1 Pedro 1:21 - Biblia Dc en Mixe de Quetzaltepec

²¹ Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

Biblia Mixe de Quetzaltepec

²¹ Mëët yë'ë ko yë Kristë të xymyëpëktë paaty ja Tios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

1 Pedro 1:21 ပူးပေါင်းရင်းမြစ်များ

Salmos 42:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Jeremias 17:7

E kënu'kxy nyaxa'any yë ja'ay mëti'ipës xytyuk'ijxpäjtpën, mëti'ipë ëwxijtp mä'kxtujkpën ma ëjtsën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Juan 12:44

Ënet ja Jesús ojts mëk kyäjpxy: Pën xymyëpëjkpës, ka'ap y'ëjtsëty nätyu'uk xymyëpëky, myëpëjkpy näjyëtu'un ja nTeetyës mëti'ipës të xykyexyën.

Juan 14:1

Këtii mjotmay'ooktëty, mëpëktë ja Dios Teety ets mëpëjktëk ëjts näjyëtu'un.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Dios nja'amyejtsy: Dios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Juan 17:24

Dios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënety ja naaxwiinyëtë kyojynyëm.

Juan 17:5

Mooykyës tyam mwiintuuy ja mëj'ajt oyajtën mëti'ipës ijty nmëët'ajtypyën ma ka'anëm ja naaxwiinyëtë tsyo'ontä'äkynyëm.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Hechos 2:24

E tëë ja Dios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Hechos 3:13

Ja Dios mëti'ipë ja Abraham, Isaac ets ja Jacob y'ëwtajtën, ëëts ja n'ap'ajt n'ok'ajtëmë; yë'ë të tmëjjaw të tjaantyjyawë ja Tyuumpë Jesús, mëti'ipë miits mkë'ëyajtën ets y'ookëty; mëti'ipë ja Pilato jya'ëxmatsanën.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Dios tëë yajjuukpyikyë ets ëëtsëty tëëjës kë'ëm ntimy ixtë.

Hechos 4:10

E oy ko xyajtëwtë, tyamës nikajpxtë ma miitsëtyën ets ma tëkokyë ja Israel ja'ayëtyën; ko ya'atë ja'ay, mëti'ipë yam m'ijxtëpën: ja Jesús ja xyëëw, mëti'ipë Nazaret kukajpn'ajtën yë'ë të yajtso'okyë, mëti'ipë miits myajkruutspäjtën ets mëti'ipë ja Dios jatëkok të yajjuukpyikyën.

Romanos 10:9

Pën m'aawjoty pyëtsimy ets m'ëna'any ko Jesús yë'ë Wintsën ets pën mmëpëjkpy m'aawjoty mjootjoty ko Dios të yajjuukpyikyë, mpatäämpy ja nitsokën,

Romanos 4:24

näjyëtu'un ojts ëëtsajtëm nyajnimëtyakëmë. Jä'ä ko ja Dios yajmëjnajxyp näjyëtu'un ëëts ja nmëpëjkën'ajtëmë, ko nmëpëjkëmë mëti'ipë yajjuukpyëjkën ja nWintsën'ajtëm Jesús ko y'ëk'o'ky.

2 Corintios 6:15

Ka'ap tjëkyepy yë Kristë nyëmyäyëtëty mëët yë mëjku'u, ëkë yë mëpëjkpë mëët mëti'ipë ka'ap myëpëkyën.

Efesios 1:15

Paaty koos nnijawë ko miits xymyëët'atë ja mëpëjkën ma ja Wintsën Jesúsën ets ja tsyojkën jya'awën mëti'ipë myëët'ajtypyën ma ja nyaax kyajpnën wa'atspë,

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

1 Timoteo 1:1

Ëjts Pablo, Kristë Jesús ja y'ayuk kajpxwa'kxpë, mëti'ipës yë Dios Yajknitsokpë të xytyuk'ëne'emyën ets ja Kristë Jesús, mëti'ipë njëjp'ijxëmën,

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Hebreos 6:1

Tsojk nyajtu'uye'eyëm ja Dios ja y'aaw y'ayuk koonëm kä'pxy nnija'awëmëty mëti'ipë ja Dios tsyojkpyën. Ka'ap yi'iyë ntukjotkujk'ajtmëty mëti'ipë të nyajtukni''ijxëmën ko Kristë ojts ëka'any nmëpëjkëmë. Ka'ap jatëkok n'a'ijxpëjkëmëty, wi'ix ja ja'ay jootwinpittëty, wi'ix t'ëxmatstëty ja ëxëëk juukyajtën mëti'ipë tukpatpën ja o'kën, ëkë wi'ix tmëët'atëty ja mëpëjkën ma Tiosën,

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

1 Pedro 1:11

Ja Kristë ja myëk'ajtën yë'ë ijty tyuknija'ap ja käjpxynyajxpëtëjk wi'ix ja Kristë y'ëyowa'anyën ets ja mëj'ajtën oyajtën mëti'ipë ok minaanpën; yë'ëjëty ojts tjanijawëja'antë ja xëëw po'o jëna'a jëtu'un jyata'any kyëpäta'any mëti'ipë ja Kristë ja myëk'ajtën ënety jyanikäjpxypën.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.