1 Pedro 1:7 - Biblia Dc en Mixe de Quetzaltepec

⁷ Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

Biblia Mixe de Quetzaltepec

⁷ Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënäty ja Jesukristë myiny.

1 Pedro 1:7 ပူးပေါင်းရင်းမြစ်များ

Job 23:10

Yë'ë wa'ats tnijawë nye'eyënës nnajxënës; koos xy'ëk'ixa'anëty, wa'atsës xypyaatëty tä pu'ts pujxnën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Isaías 48:10

Tëë mijts nyajwa'atsy, je'eyëp ko ka'ap jyëtu'unëty tä ja'ay poop pujxn tyajwa'atsyën, yë'ë mëët të nyajwa'atsy yë ëyo'on jotmay,

1 Pedro 4:12

Mëku'uktëjkëty, këtii xymyëkjawëtë ko ja ëyo'on jotmay xypaatëty, ijxtëm jeexyë ka'ap pën timmyëmëta'akëtyën.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Dios nyija'ap wi'ix yajpaaty.

Malaquías 3:3

Yë Wintsën pyujta'ajäämpy tëkokyë yë teetytyëjkëty, mëti'ipë yë Leví y'u'unk'ajty y'ok'ajtypyën, jëtu'un tyajwatsta'aja'any tä yë poop pujxn ets pu'ts pujxn tyooywyä'ätsyën jëënjoty. Ënätnëm nëjkx tjëkyepy wi'ix tyaktëtyën ja wintsë'kën ma Wintsënën, jëtu'un tä mëpaat tyaktën ja wintsë'kën.

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënety pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënety pën të tyunyën.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Jeremias 9:7

Paaty ëjts maas nWintsën'atyën, mëti'ipë maaytyääyëpën winë jëtu'unës n'ëna'any: ¿Wi'ixës ja nnaax nkajpn mëpaat n'ëktuny ets y'oyëty? Jëënjotyës npëjkta'aka'any.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Dios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

Hechos 8:20

Tääts ja Pedro y'ëtsoowë: Poky mijts m'itëty mëët yë mmeeny ëyoowtaknjoty, jä'ä ko xywyinmay xyjyuyä'äny mëti'ipë ja Dios nyayäjkpyën.

Juan 12:26

Pën jääjës pën xymyëtun'any, wä'änës xypyaminy; ets pën maas ënety nyajpaaty, jam näjyëtu'un yajpaata'any mëti'ipës ënety xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Juan 5:44

¿Wi'ixës miits xymyëpëktëty pën mëj këjxm mnäyajnaxëtë nixim niyam ets ka'ap xy'ixta'atë ja mëj'ajt jaanty'ajtën mëti'ipë Dios yäjkpyën?

Lucas 12:33

Tooktë tiijaty jam mmëët'ajtëp ets xymyo'otëty yë ëyoopëja'ay; jëtu'un xypaatëty mëti'ipë jam tsajpjotmën, mëti'ipë ka'ap kyixy nyäxyën, ma ka'ap ja mä'tspë tyëkën, ets ka'ap tii waany tyuktëkëty.

Mateo 25:23

Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Jeremias 48:36

Nmëmoompy nmëtujkpyës yë Moab ja'ayëty ets Quir-heres ja'ayëty, paatyës ntukwinxu'uxy yë tsajpkäpny xuxn, jä'ä ko tëë tyëkooytyä'äy ja wit meeny mëti'ipë të tjanipëjkpätën.

Eclesiastés 5:14

jä'ä ko mëti'ipë ja'ay kyatukjajtypyën wi'ix y'ajuy y'atookëtyën tsojk wyit myeeny tyajkëjxta'ajëty ets pën myëët'ajtyp tu'uk yë myaank, ¿tii nëjkx tmo'oy?

Proverbios 16:16

Jaakni'ik y'oyëty ko wijyajtën yajmëët'aty këtiinëm yë pu'ts pujxn. Jaakni'ik y'oyëty ko tii yajja'akyukë këtiinëm yë poop pujxn.

Proverbios 8:19

Mëti'ipës nyäjkpyën, ni'ik y'oyëty këtiinëm jyëtu'unëty yë wa'ats pu'ts pujxn. Mëti'ipës nnikäjpxypën oy ni'ik këtiinëm jyëtu'unëty yë wa'ats poop pujxn.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

Apocalipsis 3:18

Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

1 Pedro 2:7

Jä'ä ko miitsëty, jënu'un xymyëpëktën ja Kristë, tääpë tsaa ni'ik yë tsyowpaaty; e mëti'ipës ka'ap tmëpëktën, yë'ë pyatuuntëp ko ja Dios ja y'aaw y'ayuk këxja'aypyë y'ënä'äny: Ja tsaa mëti'ipë ja pojtspëtëjk y'ixka'tstën, yë'ë të y'awinpity tsaakopk.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

Romanos 2:29

Yë'ëkyëjxm ja ja'ay mëtëy jyutiis'aty ko oy ja y'aaw jyot, pën ja ijxwë'ëmën myëët'ajtyp mëti'ipë ja Kënu'kxymyëkajtën mooyëpën, ka'ap yë'ëkyëjxmëty ko ja ënä'ämën jyää'aty. Pën myëët'ajtypyën ja oyjyot oywyinma'any, yë'ë ja Dios oyjya'awëyëp, ka'ap jyä'äyëty.

Salmos 17:3

Mijts mnija'ap wi'ixës nmay ntajyën; oy kyootsëty wa'atsës xy'ixy, jëtu'unës mijts xyajtooywyä'ätsy tä ja'ay pu'ts pujxn tyajtooywyä'ätsyën ets ka'ap tii ëxëëkpë të xypyääty ma ëjtsën. Ka'apës nijëna'a tii të nikäjpxy mëti'ipë ka'ap nyimëtyaknëtyën.

Lucas 17:30

Näyjyëtu'un jyata'any ko ënety ja naaxwiinyëtë ja'ay ja y'U'unk nyikëxë'ëky.

Romanos 2:10

E mëti'ipë tyuuntëpën ja oypyë, mo'ojanëtëp ja Dios ja mëj'ajt oyajtën, ja xoontakën, ja jotkujk'ajtën; jëyëjp ja jutiis ja'ayëty ets ok ja ka'apë jyutiisëty.

Romanos 8:19

Tu'kë'ëyë mëti'ipë ja Dios të tyajkojyën jyëjp'ijxtëp ja xëëw ma ja Dios tyajnikëxë'ëkanyën mëti'ipë y'u'unk'ajtypyën.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Dios tyunäämpyën ko ja Jesukristë myinëty jatëkok.

1 Pedro 4:13

Ni'ikyë mëpaat jotkujk myajpaatë ko xymyënax xyajnaxtëty ja ëyo'on jotmay mëti'ipë ja Kristë näjyëtu'un myënajx yajnajxën, ets näjyëtu'un mxoonta'aktëty ko ënety nyikëxë'ëky ja mëj'ajtën oyajtën ko Kristë myinëty.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Dios ja tyuunk mapaat ja tiempo jyaak jää'atyën ets ja Dios mpaatëtëty akujk jotkujk; nitii poky nitii ëxëëkajtën xykyamëët'atëty ko ënety myiny.

Job 28:1

Tää yë it naaxwiinyëtë yajpaaty ma pyëtsimyën yë poop pujxn ets ma pyëtsimyën yë pu'ts pujxn.