1 Juan 5:21 - Biblia Dc en Mixe de Quetzaltepec

²¹ U'unk ëna'këty, näy'ijx'it näkyëwent'atëtë, këtiipë yë'ë xy'ëwtatëty mëti'ipë ka'ap Tyiosëtyën.

Biblia Mixe de Quetzaltepec

²¹ U'unk ëna'këty, näy'ijx'it näkyëwent'atëtë, këtiipë yë'ë xy'ëwtatëty mëti'ipë ka'ap Tyiosëtyën.

1 Juan 5:21 ပူးပေါင်းရင်းမြစ်များ

1 Corintios 10:14

Paaty, mëku'uktëjkëty, këtii xy'ëwtatëty ja awinax.

1 Corintios 10:7

Paaty miits ka'ap xywyintsë'ëkëtëty ja awinax, ijxtëm ojts jënaakën y'ëtë'ëtstën. Ijxtëm ja Dios ja y'aaw y'ayuk kyëxja'ayëtyën: Naaxwä'tstë ja ja'ayëty ets kyääytyë y'uktë ets tyëjkëtyë äjtstë pujtpë.

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Dios juukpyë mëtëypyë

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Apocalipsis 9:20

E ja ja'ay mëti'ipë jaakwë'ëmtën mëti'ipë jaakjuukyëtyën mëët ja jëtu'unpë ëyo'on, ka'ap ja t'ëxmajtstë ja y'ëxëëk winma'anyëty, wyintsë'ëkë ëtëtstëp ja ku'oypyë, ja awinax mëti'ipë pu'ts pujxn, poop pujxn, tsuxkpujxn, tsaa ets kepy mëët y'oytyunyëtyën; mëti'ipë ka'ap myëtoyën ets mëti'ipë ka'ap ye'eyën.

1 Juan 2:1

Miitsëty, u'unk maayëty, ya'atë yam ntuknija'ayëtëp këtiipë mpokytyuntëty. E pën jää pën pyokytyuny, nmëët'ajtëm ja nikajpxtutpë Dios wintum, Jesukristë, mëti'ipë ka'ap tii poky tmëëtëtyën.

Apocalipsis 14:11

Xëmëkyëjxm ja jëënjok jap pyëtsimy ëyoowtaknjoty, ka'ap jap ja po'kxën maa, xëëny koots jap y'ëyowëty mëti'ipë ja mëj jëyujk ets ja awinax wyintsë'këpën ets mëti'ipë kyupëjkpyën ja nätsya'ajë.