1 Pedro 2:2 - Biblia Dc en Mixe de Quetzaltepec

² Tsoktë ja Dios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Dios ja nyë'ë tyu'ujën ets jëtu'un ja nitsokën xypaatëty,

Biblia Mixe de Quetzaltepec

² Tsoktë ja Tios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Tios ja nyë'ë tyu'ujën ets jëtu'un ja nitsokën xypaatëty,

1 Pedro 2:2 ပူးပေါင်းရင်းမြစ်များ

2 Samuel 23:5

Paatykyëjxmës ja n'u'unk n'okës amëk jotmëk yajpaatë ets akujk jotkujk yajpaatë ma Wintsënën, yë'ë ojts mëët tuny tu'uk ja ëëwtu'un käjpxytyu'unën mëët ëjts xëmëkyëjxm, tuknima'kxë yajxon y'ijty, kopkpëky ets oytyuny. Yë'ë xëmë të xyajmëtä'äkyës ets jëtu'un winë tyajtuny tyajjatyë tääjës ntimy tsyokyën.

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Oseas 14:5

Jëtu'unës yam ëjts naxy ma Israel kajpnën tä myaanikyën ets lirië ujts myäypyëjtë. Mëti'ipë ta'tspëky yë tyiktsën tä jamën ma Líbano kopkën;

Oseas 14:7

E nëjkxëp jatëkok yë Israel kajpn ëjts nkuwa'anyës; ets yontëty jyiitstëty tsajpmokën ets pyëjtëty tä tsatym pyijyën ets akäjpxy nëjkx y'itë tä yë tsatym nyëëjën mëti'ipë Líbano kojpën.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Mateo 18:3

ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

Mateo 19:14

Ënet ja Jesús y'ënëmaayëtë: Ixmatstë yë pi'k ëna'k, wä'änës xynyimintë, këtii xy'ëtuktëty, jä'ä ko yë'ë jëtu'unpë tä pi'k ëna'kën ja tsajpjotmëpë kuttujkën jyä'ä'atantëp.

Marcos 10:15

Tëy miits n'ënëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, ni wintim nijëna'a kyatëkëty jam ma Dios kyutujktaknën.

Lucas 18:17

Tëy miits nëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, nijëna'a kyatëkëty ma Dios yë kyutujktaknën.

Romanos 6:4

Ets ko nyajpatëmë jëtu'un ijxtëm jeexyë tu'ukyë të n'o'këmën ets të nnaaxtëjkëmë mëët ja Kristë, jëtu'un të njuukpyëjkëmë näjyëtu'un ijxtëm ja Kristë ojts jyuukpyikyën, mëët ja Dios Teety ja myëj'ajtën ets nmëët'ajtmëty ja jempyë juukyajtën.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

Efesios 2:21

E ko ja potsy pyety ets oy nyämyajts'ijta'ayë mëët ja Kristë, winpäjt'ëtëtsp ja tëjk ets y'awinpita'any tsajptëjkën wa'atspë mëët ja Wintsën ja myëj'ajtën jyääntyajtën.

Efesios 4:15

Nikë oy ko nikajpxmëty ja tëyajtën mëët ja tsojkën ja'awën, tsojk nyä'këm npäjtëm ma ja Kristën, mëti'ipë ijtpën tä tu'uk ja këpajkën ma ni'kx kopkën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Dios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.