judas, mëti'ipë tyu'uwinwoowën ja ja'ayëty mëti'ipë myajtstën ja Jesús.

Daniel 10:21

E tyam yë'ë yam ntuk'ëwaanëjäämpy mëti'ipë jap miinpën kuja'ay ma ja nokyën mëti'ipë myë'ijtypyën ja tëyajtën: Ëjts maas yam ntsiptunyën yi'iyës xypyutëjkëp yë Miguel, yë tsajpjotmëtë kukäjpxy mëti'ipë nyikopk'ajtypyën yë Israel kajpn.

Génesis 49:24

E yë José mëk yë kyë'ë y'aaw tyaj'ity ets ka'ap yë tyi'pxn t'ëxmatsy. Nkukajpxëpësë yë Dios mëti'ipë Jacob y'ëwtajtypyën. Nkukajpxëpësë yë xyëëw yë nkëwent'ajtpë'ajtëm, mëti'ipë Israel xëmë këwent'ajtëpën.

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Lucas 20:17

E ja Jesús ojts wyintë'kxëtë ets y'ënëmaayëtë: ¿Tii ja Dios ja y'aaw y'ayuk tyijpy ko y'ënä'äny?: Ja tsaa mëti'ipë ja pojtspë ojts tpäxtën, yë'ë të nyäxy tsaakopk.

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Dios ja y'aaw y'ayuk; ets jëtu'un ëxëëk jyatë kyëpätë.