1 Pedro 1:2 - Biblia Dc en Mixe de Quetzaltepec

² mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

Biblia Mixe de Quetzaltepec

² mëti'ipëjaty ja Tios Teety ojts wyinwitsëtën tëëyëp ijxtëm yë'ë të tuknipëjktaakën. Ja Tios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Tios ni'ik mmo'ojëtë ja kënu'kxën ets ja jotkujk'ajtën.

1 Pedro 1:2 ပူးပေါင်းရင်းမြစ်များ

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Isaías 65:22

Ka'ap nëjkx ja'ay je'eyë jyëën tyëjk tkojy ets wiink ja'ay tuktsëënëty; ëkë nëjkx je'eyë tkojy tpeny mëti'ipë jyë'kxëp pyëkëpën, ets wiink ja'ay jyë'kxëp pyëkëp. Jeky jyuuky'ata'any yë nnaax nkajpnës, jëtu'un tä kepyën; yë ntuunpëtëjkës jotkujk nëjkx jyuuky'atë ko ënety tyuntë pyëktë.

Isaías 65:9

Ëjts ntuknipëjktaakëjäämpyës ets ja Jacob tmëët'atëty ja y'u'unk y'ok nimay, ets jyam'atëty ja ja'ay ma Judá jyä'äyën mëti'ipë tunjot kopkjot wyintsëënëtëpën. Mëti'ipës të nwin'ixyën yë'ë nëjkx naaxwiinyëtë tjä'ä'atë, mëti'ipës xymyëtuuntëpën yë'ë nëjkx jam tsyëënëtë.

Daniel 4:1

Ëjts Nabucodonosor, ntsojkpyës ets jyää'atëty jotkujk'ajtën, oy juukyajtën ma nitëkokyë ja'ayëtyën mëti'ipë naax tsënaay kajpn tsënaaytyëpën, ma wiinkëtypë naax kajpnën ets ma tëkokyë naaxwiinyëtën mëti'ipë wiink ayuk kyajpxtëpën.

Daniel 6:25

Ënet ja Darío yajkutujkpë tnija'ayëtyääy ja naax kajpn wi'ixjaty ja aaw ayuk tmëët'atën ets y'ënäny: Ëjts ntsojkpyës ets miitsëty jotkujk mjuuky'atëty ets xypyaatëty xy'ixtëty mëti'ipë mtukjuuky'atëpën,

Mateo 24:22

Ko jeexyë ja Dios ja ëyo'on jotmay tkayajkëxy tkayajnaxy, tsip jeexyë ets ja ja'ay tmëmëta'aktë, paaty tyajkëxa'any tyajnaxa'any jä'ä ko tsoky tjawë ja y'u'unk y'ëna'k mëti'ipë të twin'ixyën.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Marcos 13:20

Ets ko ja Wintsën jeexyë tka''akajpxtuky ja ëyo'on, ka'ap jeexyë pën ja nitsokën tpaaty; tëë ja Wintsën tyaj'akony ja ëyo'on jä'äkyëjxm ko jam jyuuky'atë ja ja'ay mëti'ipë të twin'ixyën.

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Dios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Dios të wyin'ixyën.

Marcos 13:27

Yë'ë kyäxäämpy ja anklëstëjk ets ja ja'ay twoowmujkta'ajëty mëti'ipës të nwinwitsyën tu'ktsajp'akëtä'äky, mapaat yë naaxwiinyëtë tsyo'ontä'äkyën ets mapaat yë tsajp jyëjpkëxyën.

Lucas 18:7

E yë'ë ënät ja Dios, ¿këtii jëtää tnipaye'eyëty ja jyä'äy mëti'ipë të twin'ixyën, mëti'ipë xëëny koots ja'amyäjtsëpën? ¿Wä'än jëtää jeky tyaj'ëwxitëtyë?

Hechos 15:18

Ja Wintsën, mëti'ipë winë të tyaj'ixyën tëëyëp, yë'ë të y'ënä'äny.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Dios ënety të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

Romanos 1:5

Jesukristë mëyajtën të tuny etsës të xyajnaxy oy ayukkajpxwa'kxpë, jëtu'unts oymyaatsowëty ja ja'ay tmëpëktëty ja Jesukristë ets tmëmëtowtëty.

Romanos 11:2

Tëëyëp ja Dios tkajpniwa'any ja Israel ja'ay, e tyampaat je'eyëm tkajpniwa'any ¿tii ko t'ëk'ëxwaanpëty? ¿Këtii xynyijawëtë wi'ix ja Dios ja y'aaw y'ayuk y'ënä'änyën ma ja Dios ja kyäjpxynyajxpë Elías yajnimëtyä'äkyën, ko ja Dios ojts tja'amyetsy ets ojts tuk'ëwaanë ja Dios wi'ix ja jutiis ja'ay y'ëtë'ëtstënë? ets y'ënäny:

Romanos 11:28

Ja jutiis ja'ayëty mëtsip'ajtëtëp ja Dios, paaty miits ja Dios mkënu'kxëtë; je'eyëp ko Dios tsyojk'ëtëtsyp ja jutiis ja'ay jä'ä ko ojts oy jyuuky'atë ja y'aptëjkëty.

