1 Juan 4:20 - Biblia Dc en Mixe de Quetzaltepec

²⁰ Pën ënaanp: Ntsojkpyës ja Dios, ets y'ëxëëk'ijxyp ja myëku'uk, win'ë'ëmp ënety. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Dios tsoka'any mëti'ipë ka'ap yaj'ixyën?

Biblia Mixe de Quetzaltepec

²⁰ Pën ënaanp: Ntsojkpyës ja Tios, ets y'ëxëëk'ijxyp ja myëku'uk, win'ë'ëmp ënäty. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Tios tsoka'any mëti'ipë ka'ap yaj'ixyën?

1 Juan 4:20 ပူးပေါင်းရင်းမြစ်များ

Juan 13:35

Pën mnätsyojkëtëp miits nixim niyam, y'ixtëp nyijawëtëp ja ja'ay ni'ëmukë ko ënety miits n'ijxpëjkpë'atë.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

1 Juan 1:6

Pën ëna'anëm ko ja Dios mëët nyajpatëmë ets jëtu'un njuuky'ajtëmë ijxtëm y'akootstuuyëtyën, win'ë'ënën ënety ets ka'ap ja tëyajtën npatu'unëm.

1 Juan 1:8

Pën ëna'anëm ko ka'ap tii npoky'ajtëmë, kë'ëm ënety nnäwyin'ë'ënëm ets ka'ap mëtëy nja'ay'ajtëmë.

1 Juan 2:11

Pën ja myëku'uk y'ëxëëk'ijxyp, jam y'ity ets jyuuky'äty akootstum, ka'ap nijawë maa nyijkx, jä'ä ko ka'ap tii t'ixy akootstuuy.

1 Juan 2:4

Pën ënaanp ko Dios t'ixy'äty ets ka'ap tpatuny ja y'ënä'ämën, win'ë'ëmpë ënety ets ka'ap ja Dios ja tyiyajtën tmëët'ajtë.

1 Juan 2:9

Pën ënaanp ko yajpaaty ma ja jajën të'kxën, e y'ëxëëk'ijxyp ja myëku'uk, jam ja yajpaatynyëm akootstum.

1 Juan 3:17

Ko pën jam tii tmëëtëty winë ets ka'ap tmo'oy ja myëku'uk, oy tjatim'ixy ko ja myëku'uk tii tyajm'ëmaatyä'äky, ¿wi'ix y'ëna'ana'any ko ja Dios tsoky?

1 Juan 4:12

Dios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.