1 Juan 5:13 - Biblia Dc en Mixe de Quetzaltepec

¹³ Tyam miits nnijäyëtë jënu'un ja Dios U'unk xymyëpëktë ets xynyijawëtëty ko xymyëët'atë ja juukyajtën xëmëkyëjxmëpë.

Biblia Mixe de Quetzaltepec

¹³ Tyam miits nnijäyëtë jënu'un ja Tios U'unk xymyëpëktë ets xynyijawëtëty ko xymyëët'atë ja juukyajtën xëmëkyëjxmëpë.

1 Juan 5:13 ပူးပေါင်းရင်းမြစ်များ

Juan 1:12

E mëti'ipë kupëjkën ets myëpëjkë, yë'ë ojts ja kuttujkën tmo'oy ets Dios y'u'unk'atëtëty.

Juan 2:23

Ko ja Jesús ënety jam yajpaaty ma ja Jerusalén kajpnën ëmaay xyëëwjoty, may ja ja'ay t'ijxtë ja mëj'ajtën mëti'ipë tyuun kyajpxën ets tmëpëjktë.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Juan 21:24

Ya'atë jëtu'un ja ijxpëjkpë mëti'ipë yam winë nyimëtyäkpyën, ets yë'ë të tkuja'ay. Ets nija'awëm ko tyiyëty mëti'ipë nyimëtyäkpyën.

Juan 3:18

Pën myëpëjkpy ja Dios ja y'U'unk; ka'ap nyitukëja'any; e mëti'ipë ka'ap myëpëkyën tëë nyitukë jä'äkyëjxm ko ka'ap të tmëpëky ja Dios ja y'U'unk tu'kpajkpë.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Hechos 3:16

Mëti'ipë miits m'ijxtëpën ets mnija'awëtëpën tyam, ets mëj'äämpy tyajnaxy ja Jesús, yë'ë ko yajmëpëky ja xyëëw. Ja mëpëjkën mëti'ipë yajmëët'ajtpën jam ma ja Jesús ja xyëëwën, yë'ë ja tekymya'at të yajtso'okyë, ijxtëm tyam ni'ëmukë xy'ixtën.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Dios të xymyo'oyëmën ets xyajnitsokmëty.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

1 Pedro 5:12

Ja nmëku'uk'ajtëm Silvano, mëti'ipë oy tsuj ja Dios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Dios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

1 Juan 1:4

Paaty miits ya'atë ntuknijayëtë ets ja nxoontakën'ajtëm kya'pxëty.

1 Juan 2:1

Miitsëty, u'unk maayëty, ya'atë yam ntuknija'ayëtëp këtiipë mpokytyuntëty. E pën jää pën pyokytyuny, nmëët'ajtëm ja nikajpxtutpë Dios wintum, Jesukristë, mëti'ipë ka'ap tii poky tmëëtëtyën.

1 Juan 2:21

Ka'ap yë'ëkyëjxmëty miits nnijäyëtë ko xykyanijawëtë ja tëypyë jaantypë, paaty miits nnijäyëtë ko të xynyijawëtë ets mnija'awëtëp ko ka'ap tii anëëmëtyä'äky tsyoony ma ja tëypyë jaantypën.

1 Juan 2:25

Ets yë'ë ya'atë mëti'ipë ja Wintsën Jesukristë të xytyukwinwa'anëmën, ja juuky'ajtëm xëmëkyëjxmëpë.

1 Juan 2:26

Paaty miits nnijäyëtë këtiipë myajwin'ëëntëty.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

1 Juan 4:9

Tëë ja Dios xytyuk'ijxëm ja tsyojkën ko ja tu'kpajkpë ja y'U'unk të xytyuknikäjxëmë yaa naaxwiiny ets ja juukyajtën të xytyukpatëmë.

1 Juan 5:10

Pën myëpëjkpy ja Dios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Dios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

1 Juan 5:11

Ya'atë mëpëjkën yë'ë xytyuknija'awëm ko ja Dios të xymyo'oyëm ja juukyajtën xëmëkyëjxmëpë, ets ya'atë juukyajtën jam yajpaaty ma y'U'unkën.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.