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Dios y'oyjya'apën, mëti'ipë Kënu'kxymyëkajtën të tyajwa'atsyën.

Romanos 16:19

Ets nyija'awëtëp ja ja'ay oypyënëty ko miits ja Dios xymyëmëtowtë, paatyës jotkujk nyajpaaty ets ntsojkpyës ets wijy kejy myajpaatëty wi'ix xytyuntëtyën ja oypyë, ka'ap yë'ëjëty wi'ix tii ëxëëk xytyuntëtyën.

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Romanos 8:13

Pën mjuuky'ajtëp miits ijxtëm ja ni'kx kopk tsokyën, m'ookantëp yë'ë; e pën Kënu'kxymyëkajtën mëët miits xyaj'ooktë mëti'ipë ja mni'kx mkopk tsyojkpyën, xëmëkyëjxm miits mjuuky'ata'antë.

Romanos 8:33

¿Pën jëtää y'ëkni'ëënëp mëti'ipë ja Dios të twin'ixyën? Dios tëë kë'ëm tyajnaxy wa'ats.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

2 Corintios 10:5

ets tëkokyë ja mëj këjxmëpë ja winma'any mëti'ipë y'ëtujkpyën ets ka'ap tyu'uye'eyëty ja Dios ja myëk'ajtën. Tu'kë'ëyë ja ëxëëk winma'any jamës npëjktakta'atë ma ja Kristën ets yë'ë tmëmëtowtëty,

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Deuteronomio 7:6

Jä'ä ko miitsëty tëë yë Wintsën mëti'ipë mTios'ajtëpën mwin'ixëtë, ko yë'ë mkajpn'ata'anëtë. Kanaak yë naax kajpn jää yajpaaty, e miitsëty tëë myajwin'ixtë ets mnaxtëty Dios yë kyajpn.

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

2 Tesalonicenses 2:13

E ëëtsëty xëmës nkukajpxëtë ja Dios mëët miitskyëjxmëty, jëëky mëku'ukëty mëti'ipë Dios tsojkëtëpën; jä'ä ko yë'ë të mwin'ixëtë ets jëyëjp xypaatëty ja nitsokën mëët ja Kyënu'kxymyëk'ajtën, mëti'ipë mëtëyën ets mëti'ipë të myajpokywya'atsëtën ko të xymyëpëktë.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.

Tito 1:1

Ja nyoky ja Pablo, Dios mëtuunpë ets Jesukristë y'ayuk kajpxwa'kxpë, mëti'ipë të yajkexyën ma ja ja'ayëtyën tëëpë ja Dios wyin'ixëtën ets tpaatëty ja mëpëjkën ets nijawëtëty ja tëyajtën mëti'ipë yajpatpën ma n'ijxpëjkëmën,

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Hebreos 11:28

Mëët ko myëpëjky ja Moisés tyuun ja ëmaayxyëëw ko t'ënëmaay ja Israel ja'ayëty ets ja ne'pyny nëjkx tuknikoytyë ja tyëjk aaw ets ja yajja'ay'o'kpë mëti'ipë Dios kyäjxën ka'ap tyaj'ooktëty ja kä'äxkopk mëti'ipë Israel ja'ayëtyën.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

1 Pedro 1:14

Jëtu'un m'itëty ijxtëm ja pi'k ëna'kën mëti'ipë tyeety myëmëtoowtëpën. Këtii jëtu'un mjuuky'atëty ijxtëm të m'itën ko ja Dios ijty xykyanijawëtë.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

1 Pedro 1:20

Jëtu'un ojts tëëyëp ja Dios tuknipëjktaakë ka'anëm ënety ja naaxwiinyëtë kyojnyëm. Tyam tëë ja myiny jyä'ty ets miits xytyuk'oy'atëty.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

2 Pedro 1:2

Ëxajëtë mëjwiin këjää ja kënu'kxën ets ja jotkujk'ajtën jä'äkyëjxm ko xynyijawëtë ja Dios ets ja nWintsën'ajtëm Jesús.

2 Juan 1:1

Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Dios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

2 Juan 1:13

Ja mmëkä'äxës ja y'u'unk y'ëna'k, mëti'ipë Dios të wyinwitsëtën, yë'ë mtuknikäjxëtëp ja kajpxpo'kxën. Jëtu'un y'itëty.

Judas 1:2

Dios mmo'ojëtëp mëj këjää ja pa'ëyo'owën, jotkujk'ajtën ets ja tsojkën.