1 Pedro 1:12 - Biblia Dc en Mixe de Quetzaltepec

¹² Dios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

Biblia Mixe de Quetzaltepec

¹² Tios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

1 Pedro 1:12 ပူးပေါင်းရင်းမြစ်များ

Juan 15:26

Paaty ko myinëty ja Nikajpxtutpë mëti'ipës nkäxäämpyën nTeetyës xyëëwkëjxm, ja Kënu'kxymyëkajtën mëtëypyë, mëti'ipë tso'ompën ma ja Dios Teetyën, yë'ë nëjkx xynyimëtyä'äkyës.

Efesios 3:10

Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Dios ja wyijy'ajtën kyejyajtën mëti'ipë kanaakjëjp nikëxë'kpën.

1 Corintios 2:10

Ya'atë jëtu'un ja Dios të xytyuknija'awëmë mëët ja Kënu'kxymyëkajtën, jä'ä ko ja Kënu'kxymyëkajtën, yë'ë nyija'awëtyääpy winë, yë'ëpaat mëti'ipë yë Dios myääpy tyäjpyën.

Hebreos 4:2

Jä'ä ko ëëtsajtëm tëë nyajtuk'ëwa'anëmë ja aaw ayuk oypyë ijxtëm yë'ëjëty yajtuk'ëwa'anëtyën; je'eyëp ko yë'ëjëty ka'ap ojts tyajtuunkpaatë, nëkoopë tyajnatëkë'ajtë oy tjamëtoowtë, ka'ap tpuwa'këtyë mëti'ipë mëtoowtën mëët ja mëpëjkën.

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

1 Pedro 1:25

e ja Dios ja y'aaw y'ayuk ijtëëp ja xëmëkyëjxm. Yë'ë ya'atë ja aaw ayuk mëti'ipë miits të myajtukmëmëtya'aktën.

Apocalipsis 5:11

Ënätës n'ijxy ets nmëtooyës ja nimay tsajpjotmëtë kukäjpxy ko kyajpxtë myëtya'aktë na'ëwtity ma ja kutujktaknën, ma ja nimajktaxkpë juuky'ajtpëtyën ets ma ja i'px taxkpë ja mëjja'ayëtyën. Kanaak millon ja anklëstëjk ënety jam,

2 Corintios 6:6

Näjyëtu'unës të nyajnikëxë'ëktë ko wa'ats aaw wa'ats jotës të njuuky'atë, koos nijawëtë ja tëyajtën, ko yajmëët'aty ja mä'kxtujkën ets ja oyjyot oywyinma'any; ko yajpaaty ja Kënu'kxymyëkajtën ma ëëtsëtyën, mëët ja tsojkën ja'awën winë aaw winë jotpë.

2 Corintios 1:22

Tëë ja ijxwë'ëmën tpëjktä'äky ma ëëtsajtëmën ets tëë ja Kënu'kxymyëkajtën tpëjktä'äky ma ja njoot'ajt nwinma'any'ajtëmën ets yajnijawëty ko xypyaat'ajtëmë ja oyajtën mëti'ipë miinpën.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Daniel 12:13

E mijts Daniel, ye'eymyës yë mtu'u mapaat jyä'tyën ets mpo'kxëty, jä'ä ko ënety jëtu'un të nyajxta'ay të kyëjxta'ay winë jää nëjkx mpëtë'ëky ets nëjkx xy'ëxajë ja mkuma'ayën.

Daniel 12:9

Etsës të xy'ëtsoy: Yo'oy yë mtu'u, Daniel, jä'ä ko tyaapë yu'utsy mëpaat y'ity koonëm jyëjpkukëxëty ja nyixëëw nyijëmëjt.

Hebreos 2:4

Näyjyëtu'un ja Dios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.

Gálatas 1:16

ets ojts xytyuk'ixy xytyuknijawës ja y'u'unk Jesús etsës nkajpxwa'kxëty ja Jesús ja jyä'ä ma ja ja'ayëtyën ka'apë jyutiis'atën. Ka'apës pën ja'ay nyajtëëy nyajtëtäky,

Gálatas 1:12

Ka'apës jyä'äyëty të xymyo'oy ets ka'apës pën të xytyuk'ijxpëky, Jesukristë kë'ëm të xytyuk'ixy të xytyuknijawës.

Romanos 10:15

¿E wi'ix tkajpxwa'kxtëty pën ka'ap pën kyäxëtë? Ijxtëm ja kuja'ay myinyën: Janty'oy yaj'ixy ko jya'të mëti'ipë yajmiintëpën ja oy aaw oy ayuk.

Romanos 1:17

Ya'atë aaw ayuk oypyë yë'ë xytyukni''ijxëmë wi'ix ja Dios ja npoky'ajtëm xytyukniwatsmëtyën: mëët ja mëpëjkën tsyo'ontä'äky ets jëtu'un jyëjpkëxy. Jëtu'un ijxtëm ja Dios ja y'aaw y'ayuk këxja'ay myinyën: Ja wa'ats ja'ay mëpëjkën mëët jyuuky'ata'any.

Lucas 15:10

Jëtu'un miits nëëmëtë ko näjyëtu'un ja Dios ja y'anklës xyoonta'aktë ko tu'uk ja pokyjyä'äy jyootwimpity.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Amós 3:7

Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Dios jyä'ä'ajtypyën.

