1 Pedro 2:1 - Biblia Dc en Mixe de Quetzaltepec

¹ Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

Biblia Mixe de Quetzaltepec

¹ Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

1 Pedro 2:1 ပူးပေါင်းရင်းမြစ်များ

Job 36:13

Yë ëxëëkja'aytyëjk nëkooyë jyänty jyoot'anpëktë, oy jyayajtsumy jyayajmatstë ka'ap t'amëtowtë putëjkën.

Salmos 32:2

Xoontä'äky yë ja'ay yajpaaty mëti'ipë ka'ap nëkoo ëxëëkjaty myäy tyäjyën ets mëti'ipë ka'ap tjëkyepyën wi'ix yë Wintsën pyoky'ixëtëty.

Salmos 34:13

Këtii ëxëëkpë aaw ayuk xykyajpxëty, ets nijëna'a mka''anta'akëty.

Salmos 37:1

Këtii mjoot'anpëkëty ko jyää'atë ëxëëkja'aytyëjk, këtii xy'ëxëëk'ixëty yë ja'ay mëti'ipë ëxëëk ëtëtstëp ënantëpën,

Salmos 73:3

Jä'ä ko ëxëëkës të nmëtsip'aty yë ëxëëkja'aytyëjk mëti'ipë winë pyatëp y'ijxtëpën, mëti'ipë amëj akëjxm ja'ay'ajtëpën.

Proverbios 14:30

Ko yë ja'ay xeemy yë jyot wyinma'any, po'kxp yë jyot nyini'kx; e ko yë jyiiky myëku'uk t'ëxëëk'ixy, ka'ap nijënu'un yë jyot nyini'kx jyotkujk'aty.

Proverbios 24:1

Këtii xy'ëxëëk'ixëty yë ëxëëkja'aytyëjk; ets këtii xywyinmayëty jam myajpaata'anëty ma yë'ëjëtyën.

Proverbios 24:19

Këtii xytyukjoot'anpëkëty yë ëxëëkja'aytyëjkëty, ni xykya'ëxëëk'ixëty mëti'ipë tëkatsy yë jyot wyinma'anyën.

Proverbios 3:31

Këtii yë ja'ay xy'ëxëëk'ixëty mëti'ipë ka'ap yë wyinma'anyën, ni xykyatunëty jëtu'un winë ijxtëm yë'ë winë tunyën;

Isaías 2:20

Ko ënety ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënety të t'oytyuntën mëët ja pu'ts pujxn ets poop pujxn.

Isaías 30:22

Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Mateo 15:7

Oyjyä'äy mnätyijëtë. Miits ojts myajnimëtya'aktë ko yë käjpxynyajxpë Jeséas y'ënäny:

Mateo 23:28

Oyjyä'äy miits mkëxë'ëktë nëkëjxy ets jëtu'un yaj'ixy oy yowë mjot mwinma'anyëty; e miitsëty, ujts ja mjot mwinma'anyëty mëët yë ëxëëkpë ets wiinkë'ëy akë'ëy je'eyë m'oyjä'äy'atë.

Mateo 24:51

tääts nëjkx tyiytyunyë ets pyëjktä'äkyë ma ja ja'ayëtyën mëti'ipë wiinkë'ëy akë'ëy oyjyä'äy'ajtëpën. Ënet myina'any ja ëyo'on jotmay ma y'ityën ja jë'ëyën yaxën ets ma ja ja'ay ka'ap jeky ja ëyo'on tmëmëtä'äkyën.

Mateo 7:5

Winma'anytyuk. Jëyëjp ja mëj kepy juut ma mwiinën, täänëm ja mmëku'uk ja pyu'uxm xyjyu'tëty jap wyiinjoty.

Marcos 12:15

Ja Jesús ojts nijawë ko ënety nëkoopë je'eyë myintë winma'any'ijxpë. ¿Tii ko xywyinma'any'ixa'antës? Yaktë tu'uk ja meeny, wä'änës n'ëk'ixy.

Lucas 11:44

Miits fariseë ja'ayëty ets näjyëtu'un miits tsajptëkotyëtë yaj'ijxpëjkpë mon tuk myajpaatë, jä'ä ko jëtu'un miitsëty ijxtëm ja o'kpëjutën ka'apë yaj'ixyën ets kutsë'ëkë ko ja'ay tuktäänëty.

Lucas 12:1

May ja ja'ay nyëëpäjtë, nëkooyë nyätyij nyäkyojtënëtë xim yam. Tääts ja Jesús ja y'ijxpëjkpëtëjk tmëëtmëtyaktso'ony jëwyiin: Näkyëwent'atëtë, ijxkëm ko mtukpaatëtë ja fariseë ja'ay ja wyinma'anyëty, yë'ëjës ntijpy ko je'eyë wyin'ëëntë.

