1 Juan 5:18 - Biblia Dc en Mixe de Quetzaltepec

¹⁸ Nnija'awëm pën ja Dios tyeety'äjtypyën, ka'ap ja pyokytyuny, jä'ä ko Dios U'unk këwent'ajtëp ets ka'ap ja ëxëëkpë pyäätyë.

Biblia Mixe de Quetzaltepec

¹⁸ Nnija'awëm pën ja Tios tyeety'äjtypyën, ka'ap ja pyokytyuny, jä'ä ko Tios U'unk këwent'ajtëp ets ka'ap ja ëxëëkpë pyäätyë.

1 Juan 5:18 ပူးပေါင်းရင်းမြစ်များ

Salmos 119:101

Tëës yë nkë'ë nteky njëpëky ma ja në'ë tu'ujën ëxëëkpë, jä'ä ko yë'ëjës ntunäämpy ijxtëm yë m'aaw m'ayuk y'ënä'änyën.

Salmos 119:3

mëti'ipë ka'ap tii tuuntëkoy tkajpxtëkoytyën, mëti'ipë yi'iyë pyanëjkxtëpën ja Wintsën ja nyë'ë aaw tyu'u aaw.

Salmos 17:4

Jëtu'un tä yë ja'ay y'ëtë'ëtstën ma je'eyë tsyiptun tyipkajpxtën, ëjts tim näjyëpëjkëpës jam ijxtëm yë mtëyajtën y'ënä'änyën.

Salmos 18:23

Mëtëyës të njuuky'äty ma yë'ëjën, ja ëxëëkpë ka'apës të ntunyë këwentë.

Salmos 39:1

Ëjts jëtu'unës ënety të nmay të ntajy koos oy njuuky'ata'any, ka'apës nëkoo nëë poky ntuna'any nkajpxa'any, mëkës yë n'aaw nyä'än nkëwent'ata'any ko ënety ja ëxëëkja'aytyëjk nwintuuyës yajpaatë.

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Mateo 5:37

Tëy winë xykyajpxëty: Oy'atëp ëkë ka'ap y'oy'atëty; jä'ä ko ka'ap y'oyëty ko pën tëkatsy tii tuny.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Juan 1:13

Ka'ap yë'ëkyëjxmëty ja Dios y'u'unk'atëtë ko të myëxu'unk'atë ijxtëm naaxwiinyëtë ja'ayën ets ka'ap yë'ëkyëjxmëty ko yë'ë të tsojkën'atë, yë'ë ko Dios të yajkoj të pyëjkta'akëtë.

Juan 14:30

Ka'apës nëkooyë n'ëkmëtya'akanë mëët miitsëty, jä'ä ko tää wyinkony mëti'ipë ënä'ämpën yaa naaxwiiny; oy tkamëët'aty nitii mëk'ajtën ma ëjtsën,

Juan 15:4

Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Juan 15:7

Pën tu'ukyë m'itë mëët ëjts ets myaj'ijtëp jap m'aawjoty mjootjoty ja n'aaw n'ayukës, oy tii xytyim'amëtowtëty nëjkxëp myajmo'otë.

Juan 15:9

Jëtu'un miits ntsoktë ijxtëmës ja Dios Teety të xytsyokyën. Itë jam xëmë ma ja tsojkën ja'awënën mëti'ipë të nmo'otën.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Dios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

1 Juan 2:29

Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënety ja Dios u'unk'ajtëp.

1 Juan 3:12

Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

1 Juan 3:3

Pën yë'ë y'a'ijxyp jyëjp'ijxyp, wa'ats nyäyaj'ityë, jëtu'un ijxtëm ja Jesukristë wya'atsëtyën.

1 Juan 3:9

Ka'ap pyokytyuny mëti'ipë ja Dios u'unk'ajtëpën, jä'ä ko tap nye'pnyjoty tmëët'aty ja juukyajtën mëti'ipë ja Dios yäjkpyën; ka'ap tjëkyepy pyokytyuun'ëtë'ëtsëty, jä'ä ko Dios u'unk'ajtëp.

1 Juan 4:6

E ëëtsajtëm, Dios xyjyä'ä''ajtëm. Pën ja Dios y'ixy'äjtypyën myëtoow'ijtyp ja n'ayuk'ajtëm, e mëti'ipë ja Dios kajä'ä'ajtëp ka'ap xymyëtoow'ijtëm. Yë'ës ëëts ntuknija'awëmëp pën ja Kënu'kxymyëkajtën myëët'ajtyp ets pën ka'ap.

1 Juan 5:1

Pën myëpëjkpy ko ja Jesús yë'ë mëti'ipë ënety yajjëjp'ijxpën, Dios ja u'unk'ajtëp; ets pën ja Dios Teety tsyojkpy, näjyëtu'un tsokëty ja Dios u'unk.

1 Juan 5:15

Jëtu'un ijxtëm të nnija'awëm ko ja Dios tmëtoy ja nnu'kxtakën'ajtëm, näjyëtu'un ëëts nnija'awëmë ko nmëët'ajtëm ja mëti'ipës të n'amëto'owëmën.

1 Juan 5:19

Nnija'awëm ko ëëtsajtëm Dios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

1 Juan 5:21

U'unk ëna'këty, näy'ijx'it näkyëwent'atëtë, këtiipë yë'ë xy'ëwtatëty mëti'ipë ka'ap Tyiosëtyën.

1 Juan 5:4

tëkokyë pën ja Dios u'unk'ajtëp myëmëtaktääpy ja naaxwiinypë. Ja nmëpëjkën'ajtëm yë'ë xyajmëtakëm naaxwiinyëtë.

Judas 1:21

Näy'ijx'itëtë näkyëwent'atëtë, näyaj'itëtë mëët ja Dios ja tsyojkën, tyam xyjyëjp'ixtë ja Wintsën Jesukristë, mëti'ipë mëët ja pa'ëyo'owën xymyo'oja'anëmën, ja juukyajtën xëmëkyëjxmëpë.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.