1 Pedro 2:15 - Biblia Dc en Mixe de Quetzaltepec

¹⁵ Jä'ä ko Dios yë'ë tsyojkpy ets miits xytyuntëty ja oypyë, këtiipë yë tsuuja'aytyëjk ets kupojtëjk tëkatsy mnimëtya'akëtëty.

Biblia Mixe de Quetzaltepec

¹⁵ Jä'ä ko Tios yë'ë tsyojkpy ets miits xytyuntëty ja oypyë, këtiipë yë tsuuja'aytyëjk ets kupojtëjk tëkatsy mnimëtya'akëtëty.

1 Pedro 2:15 ပူးပေါင်းရင်းမြစ်များ

Job 2:10

Ënet ja Job y'ëtsooy: Mijts to'oxytyëjk, këtii nëkoo ëxëëkjaty m'ëna'any. Pën ëëtsajtëm nkupëjkëm mëti'ipë Dios xymyo'oyëmën, ¿wi'ix ko ënät ka'ap nkupëjkmëty ko ëxëëk xytyu'unmëty? Ëxëëk ojts jyäty kyëpety yë Job, e yë'ë kä'äpyëm tmëtëkooy yë Wintsën mëët yë myä'äyën tyajën ets mëët yë y'aaw y'ayuk.

Job 5:16

yëë yajjotkujkëjäämpy yë ja'ay yun këtawpë yajpaatyën, yë'ë amë'pxy yajwë'ëmpy yë ëxëëkja'aytyëjk.

Salmos 107:42

Ko jëtu'un t'ixtë yë oyjyä'äytyëjk, tääts tukxoonta'aktë, e yë ëxëëkja'aytyëjk ëxëëk nyäyjyawëtë ets amë'pxy wyë'ëmtë.

Salmos 5:5

ka'ap jam nyatëkë'aty ja tsënaaytyakn ma mijtsën ets jam y'ijtëpëty ja ja'ay mëti'ipë Nämyëja'aw näjyääntyja'awëtëpën, mijts ëxëëk xy'ixy yë ja'ay mëti'ipë ëxëëkpë tyuunk'ajtypyën.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Mateo 25:2

Nimëkoxk, ka'ap tii mëj tjawëtë; ets nimëkoxk, kuwinma'anyëty.

Mateo 7:26

Temë pën y'amëtoow'ijtyp ja n'ayukës ets ka'ap tpatuny mëti'ipës nkäjpxypën, jëtu'un jä'ä ijxtëm tu'uk ja tsuuja'ayën mëti'ipë ja tyëjk kyojën pu'ujoty jinjoty.

Romanos 1:21

Oy ja Dios të tja'ixtë, ka'ap të tmëjjaw të tjaantyjyawëtë ijxtëm ja Dios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

1 Tesalonicenses 4:3

Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

1 Tesalonicenses 5:18

Kukajpxëtë ja Dios oytyiijëty, jä'ä ko yë'ë ja Dios tsyojkpy xytyuntëty ko tu'ukyë m'itëty mëët ja Jesukristë.

1 Timoteo 1:13

oyës ënety ëxëëkjaty nnikäjpxy nimëtyä'äky ja Dios etsës n'ixjëtity npajëtity ja Jesús ja myëpëjkpëtëjk. E ojtsës ja Dios xypya'ëyoy, jä'ä ko ka'anëm ënety nmëpekyës ets ka'anëmës ënety nnijawë tiis ntuunpy.

Tito 2:8

Oy ets wa'ats mkajpxëty mmëtya'akëty, këtiipë pën y'ëna'anëty ko ka'ap jyëtu'unëty. Jëtu'un tsyëtyu'unpaatëty mëti'ipë mmëtsip'ajtëpën, jëtu'un ka'ap tjëkyäptëty wi'ix ëxëëk xynyimëtyakmëtyën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

1 Pedro 3:17

Nikë oy ko ja oypyë yajku'ëyowë, pën jëtu'un ja Dios tsoky, ets këtii ko yajku'ëyowë ja ëxëëkpë.

1 Pedro 4:2

ets jyuuky'atëty ijxtëm ja Dios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.

2 Pedro 2:12

Yë jëtu'unpë ja'ayëty Dios yajwintsë'këntëkooytyëp ko ka'ap tii tja'akyyukëtë. Jëtu'un nyäpyëjkta'akëtë jëyujkën, nitii ja'aykyujkën tkamëët'atë ets näjyëtu'un y'ooka'antë jëyujkën mëti'ipë të t'amin t'akä'äxëtën ja o'kën tëko'oyën.

Judas 1:10

E tääpë ja'ayëty ëxëëkjaty nimëtya'aktë mëti'ipë ka'ap nijawëtën. Jëtu'un yë'ëjëty ijxtëm ja jëyujkën, ka'apë jyä'äkyukëtën, jëtu'unts ëxëëktum nyäyajka'ajëtë.