Lucas 9:6

Ojts ye'eywya'kxtë ets nyëjkxtë oymyakajpnëty, tkajpxwa'kxtë ja oy aaw oy ayuk ets ja pa'amja'ay tyajtso'oktë.

Lucas 2:26

tëë ënety ja Dios jëwyiin tyuknijawëty ko ka'ap nya'ookëty koonëm t'ixëty ja Kristë, mëti'ipë Wintsën kyäxäämpyën.

Mateo 16:17

Ënet ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Dios Teety tsajpjotmëpë yë'ë të mmo'oyë jëtu'unpë winma'any.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Daniel 10:1

Ma ënety mëtëkëëk jëmëjt yajkutukyën yë Ciro, mëti'ipë Persë ja'ayën; yë Daniel, mëti'ipë näjyëtu'un yajtijpën Beltsasar, ojts yajtuknijawë mëti'ipë mëtëyën, je'eyëp ko tsip ets yajja'akyukëty. E Daniel ojts yajxon tmëmay tmëtajy ets tja'akyukë wi'ix nyiwijyën.

Daniel 8:13

Ënätës të nmëtoy ko tu'uk tsajpjotmëtë kukäjpxy tyajtëy ja myëku'uk: ¿Jëna'a jyëjpkëxa'any ya'atë mëti'ipë yaj'ijxpën ma wintsë'këntyaknën ma yajyäkyën winjëpom yë wintsë'kën? ¿Jëna'apaat pyo'oxa'any yë nëë poky ma Wintsën yë tsyajptëjkën ets mëpëjkpëtëjkëty, ets je'eyë yaj'atään yajtuktäänëty?

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Daniel 2:22

Yë'ë yaj'ijxëp ets yë'ë yajnikëxë'kpy ja jot winma'any tsipë ets yu'utsypë; nyija'ap mëti'ipë akootstuuy yajpatpën, jä'ä ko yë'ë myëët'ajtyp yë jajën të'kxën.

Daniel 2:19

Jä'ä tsu'um yë Daniel ojts yë Wintsën tyuk'a'ijxnaxyë mëti'ipë ja Babilonyë yajkutujkpë nyijawëjäämpyën, ënät ja Daniel tkukajpxëy tja'awëkyëtakëy ja Wintsën.

Isaías 32:15

E ja Wintsën ja myëk'ajtën, mëti'ipë winë yajkojpyën minaanp jatëkok ma ëëtsajtëmën ets nëjkx ja itjot aanë'ëk tëëtsë'ëkpë y'awinpity jë'kxy naaxjot ets nëjkxëp jam winë y'ity wyintëy.

Proverbios 1:23

Ja'aykyukëtë yajxon mëti'ipës yam nkajpxtëtäkpyën ets nmo'otëty ja nmëk'ajtën n'oyajtënës, e jëtu'unts yajxon xywyinjawëtëty mëti'ipës nwinma'any'äjtypyën.

Éxodo 25:20

Jëtu'un nyäwyinku'ixëtëty, ja wyiin jyëjpy jam tyajkëx'ixtëty ma ja kaaxë'akë'ëjën ets ja kyäkn jä'ä tyuknijuuxtëp ja kaaxë'akë'ë.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

Isaías 53:1

¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

Romanos 1:15

paatyës ni'ik ntsoky ets ja oy aaw oy ayuk ntuk'ëwaanëja'antë, miitsëty mëti'ipë tsënaaytyëpën jam Roma.

Hechos 16:10

Ko ja Pablo jëtu'un t'a'ijxnajxy, ënät ojts nwinmaytyës ko ja Dios jam xywyowtëpës Macedonia ets jam nkajpxwa'kxtëtyës ja oy aaw oy ayuk.

Hechos 10:44

Tam ënety ja Pedro kyäjpxynyëm ko ja Kënu'kxymyëkajtën tyukëtakëtë ni'ëmukë ja ja'ayëty mëti'ipë jam myëtoow'ijtëpën ja Pedro ja y'aaw y'ayuk.

Hechos 8:25

Ko ja Pedro ets ja Juan tnimëtyaktaaytyë ja Wintsën ja y'aaw y'ayuk, ënät wyimpijnëtë ets nyëjkxnëtë jam Jerusalén, tkajpxwa'kxtë ja Dios ja y'aaw y'ayuk maajëty ja kajpn ënety tuknaxtën jam Samaria y'itjotm.

Hechos 4:31

Ko ja Dios tja'amyäjtstaaytyë, tääts ja tëjk tsyëyuuypyijky ma ënety jam të nyiye'eypyätën ets ja ja'ayëty t'ëxajëtyääytyë ja Kënu'kxymyëk'ajtën ets amëk jotmëk nimëtyaktë ja Dios ja y'aaw y'ayuk.

Hechos 4:8

Tääts ja Kënu'kxypyë Mëk'ajtën ja Pedro tyukëtakë ets t'ëtsooy: Wintsëntëjkëty, mëjja'aytyëjkëty,

Joel 2:28

Ko ënety jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

1 Pedro 4:6

Paatykyëjxm ojts näjyëtu'un yajtukmëmëtyaktë ja oy aaw oy ayuk mëti'ipë të y'ooktën ets ja y'anëmë jyuuky'atëty ijxtëm ja Dios tsokyën, oy ja nyi'kx kyopk të jya'ooktë.