1 Pedro 1:4 - Biblia Dc en Mixe de Quetzaltepec

⁴ Paaty ëëts njëjp'ijxmëty ëmuumtu'ukjot ko ja Dios xymyo'oja'anëmë ja kuma'ayën mëti'ipë pëjkë'ëky yaj'ijtypyën jam tsajpjotm, mëti'ipë ka'p kyutëkoyën, y'ëxëëkën ets xyootsyën.

Biblia Mixe de Quetzaltepec

⁴ Paaty ëëts njëjp'ijxmëty ëmuumtu'ukjot ko ja Tios xymyo'oja'anëmë ja kuma'ayën mëti'ipë pëjkë'ëky yaj'ijtypyën jam tsajpjotm, mëti'ipë ka'p kyutëkoyën, y'ëxëëkën ets xyootsyën.

1 Pedro 1:4 ပူးပေါင်းရင်းမြစ်များ

Salmos 31:19

Janty mëj yë m'oyjot m'oywyinma'any xyajnikëxë'ëky ma ja'ayëtyën mëti'ipë mtukxoontakëtëpën. Jëtu'un xypyëjkë'ëky tä yë wit meenyën, ets wa'ats xytyuk'ixy xytyuknijawë ko xyajwä'kxy yë m'oyajtën ma ja'ayëtyën mëti'ipë ëmuumtu'ukjot mtuk'ijxpäjtëpën.

Salmos 47:4

Tëë kë'ëm twin'ixy mëti'ipë nëjkx nkuma'ayën'ajtëmën, yë'ë mëti'ipë mëpaat yë Jacob yajtukja'amyetsyën, mëti'ipë ojts tsoky tjawën.

Isaías 66:22

Näyjyëtu'un yë Wintsën të y'ënä'äny: Jëtu'un tä jempyë tsajpën ets jempyë naaxën mëti'ipës nyajkojäämpyën, xëmëkyëjxmëpë y'ita'anyën, jëtu'un nëjkx xëmëkyëjxm y'itë yë m'u'unk m'okëty ets mxëëw.

Ezequiel 47:12

Ma nëëpa'ajën, mäjtskpa'ajëty, aay kepy jam yonaanp mëti'ipë tëëmpätëpën ets yajë'kxëty. Ka'ap yë y'ääy kya'aja'any nijëna'a ets xëmë tyëëmpäta'any. Wimpo'o tyëëmpäta'any jä'ä ko ja nëë mëti'ipë tso'onpën ma tsajptëjkën yë'ë xëmë xook yaj'itäämpy ja naax. Yë tyëëm yë'ë yajjë'kxëp e yë y'ääy tsooy wya'anëty.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Marcos 10:17

Ko ja Jesús ënety jam tsyoona'any, ënät tu'uk ja ja'ay pëyi'ikyë nyimiinë ets nyäkyoxtënaaytyakë ma yë'ëjën. Tääts y'ënëmaayë: Oypyë Wintsën, ¿tiis mëpaat ntuny etsës npaatëty ja juukyajtën xëmëkyëjxmëpë?

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

1 Corintios 9:25

Mëti'ipë näjyëjp'ijxëtëpën ko y'ëyë'ëka'antë, ka'ap nëkooyë tii tjë'kxtë mëti'ipë pa'amtuunëtëpën. E paaty miitsëty jëtu'un winë tuntë jä'ä ko yë'ë pyaatantëp ja kuma'ayën mëti'ipë tëtspën mëti'ipë xo'tspën; e ëëtsajtëm yë'ë nitsiptu'unemë ko n'ëxajëja'anëm ja kuma'ayën mëti'ipë ka'ap tsyi'itsyën ets ka'ap xyootsyën.

Gálatas 3:18

Ko jeexyë jam kyëxmëtä'äky ma ja Moisés ja y'ënä'ämën mëti'ipë ja Dios të xytyukwinwa'anëmën, ka'ap jeexyë y'ëkwaantakën'ajnë; e yë Dios ojts tukwinwanë yë Abraham jëtu'unyë namëyajtën ka'ap jyuyëty.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

Efesios 1:14

Ya'atë Kënu'kxymyëkajtën yë'ë yajnikëxë'kpy ko xypyaat'ajtëmë ja kuma'ayën mëti'ipë ja Dios yakäämpyën, ko ënety ja mëtëypyë ja nipaye'eyën të tyajkä'pxy ets të xykyajpnniwa'anëm, jëtu'un ni'ëmukë ja Dios nmëjja'aw njaantyja'awëmëty ko tmëët'aty ja myëj'ajt y'oyajtën ets ja kyutujkën.

Efesios 1:18

N'amëtoopyës ja Dios ets mtukja'akyukëtëty ja oypyë mëti'ipë mjëjp'ijxtëpën, ja oypyë tsujpë kuma'ayën mëti'ipë ja Dios të mtukniwoowtsowëtën ets mmo'oja'anëtë ma mnaax'at mkajpn'atëtën,

Colosenses 1:12

nëjkxëp ja Dios xykyukajpxëtë, mëti'ipë të mtukjatëtën ets xy'ëxajëtëty ja kuma'ayën mëti'ipë myo'ojäämpyën ja nyaax kyajpn të'kxëntuuypyë y'itën.

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

Colosenses 3:24

Tëë xynyijawëtë ko yë Wintsën mmo'oja'anëtë ja kuma'ayën, jä'ä ko miits xymyëtuntë ja Kristë mëtëypyë wyintsën'atyën.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Santiago 1:11

Ko ja xëëw pyëtsimy ets mëk jyajtä'äky, ënät ja ujts tyi'itsy, ja pyijy kyä'äy, jëtu'un ja y'oyajtën tyëkoy. Näyjyëtu'un ja kumeenyjyä'äy jyäty ma wyit myeenyën.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Dios kyënu'kxëtëty. Paaty miits ja Dios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.

1 Pedro 5:4

Jëtu'un ko ënety ja Wintsën Jesukristë myiny, ënät miits xy'ëxajëtëty ja kuttujkën ka'apë kyixy nyäxyën.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.