Lucas 6:42

Jëtu'un mijts ijxtëm tu'uk ja ja'ayën mëti'ipë mëj kepy myëët'ajtypyën wyiinjoty ets ja myëku'uk t'ënëëmë: Mëku'uk, minës n'ëkyajpëtsëmy yë pu'uxm mëti'ipë japën mwiinjoty. Win'ë'ënpë. Yaj'oyë mjä'ä jëyëjp ets ok ja mmëku'uk ja jyä'ä xyaj'o'oyëyëty.

Juan 1:47

Ko ja Jesús t'ijxy ko ja Natanael myëwinkonyë ënät y'ënäny: Tyaa tu'uk ja Israel ja'ay mëtëypyë mëti'ipë ka'ap y'antä'äkyën.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

1 Corintios 5:8

Mëtëy ja Dios nwintsë'këmëty, ka'ap tii ntu'unmëty mëët ja ëxëëk winma'any, jëtu'un ijxtëm ja levadura tëëpë y'ëxëëkën, nikë jä'ä ntu'unmëty oypyë ijxtëm ja tsajpkääkyën mëti'ipë oyën mëti'ipë yajkääpyën ëmaay xyëëwjoty, ets ka'ap ja levadura tmëëtëty.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

Efesios 4:31

Ixmatstë ja äkë, ja näyya'ax näjyokë, nänyiwaanpätë ets tu'kë'ëyë ëxëëk winma'any.

1 Tesalonicenses 2:3

Jä'ä ko ka'ap ja kyajpxtëko'oyënëty mëti'ipës nkajpxwa'kxtëpën, ni kya'ëxëëk winma'anyëty ets ka'apës pën nwin'ëëntë.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

Tito 2:3

Näyjyëtu'un ja mëjja'aytyo'oxyëty wintsë'kën mëët jyä'äy'atëty, ka'ap pyi'tskajpxtëty, ka'ap y'uuktëty myu'ukëtëty. Oy tii tnajtstunëtëty,

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.

Santiago 3:14

E pën miitsëty je'eyë mnämyëtsip'atëtë, mnäyajjoot'anpëkëtë ets tsipkyëjxm winë xytyuntë; ko jëtu'un m'ëtë'ëtstëty tii mjanätyukmëjjawëtëp, ja tëyajtën ënety mkawinkutsëkëtyëp.

Santiago 4:11

Mëku'uktëjkëty, këtii mnanyi'ojëtëty nixim niyam. Pën ja myëku'uk nyi'ojëp ets pyoky'ijxyp ja Dios ja y'ënä'ämën ënety kyamëj'ijxëp; ko pën tkamëj'ixy ja ënä'ämën, tëytyuunpë ets paye'epyë ënety nyäpyëjktä'äkyë ets ni yë'ë tkapatuny ja ënä'ämën.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.

Santiago 5:9

Mëku'uktëjkëty, ka'ap mnämyëkajpx mnäpya'tkajpxëtëty, këtiipë ja Dios mtëytyunëtëty ets mpaye'eyëtëty, jä'ä ko ja Dios, ja tëytyuunpë paye'epyë, tim winkon jä'änë.

1 Pedro 2:16

Jëtu'un ja'ay'atë ijxtëm mëti'ipë ëwaatsëtum ijtëpën, je'eyëp ko ja ëwaatsëtum'ajtën ka'ap yë'ëjëty ma ja ëxëëkpë xytyuntëtyën. Yë'ë myajnikëxë'ëktëp ko ja Dios xymyëtuntë.

1 Pedro 2:22

Nitii poky ja Kristë tkatuuntëkooy ets ka'ap ojts ni pën twin'ëëny.

1 Pedro 3:10

Jëtu'un ijxtëm ja Dios ja y'aaw y'ayuk y'ënä'änyën: Pën ja juukyajtën tsyojkpy ets ja juukyajtën oy tsuj tyajnaxëty, kyëwent'atëp ja y'aaw yä'än, ka'ap y'ëxëëk kajpxëty ets ka'ap wyin'ëënëty,

1 Pedro 4:2

ets jyuuky'atëty ijxtëm ja Dios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.

1 Pedro 4:4

E tyam, ko miits ka'ap xy'ëkpuwa'kënëtë ma ëxëëk jyuuky'atën, ëxëëk tjawëtë, paaty mnikajpxtë ëxëëkjaty.

Apocalipsis 14:5

Ka'ap të wyin'ëëntë, nitii poky të tkamëët'atë.