1 Pedro 1:18 - Biblia Dc en Mixe de Quetzaltepec

¹⁸ Dios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

Biblia Mixe de Quetzaltepec

¹⁸ Tios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

1 Pedro 1:18 ပူးပေါင်းရင်းမြစ်များ

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.

Salmos 62:10

Këtii yë'ë xy'oyjyawëtëty yë tsip käjpxy; këtii yë'ë janty mëj xyjyawëtëty yë to'onën mä'tsën. E ko jëna'a mkumeenytya'aktëty këtii ënät yi'iyë ja wit meeny xytyuk'ijxpätëty.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Isaías 52:3

Jä'ä ko yë Wintsën jëtu'un y'ënä'äny: Ëjts nitu'kjënu'unën të nka'ëxajës ko ojts myajnitooktë, tyam nän nitu'kjënu'unën kyatsokyë ets nyaj'ëwaatsëpëtsëmtëty.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 4:11

Ko ënety jëtu'un ja xëëw jëmëjt tukja'ty, tääts nëjkx ja Jerusalén ja'ayëty yaj'ënëëmëtë: Mëkjëënpoj miimp mëti'ipë jam tso'onpën të'ëts'itjotm ets nitëyë nyijkxy maas yë nnaax nkajpnën. Ka'ap yë'ëjëty tëtykpyoj mëti'ipë yajtukwinpojpën yë tsajpmok;

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Ezequiel 20:18

Ënätës n'ënëmaaytyë ja y'u'unk y'ëna'këty ets ka'ap jëtu'un winë tuntëty tä ja tyeety tyaak y'ënë'ëmxëtën, ko ka'ap nyätyukyaj'ëxëëkëtëty ja ka'apë tyiosëtyën.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Marcos 8:37

Ëkë ¿Jënu'un ja ja'ay myäyëtëty tkujuyëty ja jyuukyajtën?

Romanos 1:21

Oy ja Dios të tja'ixtë, ka'ap të tmëjjaw të tjaantyjyawëtë ijxtëm ja Dios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

1 Corintios 3:20

Ets näjyëtu'un y'ënä'äny: Nyija'awëp ja Dios ko tsuuwinma'any yë naaxwiinyëtë ja'ay wyijy'ajtën.

1 Corintios 6:20

Jä'ä ko tëë ja Dios mkujuyëtë ko ja y'u'unk të mku'ookëtë, mmëjjaw jaantyjyawëtë ja Dios mëët ja mni'kx mkopkëty.

1 Corintios 7:23

Tëë miits ja Dios tsow mkujuyëtë, këtii mnäyakëtëty ets ja wiink ja'ay myajtunëtëty ijxtëm jeexyë m'itën mëtuunpë ëyoopë.

Gálatas 1:4

Mëti'ipë të tku'ookën ja npoky'ajtëmë, ijxtëm ja Dios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.