1 Pedro 1:24 - Biblia Dc en Mixe de Quetzaltepec

²⁴ Jä'ä ko jëtu'un ja Dios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;

Biblia Mixe de Quetzaltepec

²⁴ Jä'ä ko jëtu'un ja Tios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;

1 Pedro 1:24 ပူးပေါင်းရင်းမြစ်များ

2 Reyes 19:26

Ja ja'ayëty mëti'ipë ënety jam tsënaaytyëpën, ka'ap ojts ja mëk'ajtën t'ëkmëët'ajnëtë, je'eyë ja tsë'ëkë tyuktëjkëtyääyëtë ets ja mëktsëtyu'un, jëtu'un të jyaak'itë tä yë ujts yonyën kamjotm tu'ujotm, tä yë mëëynyakën ets tä yë aay ujts mëti'ipë tëjkëjxm muum yoonpën, wäänë y'ity tääts jëënpoj jëtu'unyë të yajtëtsta'ayë.

Job 14:2

Jëtu'un tä pëjyën mëti'ipë pëjwa'kxpën ets poj'am xyootsy; najxp ets tëkoopy yë'ë tä äpkën.

Salmos 102:4

yë njot nwinma'anyës ëmaay amutskës njawë, jëtu'un tä aay ujtsën mëti'ipë tëë xyo'tsnën; ets yuu ka'apës xy'ëkpatnë.

Salmos 103:15

Yë naaxwiinyëtë ja'ay yë jyuukyajtën, jëtu'un yë tä aay ujtsën, jëtu'un pyëjwä'kxy tä pëjyën mëti'ipë kamjotm yajpatpën.

Salmos 129:6

Wä'än jëtu'un tnaxtë tä aay ujtsën tëjkëjxypyë yontën mëti'ipë naamka'anëm yajwijxë'ëkyën tääts tyëtskojnë.

Salmos 37:2

jä'ä ko yë'ëjëty pojën tyëtskëta'aktë tä aaykyëta'akën; ets xyootstë tä aay ujtsën.

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.

Salmos 90:5

Jëtu'un yë naaxwiinyëtë ja'ay tu'ktsojkyë xywyitsy xyjyëtuty amëjaaw jëtu'un tä ja'ay wyinkuma'ayën;

Salmos 92:7

Pën yë ëxëëkja'aytyëjk ets tuuntëkoopyëtëjk yoontëp ji'tstëp tä ujtsën ets mëtaktëp ma wit meenyën, nëkoopë yë'ë, je'eyë nëjkx kyutëkoytyë.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

Mateo 6:30

Pën Dios xyojxyp ja aay ujts mëti'ipë tyam yoonp aayjoty ujtsjoty ets jëpom tëë ënety tsijtkjoty nyanitooynyë. Ja Dios ni'ik ja mmo'oja'anëtë tii mnätyukxoxëtëpën Wäänë miits ja mëpëjkën xytyimmëët'ajnëtë.

Santiago 4:14

Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

1 Juan 2:17

Yë naaxwiinyëtë winma'any këjxnëp najxnëp yë'ënë mëët tëkokyë winë mëti'ipë ja'ay tsyojkën'ajtëpën; e pën ja Dios ja jyä'ä pyatuunëp xëmëkyëjxm jyuuky'ata'any.