1 Juan 3:19 - Biblia Dc en Mixe de Quetzaltepec

¹⁹ Jëtu'un ëëtsajtëm nnija'awëmë ko ja Dios xyjyä'ä''ajtëmë ets akujk jotkujk n'ijtmëty Dios wyintum

Biblia Mixe de Quetzaltepec

¹⁹ Jëtu'un ëëtsajtëm nnija'awëmë ko ja Tios xyjyä'ä''ajtëmë ets akujk jotkujk n'ijtmëty Tios wyintum

1 Juan 3:19 ပူးပေါင်းရင်းမြစ်များ

Salmos 119:56

Ya'atës ëjts xypyatp koos nkuuytyunëty yë m'ënä'ämën mkutujkën.

Isaías 32:17

Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Juan 13:35

Pën mnätsyojkëtëp miits nixim niyam, y'ixtëp nyijawëtëp ja ja'ay ni'ëmukë ko ënety miits n'ijxpëjkpë'atë.

Juan 18:37

Ënet ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënet ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Romanos 4:21

tëë ënety ja y'aaw jyot tpëjktä'äky ko Dios ja mëk'ajtën tmëëtëty ets tpatun ja wyaantä'äky.

Romanos 8:38

Nnija'apës ko ka'ap pën xypyëjkëmëty ja Dios ja tsyojkën: ni o'kën, ni juukyajtën, ni tsajpjotmëtë kukäjpxy, ni ku'oypyë, ni tyampë, ni miinpë wiinkoonpë,

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

1 Juan 1:8

Pën ëna'anëm ko ka'ap tii npoky'ajtëmë, kë'ëm ënety nnäwyin'ë'ënëm ets ka'ap mëtëy nja'ay'ajtëmë.

1 Juan 2:21

Ka'ap yë'ëkyëjxmëty miits nnijäyëtë ko xykyanijawëtë ja tëypyë jaantypë, paaty miits nnijäyëtë ko të xynyijawëtë ets mnija'awëtëp ko ka'ap tii anëëmëtyä'äky tsyoony ma ja tëypyë jaantypën.

1 Juan 3:14

Nnija'awëm ëëtsajtëm ko nmëët'ajtëm ja xëmëkyëjxmëpë ja juukyajtën, jä'äkyëjxm ko nätsyojkëm nixim niyam. Pën ja myëku'uk kyatsojkpy, o'kën kyë'ëjotm ja y'ity.

1 Juan 3:20

pën nja'awëm jootjoty winma'anyjoty ko ka'ap tii oy ntu'unëmë, Dios wäänë mëj yë'ë këtiinëm ja njoot'ajt nwinma'any'ajtëmë, wa'ats nijawë tii ënety oy nkatu'unëm.

1 Juan 3:21

Mëku'uktëjkëty, ko ja njoot'ajt nwinma'any'ajtëm ëmuumtu'uk npëjktakmëty jam ma Tiosën, ka'ap ntsë'këmëty Dios wyintum;